اريد معرفة اسلوب المرأة الامريكية في الحياه .....

اختي ماهذا الكلام فهمت انت او ابو العيال يريد ان تكوني مثل امراة امريكيه اولا اختي انت مسلمه وهذا اهم شي ثاني انت عربيه كيف وكيف ستكون مثل الناس الكفره تذكري انت مسلمه وبعد فتره اذا فعلتي مثل الاجانت مع الوقت سوف تصبحين مثلهم في كل شي حتي الدين سوف يختفي مع الوقت لديلك لان ستعملين مثلهم الناس في كل شي اللباس وطريق الفكر والشخصي يا بنت الناس خليك علي شخصيتك وعلي العاطف التي انت تربيتي عليها يا اختي

السلام عليكم ورحمة الله وبركاته
اختي ام خالد ارجو ان لاتسيئي الظن بأختنا فهي طلبت ان يكون تصرفاتها داخل اطار الدين الاسلامي ..

غاليتي اسفه انا مو من امريكا لكن من كندا اخاف اعطيك صفات يقولك زوجك قلنا امريكية مو كندية :)
لا امزح معك هوني عليك وتوكلي على الله ومايصير الا كل خير ..
اول شي عزيزتي المرأة الغربية مثل مالها سلبياتها لها برضو فيها ايجابيات يمكن المرأة العربية تفتقرها ..

راح احكي لك عن الاشياء اللي ممكن تخطر في بالي الان ..

المشاركة في المصروف ..
بصراحه الرجل العربي لدينا يتعب اضعاف من أجل تأمين المصروف بينما هنا كل شي بالنص فكما عليه ان يصرف على المنزل هي ايضا عليها ان تصرف وتساهم ولو بشي بسيط .. ((لكن)) وانتبهي لهالنقطه .. مثل مالمرأة تطبخ وتغسل وتعمل واجبات الاطفال في المنزل الرجل ايضا عليه بعض هذه الواجبات فلا يعتبر المرأة هي مربية المنزل الاولى وخادمته وهو عليه المصروف فقط ..
اعطيك مثال .. اخي نبحث له عن عرس في الايام الحالية .. من شروطه في عروس المستقبل انها تكون تدرس جامعة على الاقل و(ناوية) تشتغل!! يعني مو بس تدرس وتجلس في البيت .. لأنه يقول الحياة ماعادت ببساطة اول انا اورث شغلي من ابوي وابني يورث شغله مني لا بالعكس صار فيه كفاح للمحافظة على وظيفة الانسان والمصاريف غالية ولو ماساهمت المرأة مع زوجها وعاونته ممكن يصير ضغط شدييييد على زوجها فيصير مشاكل ..

تنظيم الوقت..
فعلا مالقيت صفه يفتقرها الشعب العربي مثل قيمة الوقت للأسف .. وبعد ماجلست هنا خمس سنوات ورحت اجازة شهرين لقيت فرق شااااااااسع في هالنقطة ..
مثال بسيط خلينا نقول النت ..
المرأة العربية او خلينا نقول الفرد العربي عنده الاستعداد انه يجلس على النت اربع ساعات متواصلة ومافوق وخلينا صادقين بهالنقطة .. بينما المرأة الغربية ساعة ساعة ونصف بالكثير وهالوقت اللي يجلسوه يكون عائد عليهم بفائده .. روحي ادخلي اي منتدى انجليزي وقارني هنا تلاقي الردود والمواضيع الجانبية بالصفحاااات بينما هناك الردود سطر سطرين بالكثير!
طيب خلينا من النت لأنه النقاش فيه صعب..
التلفون مثلا .. انا قبل ما اجي كنت اجلس مع صديقاتي علىالتلفون اكثر من ساعه او ساعتين لوكانت صديقتي المقربة .. لكن الان صدقا مااعرف اجلس اكثر من ربع ساعة لاني احس السواليف مامنها فايده+ تضييع وقت+ تجر مشاكل (حسد وغيره ونشر اخبار وو)
ايضا المراة لو ماكانت عاملة (مع انه قليل لكن تصير في فترات الحمل والولادة) مع جلوسها في البيت تستفيد من وقتها سواء بالقراءة او اخذ كورسات او اتقان هواية معينه او تطوير مجال دراستها .. على فكرة الانسان في الغربه مايخلص دراسه مهما كان تخصصه مو مثلنا تلاقيه متخرج من عشرين سنة ويشتغل ويقولك انا معي خبرة عشرين سنة!! اذكر مرة جملة قالها الدكتور طارق السويدان (اول اربع سنوات من عملك خبرة والباقي تضييع وقت وروتين لا يجني الانسان منه شيئ اذ لم يقوم بتطوير مهاراته) لذا حتى لو كنتِ مخلصة حاولي تطوري دراستك وطريقة تفكيرك حاولي تكوني مع التطور الزمني ماتخلي الزمن يسبقك ..


