اريد منك كلمات تشجعني لأبقى بدون خادمة(اسأل الله العظيم أن يحقق امنيةمن تهتم بموضوعي)

مساء الخيرات
كيفك
ما انصحك بالشغاله ليش وانتي بخير الله لا يحوجنا لهم ان شاء الله
وفيه حديث للرسول في معناه ان اللي
يقول سبحان الله والحمدلله ولا إله الا الله ولا حول ولا قوة الا بالله والله اكبر 33 مرة تكفيه باذن الله
بس طلعي الحديث الصحيح اللي يغني عن الخادم للرسول عليه الصلاة والسلام لاني مو عارفته زين
ان شاء الله افدتك

الله يصلح حالي وحالك ياقلبي
والله أنا مثلك ومتأكدة فيه كثيييييييير بنات مثل كدا

تذكري البيت والراحة النفسية ,,تذكري تلبسي على كيفك وتأكلي على كيفك ....

تذكري إن وجودهم هم وغم ...وتأكدي إنك هالحين بنعيم وسعادة وارتياح ...وإحمدي الله على هالنعمة

وحاولي إذا مليتي تستأجري شغالة بالشهر

منها ترتاحي ومنها إنه كلها شهر وتتخلصي منها ,,

والله وجودهم يمحق البركة

ومشاكلهم تجيب الهم والغم ,,الحمدلله الحوسة والكركبة أفضل من التعب النفسي

الله يفرج كربتك ويسعدك ويحلي أيامك ..

لا ... لا ... تحملي الشغل ولا تجيبي هم وضيق بعدين الشغل رياضة يعني ناكل وننام بس لا والله ملل وسمنة أنا معك كلنا مانحب الكرف لكن رتبي وضعك ونظمي وقتك والله بتحسين بطعم السعاده والراحة وعيالك بيصيرون أهداء وأرتب أنا جلست ست سنوات بدون والله أني كنت مرتاحه لكن قدر ربي وحملت وأضطريت أجيبها عشان عيالي صغار مع أنها طيبة وحبوبه لكن سبحان الله ماني مرتاحه أبدا أحس في أحد يراقبني وين رحت وش جبت متى نتخاصم ومتى نتصالح شي لا يطاق ....

حبيبتي انصحك والله البيت روعه من دون الشغاله
اكبر هم الغسيل والكوي جيبي غساله ؤتوماتيك وجيبي نشافه حراريه واتركي التلفزيون الي نقعد عليه بالساعات ما نستفيد
والله شي يونس لما تخلصين شغلك بنفسك وتبخرين بيتك وتعطرينه تحسين انك مسويه انجاز وغير كذا اطفالك يتعلموا يساعدونك وانتي علميهم مو حلو الاطفال يصيرو اتكالين على الخادمه
الله يقويك ويساعدك وتقومي ببيتك وما تحتاجين للخدامه

مساء الخير
حبيبتي البنات ما قصرو كفو ووفو بس انتي كل ما تتعبي من الشغل تذكري الراحه النفسيه الي انتي فيها من غير شغاله صدقيني رح تضغطين على نفسك بس علشان تكونين مرتاحه نفسين تعب الجسم بعد ساعه ترتاحين بس قلقهم النفسي اربعه وعشرين ساعه حتى باحلى لحضات حياتك تكونين قلقانه
حاولي تخلين زوجك وعيالك يكونون متعاونين معك بترتيب اغراضهم وتجهيزها للمدرسه او لطلعه
ومو لازم تكونين دقيقه بكل شي مثل لما تكون فيه شغاله هيه لو كنتي دقيقه معاها فهيه متفرغه تمام للبيت بس انتي وراك اشياء كثيره وكل ما تحسين انك محتاجه للتنضيف الدقيق خذي شغاله بالساعه او باليوم ورتبي كل شي
ادري كثرت حكي بس والله من تجربه اختصرت لك الي ممكن يفيدك
والله يعينا ويعينك