الله يجزاكي خير اختي مرة عبد الله على مرورك وعلى الدعاء والله يصبرنا والله يفرج عن قريب باذن الله ولا تنسين تدعين لي
اما عدم روحتي للزواج ليس حل عملي بالعكس غير هالمرة مرات جاية تبي تروح معي
غير كذا عدم روحتي ممكن يزعلون قرابتي لعدم حضوري ومشاركتي معهم فرحتهم خصوصا كلا من العروس والعريس يقربون لي كثير
اذكر اول زواجي صار فية عزايم من جارتي واول عزيمة اتصلت جارتي وانا كنت عند اهل زوجي فخبرت ام زوجي ان جارتي يبون يزوروني
وش تتوقعين اليوم الثاني جت الخالة وحضرت العزيمة وتنتقدني لاني ما سويت الحلا والكيك غير صنف واحد فقط والله ما انبسطت بالعزيمة فكانت كل واحدة تعزمني من جاراتي وام زوجي موجوة اعتذر واقول لها بيننا تلفون لكن فية واحدة خالتي قبلت وانا رفضت ولما جاء يوم العزيمة ما دريت الا والخالة جاية في البيت الظهر وانا كنت نائمة بعد الغداء وما دريت الا زوجي يقولي امي عندنا وانا لا اتصلت فيها ولا ابيها تروح معي يا عااااااالم ابي اكون مستقلة لوحدي ما ابي احد يعلمني وش اسوي ولا كيف اتصرف انا انسانة متعلمة وجامعية واجتماعية ولي الكثير من الصداقات في مدينتي الي كنت فيها وامي ما يوم تدخلت بشئ يجون اهل زوجي يعلموني الحين كيف اتعامل مع الناس
اسفة على الاطالة وشكراااااا للجميع

مرحبا أختي الرهف
الله يصبرك ويطول بالك.
ياأختي ليه ما تقلبين الوضع يعني أنتي روحي لبيت أهل زوجك وأجلسي وخلك ضيفة وبعدين وأنتي راجعه لبيتك خوذي راحتك بالتمشي والطلعات يصفى الجو مامعك أحد
وقولي لأم زوجك حددي مواعيد نجتمع فيها اليوم عندك بعد أيام عند أخو زوجك وتمر على الجميع وأيام كل واحد يجيب قهوته وتجتموا ببيت الام.
بس أختي نصيحة لا تتذمري من الوضع كثير عند زوجك الله لايجيب اليوم اللي ينفجر ويقولك أنتي ماتبغي أهلي ولاتحبينهم.
الله يسر أمورك ويسعدك بالدنيا والأخره.

اختي .. الله يعينك
لازم يكون لزوجك دور في الامر ...
وفهميه انك تحبين اهله وتقدرينهم وتحبين جمعتهم ... بس تحبين الخصوصية ...
لازم يساعدك ...
وبعدين يا عيوني اذا جيرانك بيجتمعون عندك مو لازم تعلمينها... اذا عندكم زواج مو مهم تخبرينها ...
لا تبلغينها بكل شيء ... يعني انت ما خليتي لنفسك خصوصية
يعني لازم كل ما بغيتو تروحون والا بيجيكم احد تبلغونها بنواياكم عشان تنشب لكم ..
وبالنسبة للزواج روحو في يوم بدون ما تقولون لها من قبل انكم بتروحون ...
واذا زعلت بعدين وقالت ليش رحتوا وخليتوني قولوا : ما توقعنا انك جادة في الموضوع
خلوها تحس ان روحتها شيء غلط وغير متوقع منها لأنه ما يخصها ولا احد عزمها
وبعدين زوجك ما يهمه نظرة الناس لها اذا حضرت وهي غير معزومة ... يعني الفشيلة لها مو لك .. بالعكس بيقولون الله يعينها على هالخالة النشبة
والاهم ان زوجك ما يتكلم بكل شيء يخصكم ... عن روحاتكم وجياتك
زوجك اهم واحد في الموضوع ... دوره اهم من دورك وهو اللي يصعب او يسهل الامور عليك

ابي افهم وش يدريها عن جاراتك وجمعاتهم ...
لا تقولون لها شيء ... واذا بغت تروح وانت لا ... قولي لها انا ما ابي انت تبين روحي لحالك ...

صدقيني لن تستطيعي تغير شيء الا بواسطة زوجك لانك انت غريبة وكلامك محسوب و لا ينسى اما زوجك ابنهم لا يتضايقون من كلامه و ينسونه بسرعة
يعني زوجك هو يحل الامر بهدوء وانت اجلسي متفرجة فمثلا بالنسبة للسيارة زوجك يجب ان يقول لا يوجد معي مكان بالسيارة و خطر يصعد اكثر من العدد المسموح به بالسيارة مثلا و غير ذلك
وبالنسبة لحماتك ضعي في بالك انها امك الثانية و كما يقولون الحماية فاكهة صيفية يعني اخرتها ستموت و كلنا للموت و لا يبقى للواحد منا الا عمله الحسن