اريد حلا او بموت من القهر

عفوا اختي ودي اسألك عدة اسأله ممكن ؟؟
كم لك سنه متزوجه ؟؟
هل زوجك هو الكبير في اخوانه؟
هل انتي الان عند اهلك ولا في بيت زوجك ؟
هل حصل وتخاصمتوا ورحتي لاهلك قبل كذا ومتى ؟
كم عندك من اطفال ؟
وطفلك اللي مات الله يرحمه ويجعله شفيع لكم .. كم عمره وسبب وفاته ؟
هل تقربين لزوجك ؟
وهل كان فيه حب اول زواجكم ؟
وهل امه وابوه عايشين ؟
وكيف العلاقات بينك وبين اهله ؟

بصراحه الاسئله كثيره بس ماودي اثقل عليك ياليت تردين علشان اعرف اساعدك وعذرا اذا كنت ثقلت عليك بالاسئله

دعواتي لك بان ربي يسخر لك زوجك ويصلحه لك ويجمع بينكم في خير ويكفيكم شرار خلقه

لي 6سنين متزوجه وزوجي الكبير في اخوته وانا عند اهلي الان فقط لي يوم واحد
تخصل اننا نتاخصم وانا عند اهلي زياره بس على طول نرجع
عندي بنت فقط ابني توفي بسبب مرض وراثي
وزوجي من اهلي
وانا وزوجي متزوجين عن حب
وابوه وامه عايشين
علاقتي مع اهله غير حميمية
ولا يوجد خصام غير ان اهله يتدخلون قليل في الخصوصيه
وساعديني ارجوك:26:

هلا اختي بصراحة انا تلقفت دخلت هالقسم وحبيت اساعد للعلم اني غير متزوجة اختي لازم تعرفين شي واحد ان الروتين دايم يدمر الحياة الزوجية والحرمه الشاطره هي الي تكسر الروتين باشياء جديدة وتغير اذا على قولتك انك ماترتاحين بالبيت لانا خوات زوجك فية ويكثر فية الطالع والداخل اقترحي علية كل نهاية اسبوع تروحين مطعم رومنسي هاديء تفضفضون لبعض وعن بعدكم عن بعض واسبابة واشرحيلة مدى حبك له ومدى عتابك لتصرفاتة باسلوب حلو مع سواليف عادية يعني لاتخلين هالامور توصل لمسألة نقاش حاد وفاجئية بهدية لوبسيطة وخصصو يوم كل مدة لقعدة حلوة بينكم وحاولو لويومين تسافرون لمكان قريب تغيرون جو والاممكن تاخذين بنتك وتستاجرون شالية وتروحون فية واشرحيلة ان هالشي راح يقرب بينكم ولاتقولين زوجي مايهتم ولايناظر ترى الرجال بداخلهم اشياء كبيرة وحاول دايم تبادلينة بابتسامة حلوة وانتبهي من شي واحد الرجال الي يزعل كثير لاتحاولين دايم تراضينة سوي نفسك مادريتي ان هالكلمه زعلتة وتصرفي عادي لانا الرجال اذا حس ان دايم راح احد يراضية بيزعل كثير وانا مابي اخرب بينك وبين زوجك بس فعلا هذي قاعدة قالتها لي وحدة من صديقاتي ونفعت معها والله يحنن قلب زوجك عليك ويزيد حبك بقلبة قولي امييييييييييييين ولاتنسيني من دعواتك:26:

آآآه يا عزيزتي ..

مشكلتلك .. مركبة للأسف .. وعشان تحلينها .. لازم ترتبينها ..

اول شي ..اساس المشكلة .. هي عيشتك مع اهل زوجك .. وما تسبب من انعدام الخصوصية لك ولزوجك .. ازدحام البيت باهله .. واخواته .. ميانة اخته عليك وعليه .. وعدم المقدرة على التعبير عن مشاعرك امام اهله .. مما يسبب ضغوط عليك .. شوفي يا ستي :

لو ظروفكم تسمح ممكن تقترحين تطلعون من البيت وتسكنون في بيت ثاني ولو كان قريب من اهله .. عشان تاخذين راحتك اكثر مع زوجك .. اطرحي الموضوع بطريقة مناسبة من غير إلحاح او زن ..

لو مانفع الاقتراح الاول .. اذا .. ارسمي حدود لا يتعداها احد من اهله ..

يعني لا تعودين اخت زوجك تدخل غرفتك .. حتى لو فيه شغالة لا تخلينها تدخل .. انتي رتبي غرفتك .. وخليها مملكتك .. لا تحوسينها ولا تحطين فيها اغراض غير ضرورية .. عشان الواحد لما يدخلها يرتاح ..

حاولي تسوين جلسة في غرفتك لو في مكان .. جلسة بسيطة كنبة صغيرة او كرسيين مع طاولة .. تلفزيون لو تشوفون .. .. سوي لك روتين خاص فيكم .. يعني مثلا كل يوم بالليل او بالوقت اللي يكون هو موجود حطي سلة فواكه وشغلي التلفزيون واجلسوا اكلو وسولفوا مع بعض .. او ممكن لو كنت شرابين شاي او غيره خليلك وقت ثابت يومي تسوين فيه الشاي وتحطينه بالغرفة .. واشربوا مع بعض ..

