ياهلا ويا مرحبا .. نوركم طفى الكهربا >>كذابه الكهربا مشتغله
شلونكم مع الامتحانات ؟
ان شاء الله مزفتين اوووه قصدي مسووين زين ؟
عارفه انكم مزفتين مايحتاج تقولون
..المهم
قبل الامتحانات بكم يوم قاعده اقابل التلفزيون والكتاب قدامي مقلووب
فدق التلفون ورحنا انا ونوير نركض له >> سبااق خيل على غفله هع هع
وتسحب التلفون نوير واسحبه انا وتسحبه نوير واسحبه انا وتسحبه نوير
واسحبه انا وبعدين عطيتها صطااار صوته وصل لاخر غرفه ببيتنا :11:
انا : الووووو
حرمه غريبه : السلام عليكم
انا : وعليكم السلام
الحرمه : انت ارنووبه
انا : ايووه ارنووبه
الحرمه : ياهلا وغلا ومسهلا ومرحبا وين امك
انا : >> وشعندها تهلي وتمرحب :29:؟ ايووم موجوده لحضه شوي
رحت اركض واعثر اركض واعثر
يمااااااااااه حرمه تبغاك
امي :الووووو
وبعدها رجعت للتلفزيون وكملت المسلسل
بس اشوف امي من بعيد وهي تبتسم وتطالعني وتكلم
انا اقوول في بالي شعندها اميمتي تبتسم
وبعد نصف ساعه قعدت فيها على التلفون:time: قامت
وجت عند ابووويا وتكلمه بصوت منخفض
ياااااربييييه شعندها امي ؟
______
ومن بكره في الغدا
جلست مع العايله رافعه كموومي ومستعده للغدا
جلسوو اهلي عاد ابوي يبغى يصرف نووير
قال لها قوومي جيبي اللبن
فطالعتني امي وقالت :ا رنووبه تدرين منو كلم امس المغرب ؟
انا : لا مااعرف .. :55:
امي : حرمه تخطبك
انا : تخطب منو ؟:29:
امي :انتي يعني منو بنت الجيران >> يحليلها امي تستخف دمها هع هع هع
وعطتني كم معلوومه عن الرجال
انا : رمشت عشر رمشات بعيوني وقمت من الطاوله ورحت اجري لغرفتي >> تقلد المسلسلات المصريه
ودخلت الغرفه في الطابق الثاني وعيوني للحين ترمش >> علقت من الفرحه
وفتحت شباك الغرفه اللي معششه عليه العنكبوت واطل في ذاك الحوش اللي
ما انغسل من سنه واشوف من فوق بيت الجيران اللي سار لهم سنه معلقين ملابسهم عشان
تنشف واحترقت الملابس من الشمس:41: وهم ماشالوها
واشوف الشارع ولا ذاك الولد الصغير اللي طالع من البقاله ولابس
فنيله وسروال اصفر وماسك بيده اخته الصغيره اللي قمل شعرها اشوفه
وانا في البيت وتعلك علكه
واشوف ...... طووووخ طوووووخ طووووخ:o >> لامافي شئ بس اختي تظرب الباب
انا : منووو> نست ضرب اختها للباب بعد هالسالفه
نوير: اناااااا نويييرووه يعني منو
قمت بكل بروود وانووثه >> اجل رجووله خخخخخ
وفتحت الباب لقيت نوير وادينها كلهم مــرق
تقول:ابووي يقول انزلي تغدي
انا : ما ابغى شبعانه:13:
قامت نوير واسحبتني بادينها اللي كلهم مرق وملت ملابسي
نزلت وجلست عالطاوله واكلت
وقبل لا اقوم قالت امي : فكري ترى الحرمه بتدق بكره
انا : ان شاء الله يمه:23: >>>> اختكم بعد هالسالفه سارت ذربه
قمت لغرفتي وجلست على ذاك الكرسي الي رجل من رجوله مكسوره
ومركبين بدالها رجل مكنسه
وبعد تفكير رووومنسي قررت اني اوافق فناداني ابووي من بكره وقال لي
انا سالت عن الولد وهو واحد مودب و .... و .... >> مالكم دخل
هذي اشياء خاصه:01: >> هع هع حتى ارنووبه سار لها اشياء خاصه
المهم قال لي ابوي هاااا شنو رايج
قلت : ء ء ء ء ء ء ان ان ان ان انا انا انا
ابوي : بسرعه مافي وقت انا ولا انتي >> ابووي جدي بزياده:30:
انا : موافقه >> مدري شلون كملت هالكلمه ومامتت
وبعد هالخطبه ما قمت اركز بالدراسه ابداااااااا
تدرون ليش ..
خلاص الحين لو ارسب امي وابوي ماراح يهاوشوني
وزوجي ماراح يقول شئ >> الله الحين سارت زووجه :27: >> لايقخ هالورده هع هع
وهي توها بالخطبه هع هع هع
عاد الحين خنشوف رايكم انتم >> متعطله عليكم هع هع هع>> لابلعكس رايكم يهمني >> ترفع معنوياتكم
مع تحياااتي : ارنووووووووووبه:27:
الله يوفقك ويسهل عليك ... :13:
بس ماقلتي لنا غيرتي ملابسك بعد المرق ؟ :29:
وعلى فكرة لازم تعزميني ولا راح آخذ قلوبي
اللي في توقيعك ... لأنها خاااااصة بموضوع ( مشاعرك اتجاه
هذه العضوة ) .. :21: لكن علشانك راح أشيل خصوصية القلب
والله من جد فرحت لك ...
لايكون تلعبين علي بهالموضوع .. :42:
ــــــــــــ وفقتِ ،،