اريد حرمه تبيع اكلات نفاس؟؟؟؟؟

السلام عليكم ياخوات انا حامل في الشهر السابع وان شاء الله راح اولد في بيتي

انا عندي بنتين وكلهم جبتهم في الدمام مع ان اهلي في الرياض وامي ولله الحمد عايشه بس بصراحه ماتهتم فينا من ناحية النفاس حتى هي يوم كانت نفاس والله ماكنت تاكل اي عشبه وكانت تعتمد على اكل الجيران وكانوا يرسلولنا الاكل في اليومين الاولى وبس مع ان امي تعالج حريم بس سبحان الله وش نقول؟؟
وفكرت ان وزوجي وشفنا الحل اني اولد بنتي الاولى في بيتي وعلمتني ام زوجي الله يجزاها عني كل خير كل شي تحتاجه النفاس لدرجه اني ادق على امي واترجاها تقولي شي يخفف الم الخياطة وكانت تقولي مااعرف وادق على ام زوجي وكانت تقولي اغسل بماء وملح او مره او ارطاء
وبعدها بسبعة شهور حملت بنتي الثانيه غلط لكن هالمره تختلف لان ام زوجي عندي

والحين حامل بعد مرور ثلاث سنوات بولي العهد الي انا وزوجي فرحانين فيه الله يجعله ولدا صالحا بارا" فيني وفي ابوه

ادري اني طولت عليكم بقصة حياتي بس والله مالقيت افضل منكن علشان تساعدني مشكلتي ان ام زوجي مريضه وماتقدر تجي عندي الله يشافيها بغيت رقم حرمة تسوي اكلات نفاس(فطور +غداء+عشاء)اتعامل معها فترة النفاس
لاني بجيب خدامة للتنظيف البيت مدة شهر مع الحرمه الي راح اتعامل معه
او رقم خدامات يجيدن التنظيف وطبخ الاكلات الشعبيه
تكفون ساعدوني لاني في هم مايعلمه الا الله
واعذروني لاني طولت عليكم