مشكورين حبايبي الف شكرررر لتفاعلكم
بالنسبه لزوجي يجيب اثر مستحيل لانه مايؤمن بالعين
منار الف شكررر لذكر تجربة اخوك والف الحمد لله انه تشافى
انا عارفه ان العلاج يبيله وقت وصبر وقوى اراده
قبل شهر تحسنت مع علاج دكتورت الحوامل وزدت 4 كيلو 
لكن مرضت وجاني خراج وانتفخ خدي وبعدها جاتني افاونزا وصرت على طول نايمه وما احب اكل واروح انوم على طول فرجعت استغرغ وانام
والحين الحمد لله تحسنت من الافلونزا ورجعت على الادويه
لكن ماعندي صبر على الاكل اقصى حد اخليه 3 ساعات
بس احسن من اول بالاول كنت اكل وبعد 5 دقايق تلقيني رايحه ارجعه

محتاجه لدعمكم الله يجزاكم الف خير

الحمدلله رب العالمين
ان شاءالله من حسن لأحسن
خليك كذا وطمنينا عنك كل فترة
ان شاءالله شهرين وتوصلين ٦٠ :biggrin:
فكري بجنينك وقولي هو محتاج غذاء
واللي انا راح اكله راح بيوصله
فلاتحرمينه من غذاءه فديته :)

لا شكر على واجب :) 
الله يساعدج و يفك ضيقج يارب 
مثل ما قالت أفراح فكري بالبيبي ،،
خلي آيات الرقية الشرعية باستمرار فالبيت 
احنا حتى لما كنا بنرقد كان ابوي يشغلها لنا
و ننام و احنا نسمع هالآيات 
و فتره الظهر عقب الغدا 
و حتى فالسيارة لما بنروح المدرسة
يومياااا و باستمرار كل ما حصلوا امي و ابوي فرصه يشغلونها فالبيت
الدكتورة الي ترتاحين عليها و ما تستهزيء بحالتج استمري معاها 
لأن الي يستهزيء بحال مريضه ما يستاهل كلمة دكتور 
بأمانه فيه دكاترة كانوا سبب ف تطور حالة اخوي 
بس الحمد لله القرآن و خصوصاً آيات الرقية الشرعيه غيرت وضعنا 180 درجة

بتطلعين منها بسلامة ان شاء الله انتي و البيبي ، بس حاولي تتغلبي على الوساوس و تركزي كل تفكيرج بالجنين ❤️

جزاك الله رحمة والديك اختي منار

الف الف شكررر لكم والله افكر بالجنين وافكر بالضيقه اللي ذابحتني بسبب فقر الدم بس لتشجعت واكلت احس بطني مضغوط وكأنه راح ينفجر حتى لو ما اكلت الا اشوي