ارحب ياهلا بالحاظرين موضوعي؟؟؟

:26: :26:
سلامن عليتس تسثير بالحيل لكن حبيباتي بعالم حواحو الجميل واخص بالذكر الواحه الهههيها

والله اني اشتقت لكم كثير بالحيل ومن مبطي ومن هك سنين عنكم...؟؟

بتقولون وش موخرج يالغلا العطله مابقا عليها الا شهرين.... ماعليه بالشهرين بطلع عيونكم من

ورى الكمبيوتر لاني بحتسين لكم سوالف كثير .. حتى مخيخي قفل ماعاد يستقبل سوالفن جديده

وكل ماسمعت سالفه قفل .. ويطرش لي رسالتن تقول .. الذاكره ممتلئه يرجى يابنت العرب انتس

تمسحين منهن ... قلت مالي إلى خوياتي وربيعاتي بحواء اقرق عليهن لين تطيب كبدي .....


وابشروا بصير الراوي عن قريب وبنافس الشرهان ....... وبثبت موضوعي وسوف يتجدد خلال العطله ... نغزه قويه


ولا باخذ التميز بأذن واحدن احد انشاءالله .... أليكي اعني واسمعي ياجاره المهم ماطولها وهي

جصيره .... بدليه ... والله وش اسوي التقويم اللي بالخشه مو مخلي احد بحاله ؟؟؟؟

ماعلينا من الملامه ماعلينا ..,,؟

المهم...

في مراتن من المره وعندما كنت في بيت خالي نايمتن عندهم يومين وميزة خالي انه ماعنده الا

4 بنات والبت خالي مابوه الا البنات ومهم زعلانه وعن قريب بيعرس على مرته ...... :30: ياحول وبنته الكبيره مستانسه مدري ليه

ورايحتن مخيطتن لها ثوب 4000 ريال ..... طاحت جبدي يوم اني شفته والله مافيه شي خامه

وبالوسط حزام .... ماعلينا من بنت خالي وثوبهاا ....

نرجع لمحيويرنا .....

المهم وذاك اليوم وانا جالستن عندهم سولفت لي عن خوالهاا بالحجاز ساكنين اي المهد واللي مايعرف
المهد

هي عباره عن ناس ساكنين ببيوت طين مو متطورين ... وعندهم خير بس تعودوا على حياتهم

ومستانسين فيهم المهم وتحجي لنا قصتهااا ...

تقول بنت خالي ...

يوم راحت لخوالها اللي هم اصلا خوال امها ولا خوالها بالرياض بس امها تولهت على خوالها اهل امهاا ....

انزين تقول حنا رحنا في بدايه الدراسه للفصل الاول وحنا نظامنا بالحفر (خارج عن النص )

لا بدت الدراسه بعد سبوعين ندوام مانعترف باول اسبوعين معطلين روحناا كيفناا ( داشتن هوشه )


المهم ..:22:

تقول.. ولا اروح مع بنات خال امي لمدرستهم ولا بيت طين ومافيها الا 6 غرف وحوش غنم

هالله هالله وبس .... وتقول وانا اللي ينصفق وجهي وادخل مع بنت خالي .. لفصلهاا ولا كل فصل فيه

4 بنات وحيده غايبه والثانيه تسوي فطور اهلها والثالثه مانامت امس وراقده وحيده داشه غلط ترسم

القشعة اللي قدامهاا ....

والمدرسه ماغير تصيح على انتي يا البنتين المقرودتين .......................؟؟؟؟.

المهم ... وفجأة ولا تدخل عليهم غنمه تدور برسيم والمدرسه تصيح وتنفش شوشتهاا ..

والبنات يضحكن عليهاا ... وتقول ايش هذا.. ولا تجي ام فطور الليي متوخره ومعها خبزها المعفوس ..

