اريد حلا لمشكلتي

بصراحه ترددت وايد قبل مااقوللكم مشكلتي اللي محتاسه فيها وهامتني وايد

مااحب المقدمات وايد خلونا ندخل في الموضوع دغري
زوجي مسافر الى دوله اجنبيه تقريبا صار له اسبوع
وبصراحه ماكنت راضيه ابدا عن هذي السفره
لانه كان قبل مسافر الى الهند للعلاج ولما رجع قعد اسبوع ورجع سافر
مب حاله هذي ماصدقت اشوفه يرجع يسافر
وكنت كل مااسأله ليش تبا تسافر انا قصرت عليك بشي زعلتك بشي يقولي لا انا مااصبر عنج
بس ابي اغير جو واستانس لاني مااستانست من السفره الاولى ولانه في هذي الدوله كل شي فري هذا اللي مخوفني
وطبعا راسه يابس وسافر:44:
والمشكله اني كل مايكلمني طبعا مودايما بعد ثلاث او اربع ايام يتصل مره ويكلمني تقريبا دقيقتين وبس
ويكون مستانس اخر وناسه وانا متقطع قلبي ومحترق من كثرما احاتيه

والله يوم اكلمه مااقدر ايود عمري ابي اصيح:06::06:
من كثر ماانا ولهانه عليه
ويوم اسأله متى بترجع يقولي بعدي مطول:30:
بصراحه مشغول بالي عليه وبدا الفار يلعب بعبي
لانه كان يقولي عن سوالفه يوم يسافر قبل ماياخذني اخاف يرجعلها مع اني واثقه فيه :44:
والله ماقصرت عليه بشي ابد
بصراحه صرت افكر اذا اتصل ماارد عليه يمكن يخاف علي ويرجع بسرعه بس اخاف من تاليها تكبر وتصير مشكله:44::44:

ارجوكم دلوني على حل يمكن البعض يعتبرها سالفه ماتستاهل اني اكتبها موضوع
بس اهي عندي مشكله :44::44:

والسموحه