انزين اشلون اطلب منه فلوسه واعوده ان اهوه اللى يصرف على !!!!

ذاك اليوم طلعت معاه السوق يعنى يكون ابى اعوده يصرف على يوم ييت ابى اقايس جان يقولى انا شكلى غلط بالمحل كله حريم وانا الريال الوحيد بطلع انطرج بره وقست القميص وانا اللى دفعت هههههههههههههه يعنى حركتى اطلعت اوت ... وفى شغلات يوعدنى ان بيدفعها لى بعدين يسكت مايسويها !! مومعقوله كل شويه بقعد اذكره استحى صراحه واهوه مايعرف جم بالضبط معاشى بس عنده خبر انه قوى علشان جذيه شكله شايل ايده انه يصرف على ..... ابى اعرف اشلون اخليه يصرف على شنو الاساليب اللى تستخدمونها؟؟؟
وبينى وبينكم تونه ماصارلنا شهرين من ملجنا فا فشله اضغط عليه بس ابى اعرف متى ابتدى احسسه ان اهوه اللى لازم يصرف؟؟؟

السلام عليكِ أميرة الأحلام
والله زوجك عرف لك من الحين :22:



بس حاولي يوم تطلعين معه السوق ولا تجيبين لا فلوس ولا محفظة هههههههه

وادخلي واختاري اي قطعة تعجبك , وانجني عليها :34: :02:

المهم افتحي الشنطة : يووووه مامعي فلوس
وخليه هو اللي يدفع :10:

لا اصبري امزح معك ترا اللف والدوران من البداية يفقده الثقة فيك



بس انا قلت لك هالكلام كوسيلة أخيرة اذا مانفعت معك الوسائل العادية

يعني الأفضل من البداااااااااااااية ( من الملكة اذا مادفع فيها متى بيدفع؟؟)
تقولين له, انه هو اللي لازم يصرف عليك, قوليها بصراحة , عادي عيديها عليه بطرق مختلفة وباسلوب محبب , هذا حقك خليه يثبت لك انه يحبك عشانك مو عشان فلوسك

قولي له ان فلوسك تبغين توفرينها للمستقبل , والانسان مايدري وش الظروف اللي يمكن تجيه بعدين

وقولي له ان احب الأشياء على قلبك واقرب الملابس لقلبك هي اللي هو يشتريها بفلوسه
قولي له ان هالشيء يخليه قريب منك اكثر ويعرف عنك كل شي حتى لبسك

قولي له مثلاً انك مليتي كل العزوبية وانت اللي تصرفين على نفسك بس الحين تبغين رجال يصرف عليك ويححسك بقيمتك عنده

وياااااااااااااكثر الكلااااام
بس انت اصبري وادعي الله

واذا مانفعت كل الطرق !!!!!!!!!!!

عاااااااااااادي
مو اكبر المشاكل ..... ولا تتعبين نفسك ....... اهم شي مستورين ومكتفين والحمدلله على كل حاااال :33:

بس اهم شي مثل ما قلت لك خليه يثبت لك انه يحبك لشخصك انتِ مو لفلوسك

ادعوا الله انه يوفقكم مع بعض .. ويرزقكم الذرية الصالحة... ويخلي الفلوس اخر همكم :p

تحياتي .... :38:

أميرة الأحلام اتفقوا على هالشي من البداية يعني اهوه اول وتالي راح تساهمين بمعاشج لأن عندنا بالكويت لو بتسكنين بيت معاش واحد ما يكفي ... بس الحين انتو توكم متزوجين ماعندكم التزامات او بيت او قروض فالمفروض هو اللي يصرف عليج ومعاشج مثلا تخلينه للأشياء الكمالية مثلا بتشترين ذهب تدرين انه مايقدر يشتريه لج او شنطة ماركة او شغلة جذي ... يعني هو يصرف على لبسج وأكلج ومصاريفج كلها ومعاشج انتي تاخذين فيه الاغراض اللي هو ما يقدر عليها ومو ملزوم فيها او حتى تيمعينه مثلا علشان تشترين سيارة ... ولو احتاج بعدها يصير خير لكن في بداية زواجكم وهو مو محتاج فماله داعي تعودينه على انج انتي اللي تصرفين ....... هالكلام كله لازم تتفقون عليه من اول يعني اتقولين له مثلا شلون راح انمشي امورنا المادية ؟ المعاش راح يكفي لشنو ؟ طبعا انتي فتحي عدة مواضيع مثلا السكن وقت الانجاب وبينها حطي هالاشياء المادية علشان ما تصير عنده حساسية منها ..... والاهم من كل هذا فهميه ان عيب تفتحين بوكج وانتي معاه الناس يشوفونها بصورة مو حلوة لج او له يعني حتى لو كنتي عازمته على العشا مثلا هو يدفع وانتي تعطينه او انج تكونين معطيته فلوس العزيمة قبل لكن جدام الناس هو اللي يدفع :) وبالنسبة للسوق ترى مافي ريال يحب يدخل المحلات مع زوجته لأنها بالغالب صج اتكون كلها حريم فالأحسن انج تكونين مقايسة القطعة اللي تبينها من قبل ومثلا اتقولين له كنت شايفة شغلة عاجبتني بالمحل الفلاني وخل يدخل معاج يشوفها وتدفعون على طول يعني ما تطولون بالمحل وما يكون بوقت زحمة بتلقينه يدخل ويدفع انا مجربتها :) ( ان كيدهن عظيم )

