اروح زواج اختي ولا لا

السلام عليكم

بنات انا في موضوع مأرقني كثير ومتعبني

اختي بيني وبينها مشاكل وانا تزوجت قبلها وكانت تحلف انها بتخرب زواجي وهي اكبر مني
وفعلا احرقت البيت قبل ملكتي وكلمت ام زوجي وحاولت قد ماتقدر انها تنكد علي
وخربت علي خطبتي الاولى والثانيه ماقدرت لان ماعلمناها بشي وصرت اخبي كل شي عنها واسوي كل شي من وراها انا وامي عشان ماتخرب علي
ولحد ماتزوجت وانا والله ماتهنيت ولا عزمت صديقاتي ولا سويت زواج وكله عائلي ومن غير نفس ولا اهتميت بنفسي ولا احد ساعدني ابدا وحتى امي كانت مريضة من المشاكل ولا اهتمت وزواجي كان بالبيت ويفشل
وكانت تهدد انها بتخرب علي زواجي
ولكن المفاجأة اللي ماخطرت على بال احد بعد ماسوت كل شي
انها دخلت علي بغرفتي بلليلة زواجي وانا توني لبست الفستان وهي كانت لابسه زين واعطتني هديه وراحت جلست عند ام زوجي وكانت ساكته ولا سوت شي .. انا مدري ليه سوت كذا بعد مااعلنت الحرب علي ؟؟

عموما تزوجت واخذت واحد مايقرب لنا وبعيد ساكن وبعدها بسنه صرت اروح لاهلي وصارت تحارش امي علي وامي مررة تتضايق منها ومني
ومع اني ماتكلمت ولا قلت شي بس هي تسبني بالبيت وانا ساكته عشان امي وصارت اذا جيت عند امي ماتجلس بالبيت تروح تنام عند اي احد عشان انا بالبيت
وانا حلفت بعد هالحركه اني ماادخل البيت الا اذا ماتت ولا تزوجت
وفعللا صار لي سنه مارحت لامي
وانا حامل الحين بالتاسع وشعري لاني ماصبغته لونه ابيض ويفشل بس انا اقول اصبر لبعد الولادة واصبغ

وكل هذا ختي تسويه عشان ماتزوجت واحد مب سعودي
وحنا عندنا مستحيل تاخذه
بس اللي صار ان ابوي قرر يزوجها
لانها صارت تعالج عند دكتور نفسي وجننت ابوي وامي
الحين ابوي بيزوجها وزواجها بيكون عائلي
السؤال هل اروح للزواج بعد ماجننتي وخربت علي ونكدت علي وحرمتني من امي ولا اسفهها
وخالاتي بس بيجون للزواج
وزوجي مايدري انها بتتزوج لاني اخاف يدري انها بتاخذ مب سعودي ويسوي مشاكل
وانا حذرت ابوي واخواني مايعلمونه لان اهو اصلا مايقرب لنا وبمنطقة بعيده عن اهلي
لكن اخواني يقولون علميه ولا تقولين من بتتزوج قولي اي عايلة وهو اصلا ماراح يجي الزواج لانه عائلي وحتى اهلي قالوا للناس انه سعودي
لكن لو فرضا انه غير رأية وجاء للزواج وشاف اني كذبت عليه وماعلمته ؟
فأنا افكر اختصر كل هذا وما اروح ولا شي ولااحضر واخلي بعد الولادة اروحي لاهلي تكون هي مو موجودة وانا ارتاح من المشاكل

واخواني يقولون لا لازم تجين بس انا بالتاسع وثقيلة وماتجهزت اصلا وشعري يفشل وهي قاهرتني انها حرمتني من امي وقبل سوت لي مشاكل ؟ والله ماادري


وش رايكم والله انا بحيره ولا ادري وش اسوي ؟