اللا مبالاةهالصفه نعمه من رب العباد لكن برضو للأسف العرب يفتقدوها .. يعني مايهمهم غيرهم اطلاقا اطلاقا طول ما انا عايشة حياتي ومرتاحه مالي دخل بأحد يعني هذي ايش لبست وهذي كيف مكياجها وليش فلانة مااتصلت وهذي مافي ذوق وشكلي ماعاد اكلم هذي وهذي اطفالها مرتبين وهذي مو مربية عيالها ووووووووو هالامور ماتجر وراها غير المشاكل بينما التفكير الغربي مايفكر فيها اطلاقا لأنه امور تافهه توجع الراس وماراح تفيدني ..
بصراحه لما رحت بالصيف اجازة صار معي وجع راس من كثر ما السالفه تلف وتدور تلف وتدور تلف وتدور ويزيدوا عليها بهارات وغيبة ونميمة وحكي فاضي وما اكذب انا شفت قدامي نتايج هالأمور من زعل ومهاوشات ووووو


البساطه
البساطه برضو من الصفات اللي اكتستبها ولقيتها فرق شاسع عن شعبنا العربي .. بجد يعني هنا المعلمات مثلا مايحطوا مكياج نهائيا او يحطو روج خفيف ونفس الشي الدكتورات او العاملات بشكل عام .. لكن تعالي مدرساتنا في الدول العربية كل وحده راسمه الكحل والاي لينر والشدو الغااااااامق ووووو كأنها بحفلة .. يمكن صح المكياج يكون حلو لكن البساطه والجمال الطبيعي ممكن يكون احلى ..
برضو المكياج احنا نوعنا نهتم بالألوان اللي تناسب ملابسنا والكحل ووو لكن هم لو تفتحي شنطة ايييييي بنت تعرفي ايش تلاقي فيها؟؟ كريم اساس وبودرة مضغوطة وروج خفيف وكريمات منوعه بس!! عندهم اهتمام فظيييييييييع بالبشرة نفسها ولونها وتوحد الوانها...يعني تلاقي كريم للوجه وكريم يدين وكريم شفايف داااااااايم معهم .. لو تشوفي صورة اي عارضه او ممثلة امريكية او مغنية او اي وحده تلاقيها مصورة بطريقه مغرية جدا مع انه وجهها تقريبا مافي مكياج ابدا !!! لكن ان جينا للحقيقه يمكن وجهها وجسمها ويدينها عليها كيلو كريم اساس وكريمات اضاءة اللي تغري من غير مالواحد يشعر فيها!
في اللبس نفس الشي فساتين السهرة هنا اغلبها تكون طبقه وحده قماش ساتان رقيق او حرير او شيفونات المهم شي ناعم ومرتب شوية تطريز ورش خففيف ..بينما في دولنا اذا ماكان الفستان ميت الف طبقه ومن كثر الرش الوحده ماتقدر تشيله مايعجبنا!!
مو بس في ملابس السهرة .. في ملابس النوم مثلا هنا الاقمشة المستعمله كلها ناعمه حراير وساتانات او قطنيات كشميرية تجي ناعمه مثل الحرير يمكن ماتكون فخمة لكنها تعطي شعور بالأنوثة اكثر من الدانتيل والقبير والالوان المشكلة ..وروحي محلات ملابس داخليه امريكية وشوفي اللي قلت لك عليه كلها تكون ستايلات ناعمه ورايقه ..