سامحوني على التأخير يا أخواتي ، اليكم هذه الفتوى :


السؤال:


هل على المرأة الموظفة أن تتحمل مصاريف البيت لأن زوجها يقول إذا لم تدفعي مصاريف البيت فلا عمل لك مطلقا ؟ وهل لزوجها حق في مرتبها الذي تتقاضاه مقابل عملها، وإذا كان عليها أن تتحمل مصاريف البيت فما هي النسبة بينها وبين زوجها ؟

الجواب:

الحمد لله

فهذه المسألة وهي مصاريف البيت بين الزوج والزوجة الذين تغربا للعمل وطلب الرزق ينبغي فيها المصالحة بينهما وعدم النزاع .

أما من حيث الواجب فهذا يختلف وفيه تفصيل :

1- إن كان الزوج قد شرط عليك أن المصاريف بينك وبينه وإلا لم يسمح لك بالعمل فالمسلمون على شروطهم يقول النبي صلى الله عليه وسلم { المسلمون على شروطهم إلا شرطاً حرم حلالا، أو أحل حراما} ويقول صلى الله عليه وسلم { إن أحق الشروط أن يوفى به ما استحللتم به الفروج } فأنتما على شروطكما إن كان بينكما شروط .

2- أما إذا لم يكن بينكما شروط فالمصاريف كلها على الزوج، وليس على الزوجة مصاريف البيت، فهو الذي ينفق ؛ قال الله جل وعلا { لينفق ذو سعة من سعته } وقال النبي صلى الله عليه وسلم " وعليكم رزقهن وكسوتهن بالمعروف " .

فالإنفاق على الزوج ، فهو الذي يقوم بحاجات البيت وشؤون البيت له ولزوجته وأولاده . ومعاشها لها وراتبها لها ؛ لأنه في مقابل عملها وتعبها ، وقد دخل على هذا ولم يشرط عليها أن المصاريف عليها أو نصفها أو نحو ذلك ، إلا إذا سمحت بشيء من الراتب عن طيب نفس قال تعالى: {فإن طبن لكم عن شيء منه نفسا فكلوه هنيئا مريئا } .

أما إن كان دخل على شيء مثل ما تقدم فالمسلمون على شروطهم.

وأنا أنصحك أن تسمحي ببعض الراتب لزوجك تطيبا لنفسه وحلاً للنزاع ، وإزالة للإشكال حتى تعيشا في هدوء وراحة وطمأنينة ، فاتفقا على شيء بينكما كنصف الراتب أو ثلثه أو ربعه أو نحو ذلك حتى تزول المشاكل وحتى يحل الوئام والراحة والطمأنينة محل النزاع ، أو يسمح هو وأن يرضى بما قسمه الله له ويقوم بالنفقة حسب طاقته ويسمح عن راتبك كله ويترفع عن ذلك ، أما إذا لم يتيسر ذلك فلا مانع من التحاكم إلى المحكمة في البلد التي أنتم فيها وفيما تراه المحكمة الشرعية كفاية إن شاء الله . وفق الله الجميع.



من فتاوى الشيخ عبد العزيز ابن باز .
منقول من موقع : الإسلام سؤال وجواب
سؤال رقم: 2686
العنوان: إذا كانت المرأة تعمل فهل يلزمها دفع مصاريف البيت
http://63.175.194.25/index.php?cs=prn&ln=ara&QR=2686&dgn=3&dgn=2
(www.islam-qa.com)

--------------------------------------------------------------------------------









-

اى والله يا ام دحومى عرفلى والله هههههههههه بس ماعليج ماخليه كله بيطلع من عينه بس نطروا على ماصارلنا وايد

رفرف هاهاهاهاهاها اى والله ان كيدهن عظيم ... لا بس ماعليج انا لى صرت وياه مابطل بوكى بسسسسسسسس بسالفة السوق هاذى اللى ماقدرت عليه جكنى فيها ... يمكن يكون موقصده صارت صدفه السالفه

بس هم صعبه اكلمه الحين بهالموضوع احس لحد الحين فى بينا حساسيه وفى سوالف وايد ماتكلمنا فيها ولحد الحين قاعدين نتعرف على بعض

بس ولايكونلج بال ان كيدهن عظيـــــــــــــــــــــــــــــــــــم