يعني الزبدة .. سوي لك جو خاص انتي واياه .. فرصة تتكلمون في والوقت هذا عن بعض عن بنتكم عن مشاغلكم .. بس انتبهي انتبهي انتبهي تتهاوشون او تتشاحنون في الوقت هذا .. بالعكس خليك دايم هادية .. حتى لو كان معصب شوي او ماهو رايق عشان يستوعب ان المكان هذا و الوقت اللي يكون فيه معاك .. وقت حلو وهادي .. يصير هو بعدين اللي يتشجع انه يجلس معك لحالك .. ويسولفلك ..

ثاني شي .. حتى لما يكون هو بالدوام او ماهو موجود لا تجلسين طووووول الوقت مع اهله .. عشان ما تطفشين .. يعني اشغلي نفسك بنفسك .. ببنتك .. يعني عشان تشتاقين لهم شوي .. ويصير عندكم سواليف .. وبعدين عشان ما تضغطين على اعصابك وتنفجرين لما زوجك يجي ..

ثالث شي .. لما يكون زوجك ساكت .. لا تجبرينه على الكلام .. ترى الرجال ما يحبون كذا وسبحان الله لما تسوين كذا كنك تقولين له اسكت اكثر .. عشان كذا لا تجبرينه .. انتي سولفي احكيله كل شي واي شي سولفي سواليف تونّس وتضحك .. هو مع الوقت بيتعود على قرقتك وبيسولف معك ..

رابع شي .. سويله حركات رومانسية .. اشياء جديدة .. بينيله حبك .. وانك محتاجة بعد يبينلك انه يحبك .. اسألي باسلوب حلو لو تقدرون تسافروون كم يوم عشان ودك تاخذين راحتك معاه شوي وتغيروون جو .. واوعديه انها بتكون سفرة ما راح ينساها في حياته ..

خامس شي .. عزيزتي لا تعتذرين على غلط ما سويتيه .. يعني تعلمي انك تعتذرين بس لو غلطتي .. ولو زعل وانتي حاسة انك ما غلطتي .. قوليله تعال نتناقش .. وبهدووووء ناقشيه من غير حساسية او خناق .. فهميه وجهه نظرك وخليه يدري انك مقتنعة انك ما غلطتي .. لكن كثرة الاعتذار بيحس انك ضعيفة وكل مرة يزعل يسوي نفس الشي ..


وياريت اقدر افيدك اكثر ..

عزيزتي انا حاسه فيك لان اصعب شيء عالوحده هي مشاكلها الزوجيه بس الذكيه هي اللي ماتدخل ابليس واعوانه بينهم يعني عند اي مشكله تعوذي من ابليس وبعدين ست سنين فتره مو هينه واكيد خلال هالعشره عرفتي الاشياء اللي تبسط زوجك والاشياء الي تغضبه
تذكري قصة الزوجه اللي ابوها تعبان ورفض زوجها انها تروح له والرسول صلى الله عليه وسلم امرها بطاعة زوجها
واللحين انتي عودتي زوجك على انك تراضينه دايم فخلاص هو تعود على هالشيء لازم تستمرين وبالعكس طالعي الاجر يعني اخلصي النيه في تعاملك معه والله انك بترضين ربك وبترضين زوجك وبتكسبينه
ولا تنسين الاهل لازم تتقربين لهم بس بحدود يعني سوي اللي تقدرين عليه بحيث ماتخلين لهم ثغره اوممسك ضدك عند زوجك ولا تنسين امه وابوه عامليهم مثل امك وابوك واخلصي النيه ووالله راح يحبوك واذا حبوك حبك زوجك ومستحيل راح يفرط فيك وحتى اهله راح يدافعون عنك لو صار ماصار

وتذكري ان فيه آلاف البنات ودهم يتزوجون واحد مثل زوجك ومع حموله لانه ودهم بظل راجل
لا تخلين المشاكل تقسي قلب زوجك عليك وصدقيني هو بكذاراح يفكر بالثانيه لان اهله اكيد اذا دروا عن مشكلتكم واكيد انهم دارين راح يخطبون له علشان تحسين بولدهم

وياليت ماتتضايقين من اخواته حاولي تحبينهم وتتغاضين عن اخطائهم وبعدين حاولي مايدخلون غرفتك شغلي مخك ودبري لك سالفه ماتخليهم يدخلون الغرفه يعني عوديهم من الآن مايدخلون غرفتك بتاتا

وتذكري الايام الحلوه اللي بينكم كيف تنسينها وتذكرين الاشياء الشينه تراه ابليس الله ياخذه يبي يفرق بينكم لا تخلين له مدخل
وش رايك تصلحين لك نوته وتكتبين فيها المواقف الحلوه اللي بينكم وذكريات اول ايام زواجكم وبعض القصايد اللي لها ذكريات تخصكم واكتبي اللي نفسك فيه باسلوب حلو واكيد انتي عارفه الاسلوب اللي تدخلين من خلاله لقلب زوجك
واذا خلصتي قدميه بشكل حلو في ظرف مشوق يعني لونه وطريقه تقديمه تكون مشوقه قديمه لزوجك وصدقيني بتكون النتيجه اكثر من رائعه

اتمنى ترجعين من بكره الصبح لزوجك وتلعنين الشيطان ولا تفكرين تباتين عند اهلك إلا برضى زوجك
وبعدين لا تعودينه تباتين بعيد عنه لانه راح يتعود على فراقك


الله يسخر لك زوجك ويديمكم لبعض ويبعد عنكم شرار خلقه آآمين