كيف الحال بنات
بنات انا هالايام بديت اسوي ريجيم اندومي بالشطه بس بصراحه ماتحملت وتركته من اول يوم احسه متعب وممل وثلاث ايام نفس الصنف
فقررت
اسوي نظام غذائي سويته قبل كذا وبعدين تركته فقلت ببدأ فيه ونحفت عليه على ماذكر 3 كيلو ونصف او 4 في اول اسبوع بس ماستمريت عليه عشان جا العيد وتركته
طبعا كان مافيه اكل بين الوجبات بس انا رح اخلي فيه اكل بين الوجبات عشان نتخذه نظام صحي دائم ان شاء الله
ومادام فيه زياده في الاكل عن طريقتي السابقه يمكن باذن الله ننحف 2 او 3 كيلو بالاسبوع
بس رح يكون النحف على صحه مو على ريجيم يسبب لك دوخه او تساقط للشعر او ترهل للبشره واصفرار الوجه
والحين ودي ارجع له بس ابي احد يبدا معي عشان يشجعني ويساعدني في الاستمرار عليه
وعلى فكره مسموح للي تحب تبدل أي وجبه باي شي بس يكون دايت وبكمية معقوله
مثلا ماعجبك الرز الاسمر عادي بدليه بخبز بر نصف رغيف او حبة توست
او العصير الطازج بدليه بكوب حليب
ومسموح بالكافي مره باليوم بس تكون كل الاضافات دايت سواء سكر او مبيض او حليب
مسموح بتمرتين مع قهوه او حبتين بسكويت دايجستف مع شاي بسكر دايت وقت العصر مره في اليوم وكل ماصار اقل صار افضل .. وعلى ان يمر على الوجبه اكثر من ساعتين
الفطور :
جبنة قليل الدسم أي نوع + 1 توست بر + سلطه مع خل وليمون وملعقة صغيره من الصوص المفضل عندك + عصير بدون سكر او شاي او حليب قليل الدسم
أو
3 حبات بسكويت دايجستف + شاي او حليب قليل الدسم او كافي لاتيه
او
بيضه + صامولي بر + سلطة + شاي او حليب
او
سندويش تونه + سلطة + حليب او عصير
او
كيس شابورة بر + شاي او حليب
الغداء :
ربع دجاجة + نصف كاس ارز اسمر + سلطة + عصير أي نوع بدون سكر
او
تونة + نصف كاس معكرونة سمرا + خضار مسلوقه + عصير
او
شريحة سمك + ارز اسمر او صاموليه بر + سلطة + عصير
او
حبة نقانق + حبة صامولي بر + سلطة + عصير
او
شريحة مرتديلا + 2 توست بر + شرائح بصل وخيار وطماطم + عصير برتقال او مشروب غازي دايت
او
حبة همبرغر دجاج + حبة توست بر + شرائح طماطم وبصل وخيار + عصير برتقال او مشروب غازي دايت ( وتكون هالوجبه مره بالاسبوع )
العشاء :
سندويش تونه + سلطة + عصير
او
زبادي مضاف اليه ملعقة نخالة + سلطة
او
شريحة توست بر + جبن دايت أي نوع + سلطة + عصير او كاس حليب قليل الدسم
او
سلطة فاكهه
او
طبق كبير سلطة
او
ملعقة كبيرة لبنة دايت + نصف ملعقة صغيرة زعتر + 1 توست بر + كوب عصير برتقال طازج بدون سكر
• الاكثار من شرب الماء حوالي 8 اكواب ماء
• الافضل ممارسة الرياضه ولو نوع في اليوم مشي او اوربت راك او تمارين رياضيه
• الاقلال من الملح
• امكانيه اضافة ملعقة صغيرة من زيت الزيتون مرة واحده في اليوم
• بين كل وجبه والثانيه 4 ساعات
• اكل حبة فاكهه بين الوجبات
• الشاي والقهوة مسموحه
• عدم النوم الا بعد مرور ساعه ونصف او ساعتين على الاكل
• عدم تناول اي شي من النشويات غير القمح الكامل سواء معكرونه او ارز او خبز يعني تمحي الابيض من قائمتك ..
القائمة اللي لازم تكون متوفره عندك <روحي من اليووم واشتريها> :)
سكر دايت ويفضل تركه هو والعادي
خبز وصامولي وتوست كلها بر طبعا
ارز اسمر
معكرونه سمرا
عصير برتقال بدون سكر افضل المراعي
شابوره بر
زيت زيتون
حليب طازج قليل الدسم
شاي اخضر او بردقوش
اجبان دايت
بيض
زبادي قليل الدسم على فكره انا ماحبه بس يمدحونه ناس كثير للتنحيف مع ملعقة نخاله
مبيض للقهوة خاص بالريجيم
مرتديلا – نقانق – همبرغر .. ( كلها دجاج )
لبنة دايت
يالله يابنات من تنضم معي عشان نشجع بعض ونحمس بعض
انا ببدأ من بكره ان شاء الله
الطول : 162 تقريبا
الوزن الحالي : 78
الهدف : 68 كبدايه
والمشروب الدايت مره وحده باليوم
يالله بالتوفيق
وانا بانتظاركم