وتفتح الباديه وتقلط البنات عليها ..............؟؟؟

والبنات مابين تمدحه واللي تقول ناقص ومدري وشو والمدرسه مناهره صار فيها انهيار عصبي....؟

عاد بنت خالي ذي رأفت بحال المدرسه جت بتقوم تواسيها لانها بكت ....؟

ولا تمسكها وحيتن من البنات تقول خليها عنتس الحين تقوم مافيها الا العافيه ............؟؟


وبعد ماخلصوا خبزهم المعفوس جاهم الحارس يصيح ... يافلانه يافلانه

المدرسه.. وتقوله وش تبي

الحارس.. يقول : ابج قولي لفلانه جوها ضيوف والذبيحه معلقه ....؟؟؟

وتقول والبنت تصيح من قمة راسهاا .. ياااااااااااااااااااااااااااااااااااااااو والله انها ثالث ذبيحه

بالسبوع يافرقى عين جدي

وتقول

وتروح ويلحقنها البنات يعوننهاا

والمدرسه تقول... معلقتن لها حبل بتنتحر.... بس لولا الله ستر ....................؟؟؟


انا عااد لالا تدورن وجهي اني مغير اضحك و والنسم رايح بس بنت خالي الجيده ... امحق جيد

جابت الماء ونثرته على وجهي ... نثر الله الملح من على وجهاا ...


سالفتون اخر هذاك اليوم امي رايتن عمره مع اخوي وحرمته وبزورته وانا وخواتي جالسين بالبيت
واحس فيني وناسه مدري ليه ودي اجنن احد كان ادق على انت ياخوي ...

واكلمه هااه وصلتوا ولا لا كان اقوله عطني اميمتي ويوم عطانيها قمت اسولف لهاا ...

عااد انا كل ماكلمتهاا بيني وبينها كلمة سر هااه ما دقو عليتس بني اخيتس

عاد تقول بيدقوون ..... اقولكم وش قصت ذي الكلمه ....

هذا الله يسلمكن مره ولد خالي فكر مجرد فكر انه يخطبني وماقال الا لخته حتىامه ماقالها

بس بيسأل عني وشلون اخلاقي ((( والله اني اهبل ))) المهم واخته ماقصرت مدحته من زود الهوالات

قالت حتى أل سعود خطبوها من كثر زينها وخلاقها وانا هندي ال سعود ما خطبني ولا عمري انخطبت

طايحتن بجبد اهلهاا ... المهم الولد سكت البنت هذي خويتي حيل قالت لي عن السالفه ورحت على

طول لمي وسألها هااه ما دقوا بني خيتس تقول لا والله بس يدقون وصار على هالسالفه سنه ولا لحين

مادقواا .........زز بس عاذرتهم مضيعين رقمناا (( الرجال معرس وحرمته قريب تولد ))

المهم نرجع لمحورنا ....

يوم اني ادق على امي ...

واقول دوتس خزنه تبيس وخزنه تقول دوس شمه تباس وشمه نوره ونوره نجله لين طار رصيدي كان 250 ريال المهم وامي تهاوش تقول دقن على تلفوني

توها شاريته قبل لا تسافر بيوم ابو كامرتين N80

قلت ابشري واسكر التلفون من هنااا ...............؟؟؟؟

واخذ تلفون نوره واتصل عليهاا

وعاد انا امي سنه على ماتطلع التلفون من جنطتها اول خلها تسمع النغمه ثم تاخذ الجنطه ثمين

تحوس بجنطتهاا (( صيدليه متنقله )) توخر دواها وتتطلع مفتاح وتناظره وتقول هذا حق وشو

وبالخير تلقاه وعلى اخر ددقه تقول .. هالوو

انا ... هللا يماا معتس اختج النوري ....

امي.. هلاا النوري

انا.. شلونج يماا انا اختج النوري .... مستوعبت بنت الحلال

امي.. ايه هلاا

انا.. مادقوا عليتس بني اخيتس

امي.. بيدقوون منو شقحه يؤؤؤؤ

انا.. دوتس خزنه تباج .... وانعادة الدوره من جد وجديد وحنا بس ضحك على امي ياحلو

الامهاات بساطه وقلوبهم بيوضه ياحلو امي ياناس ....؟؟؟ انا اشهد انهاا عسل ترد انشالله بسلامه ..؟؟

ودمتم سالمين

وترقبوناا بقصص جديده تهول القلب انشالله عاد ابي ردوود تكسر الصخر تصك على انتي يا مرت
راعي غنم ............ ههههههههههههههه .....

يؤؤؤؤؤ لا يكون انتي يا مرة راعي غنم صاحبت الذبيحه عاد بشري مضبوطه ولا لتس عليهااا ....


جاااااااااااااااو جااووووووووووووووووو