النظام واحترام حقوق الغير
اقولها آآآآآآآآآه والف آآآه ..
في هالنقطه اخلاق مسلمين بلا اسلام الله المستعان ..
بجد بجد بجد شي مخجل اننا نحكي ونمدح في نظامهم اللي مااااااا احد يقدر ينكره ..
ترحي كافتريا تلاقي الناس من نفسها وقفت طابور والله احيانا الحمام اكرمك الله يكون شوية زحمة تلاقيهم واقفين طابور الاطفال الصغار اعمارهم ماتوصل 4 سنوات ..
نروح ملاهي مثلا كل شي مرتب وفي نظام .. يكون الطفل في اللعبة اول ماتخلص مننفسه يفك ويطلع مااااااااااااعمره طفل بكى او صاح قال مابي لسه ماشبعت من اللعبه (وهالحركة تصير كثييييييييير في بلادنا)
احترام الاخرين ومراعاة شعورهم عندهم الناس كلها سواسية قليل ماتلاقي احد مناخيره في السما مثل للأسف نشوف مثل هالصفه كثييييييييير في بلادنا انا فلان الفلاني يا ارض اشتدي ماحدا قدي ..
معاملة الناس كلها تكون بالمثل وانتِ تحاسبي مثلا في السوق الكاشير تبتسم لك ان شاء الله كنتِ سودا ولا بيضا كبيرة ولا صغيرة فقيرة او غنية .. مايهم المهم انك زبونتهم ومن حقك انهم يحترمونك ..

مدري صراحه هذا اللي خطر في بالي ولو في كمان ماراح اقصر ان شاء الله

في امان الله
رنيــم

والله ماشاء الله عليها رغووود ماقصرت وقالت اشياء وعيوب فينا عسى الله يهدينا وينورنا وفي اضافه مختصره حبيت اضيفها وهو ان الزوج العربي يحب تكون زوجته(عفيفه و تقيه خارج البيت ومع اولادها وامريكيه مصرقعه عنده) ;)

السلام عليكم خواتى
شكرا ام خالد 1972 على مشاركتك انا يمكن كتبت الموضوع باختصار لكن انا الى ابغاة
انى اخذ الزين الى عندهم لا ان اتشبة بيهم بكل شى

اخت رغد الحياة جزاك الله عنى خير الجزاء ماقصرتى وكتبتى عن كل شى وماشاء الله باسلوب حلو

وشكرا اخت جفا البعد على مشاركتك وفعلا الاخت رغد كفت ووفت

جزاكم الله خير

السلام عليكم
لاشكر على واجب جزاك الله مادعيت به لي اضعاف مضاعفه..اللهم امين

عزيزتي اليوم خطرت في بالي فكرة ثانية وهي صفه مههههمة جدا ..


الحيوية والنشـــــــاط
احنا طريقة حياتنا المترفهه تغصب وجود بعض الكسل اوربما الكثير منه في الكثير من الأحيان ..
مثال بسيط .. المشي ..
هنا الناس اذا لم يكن المكان يبعد مسافه كبيرة عن اقامتهم لايذهبون له بالسيارة .. مثلا الكثثييييييير من جيراننا لديهم سيارات لكن عند موعد خروج ابناءهم من المدرسة يذهبون سيرا على الاقدام لاستلام اطفالهم والمسافه حوالي عشر دقائق مشي ..
مرة سألت وحده جارتنا وهي عجوز تذهب يوميا في الصباح وفي الظهيرة للمدرسة سيرا على الاقدام من اجل حفيدتها . فسالتها ليش ماتجي بالسيارة؟؟ يعني اسهل لك بصراحه رحمتها ..
استغررررررربت من سؤالي وقالت لي : اولا احنا اجسامنا قليل مانعمل لها تمارين بشكل قوي فمثل هالمشوة البسيطة تساعدني على التمرين + تخليني اشم هوا نظيف+ توفر بنزين سيارة + تساعد البيئة + تعود حفيدتي انه مشي عشر دقائق شغله سهلة !!
بصراحه اعجبت بردها جدا ..
مثال اخر رأيته علنا على كثيييييير موظفين وموظفات مثلا هم يشتغلوا في بناية معينه .. يصفوا السيارة بعييييييد عشان يمشو زياده خمسة او سبع دقايق لمكان الشغل !! يعني هالمشوات البسيطة اللي احنا نتكاسل عليها هم يحسبوها تمارين رياضه .. كيف ممكن تطبقيها ؟؟ ممكن مثلا بدل ماتنادي الشغالة تجيب لك شي تروحي انتِ تجيبيه .. مثال ثاني انك لما تكوني في السوق بدل ماتطلعي اسانسير خذي الدرج .. يعني عودي نفسك على الخفة والحركة انتِ نفسيا راح تنبسطي ..
فهمتي الفكرة كيف :)

حياك الله