اريد ان استقلاليتي التي سلبت مني

كوني حازمة واوقفي تدخلاتهم حتى لو زعلوا منك ف يالنهاية تكوني مرتاحه

اختي انتي ما قلتي لنا زوجك وش ردة فعله هل هو متضايق مستاء او عادي عنده

حاولي تتناقشي معاه بهدوء عشان تعرفي هذولي اهله ولا نبغى نحطك بموضع صعب قوليله مدى تضايقك منهم وانزاعجك

بعدين ليش ماتخرجي بدون ما يعرفون ليش ما تخصصي اسبوع تروحي عند اهلك انتي وزوجك وتنامون هناك شوي شوي هم بيخففون زيارتهم لك


الله يسعدك عزيزتي

ماوضحتي موقف زوجك من اللي يحصل ؟!

لازم تفهمين زوجك انه زيارتهم المتكرره وتدخلهم بحياتك يضايقك
وانك محتاجه تكوني لحالك معه ومع أطفالك
تعاملي معهم برسميه وحزم ولاتتساهلين معهم
وحتى لو تحسسينهم انك متضايقه
هذا حقك واذا بيزعلون بكيفهم
والله يعينك

:26:

شكرا لكن لمروركن واسعدني كثيرا ارائكن الرائعة
امولتي شكرا لك على المرور بالنسبة للحزم انا قلت لهم اكثر من مرة وبالصريح انا ما احب اعيش الفوضى ابي يكون لي نظام وحياة مستقلة ارتاح فيها
كان ردهم لازم تغيرين طبعك وتمشين معنا وما فية فايدة رجعت حليمة لعادتها القديمة
عديل الروح شكرا لك بالنسبة لزوجي هو مش متضايق ولاهو مبسوط بالعكس يقول انتي غريبة ما تبين الناس وقلت له ما ابي الفوضى قال ما تبين اهلي انا احب اهلة هم ناس طيبين لكن يبوني امشي على طريقتهم وطبعهم والغي حياتي وما تر بيت علية في بيت اهلي

اما اهلي فهم في مدينة ثانية غير المدينة الي اسكن فيها والله احس بالقهر لما زوجات اخوانة يزورون اهاليهم وهو يتركني عند امة علشان اطبخ لهم والمصيبة عندهم ان زوجة الولد هي الي تقوم بكل الشغل من طبخ وتقديم والقهوة وغيرها اما بنتهم ما تشيل كاسة
والله احيانا اتركهم واطنش اسوي نفسي لاهية بالسوالف
لكن هم ينظرون لي بنظرة سئية جدااااااا احس بنظرتهم
غير الطلبات المباشرة قومي حطي هذا شلي هذا كأني جاية اخدمه مو زايرة عندهم
ما سلمت لافي بيتي ولا في بيتهم
اما بالنسبة للخروج كل زياراتنا مع اهلة واقاربة انا مالي احد في هذة المدينة ولو طلعت لاقاربة قالوا مرونا ويالله السيارة وش تشيل الصغار بحضني والضيق وجالسة وراء مع زوجة اخوة واختة والشغالة والله من جوا احترق واحيانا ابكي وهذا كان وانا توي عروس ما صار لي شهر والى هاليوم وهم كذا
احب زوجي وما ابي اضايقة لكن وش الحل مع اهلة المتطفلين
يا بنات زواج قريبي يبي يصير في الاجازة وام زوجي حاطة رجلها في السيارة من الان تبي تروح معنا وهي ما هي معزومة وانا مستحية من اهل قريبي وش يقولون عني جايبة خالتها معها
غير كذا ابي اسافر انا وزجي لوحدنا لو مرة واحدة بالعمر

tact شكرا على رائك وردي نفس الي قلتة لعديل الروح
وانتظر باقي ارائي البنات الحلوات حتى لو لم اجد حل عملي يكفيني مشاركاتكن التي ازالت الكثثثثثثثثثثثثير من الكبت والضيق الذي اعاني منة

اعتذري عن الزواج حتى ما تروح معك والله يعينك وانشاء الله تفرج كثري الدعاااااااااااء وماعندي حل للاسف غير ادعيلك