يسلمووووووووووووو أم يحي كنا ناطرين الرأى الشرعى بالموضوع كفيتى ووفيتى

أنا ادرى ان المره لازم بتساهم بالبيت خصوصا ان الحياة صعبه هالايام بس يعنى لالالازم انأوح على قولتهم

الوحده فى بداية الزواج تبى تحس انها تزوجت ريال مو بس طايح فيها اوامر هم يصرف عليها وتكون مسؤوله منه

بعدييييييييييييين الله المستعان معاشها ومعاشه كله على هالبيت

السلام عليكم
موضوعكم حلو ومهم وانشالله مااحتاجه
واحسن شي الوحده لا تتوظف وتريح راسها

أميرة الاحلام،،،،،
،انا صار لي متزوجه خمس سنين من احد اقربائي وقد سمعت عنه ان حريص فكنت في البداية احاتي الموضوع هذا وايد،وقد لاحظت ذلك في بداية الزواج ولكن لما عرفت السبب بطل العجب لأنه بصراحه عصامي جمع المهر وكذلك مستلزمات عش الزوجيه، ولكن انا قدرت اغير طبعه مع الايام والحمدلله لاحظت ان وضعه المادي مع الايام تحسن وايد الى ان اصبح دخله الشهري يفوق دخلي انا الجامعيه،
فانا في اول الايام بدأت احسسه ان امور الفلوس لاتعنيني كثيرا ،وعندما استعلمت منه عن القروض التي عليه عذرته في البدايه الى ان تخلص منها وقلت له اني على استعداد لمعاونته عليها، واليك هذه الملاحظه المهمه:
الرجل يحب ان يختبر المرأه في الامور الماديه كأن يعرف هل هي مبذره على اشياء تافهه ام انها حريصه، (مثال: زوجي مستعد لشراء اي طقم ذهب يعجبني ولكنه يتضايق عندما يعلم اني اشتريت فستان باهظ الثمن ولو حتى كان من راتبي)، هل هي اقتصاديه(مثل السياره اليابانيه) ام غير منظمه توفر القرش الابيض لليوم الاسود.
وبعدين مع الايام والاطفال راح يحس بالمسئوليه وراح يصرف بدون حساب على شأن خاطر الصغار.
والاهم انك لحد اللحين ما تأكدتي من انه طماع بالمعاش وترى كل الجاجيل يتضايقون من الدخول لمحلات الملابس النسائيه،
وانت قلتيها احنا في الكويت على هالطبع وامهاتنا من اول نحب نصرف على البيت لأن الجاجيل علىهم مسئوليات كثيره فهم عليهم مثلا الاساسيات في البيت ولكن الامور الثانويه نحن نتحملها
وفي النهايه
انا ما زلت استحي من اني اخذ من زوجي فلوس ،ولكن المح له بان هناك اشياء ناقصه في المنزل او ان راتبي خلص وعلى فكره بطاقة السحب الالي الخاصه بزوجي عندي منذ 3 سنوات لأنه يعرف اطباعي فانا اخذ من راتبه للامور الاساسيه وما عداها فهو من راتبي
واتمنى لك السعاده والرخاء وراحة البال وخلصي نفسك من الوسواس بالتفكير الايجابي والبعد عن الامور الماديه.

طيب ياقشطـــه...
خلينا نفكر حبتين...



لنفترض أنك تعملين لمدة تقريباً.....
خمس ساعات يومياً...
هذا الوقت من حق زوجك عليك صح أم خطأ؟!!
لما ترجعين للبيت مستحيل راح ترجعين ....
وعندك طاقه لزوجك من استقبال ودلال وغيره....
ومستحيل راح يكون استقبالك له وأنتي قاعده في البيت....
مثل ما أنتي تشتغلين طول اليوم.................صح أو خطأ؟!!
اذن وبعد هذا....
أتوقع انه له الحق في مالك....
إن هو طلب منك مالا لاتتردي في إعطائه ....
ولو حتى طلب كل الراتب ....
هذا زوجك وأبو عيالك....
عشان كذا خلاص ارتاحي من التفكير....
بمالك ....
بالنسبه لأغراض البيت تقدرين ....
تكتبين له طلباتك كامله في ورقه.....
الخاصه بالمطبخ مثلا والتنظيف....
وتخلينه يشتريها من السوبرماركت ....
وبالتالي هو الي يدفع ....
وبالنسبه للأجار ساعديه في دفعه ؟!!
وبالنسبه لأغراضك وملابسك ....
والي هي مشكلتك العويصه....
أعرف لك وحده اتفقت مع زوجها يعطيها .....
مصروف تقريبا ....
600 ريال شهريا ....
ولها الان تقريبا عشرين سنه متزوجه....
وهي من أكثر النساء أناقه ومن أكثرهن ترتيب وبيتها....
جنه خضراء....
وما تخلي أحد ما تسلفه كله من 600 ريال...
لكن مع 600 رضا وقناعه وبركه من الله....
اذن انتي اتفقي مع زوجك يكون لك مصروف خاص فيك شهريا.....
مثلا 1000 ريال يعني عندكم 100 دينار يمكن ....
ورتبي أمورك كلها على هالمبلغ .....
ولاتخلين هالراتب يسبب مشاحنات بينك وبين زوجك....
وإلا اقعدي في البيت وارتاحي ....
وفي أمان الله وحفظه ورعايته.....

قانونيه ... اتصدقين كلامج كله صح انا بديت احس ان زوجى نفس زوجج ولحد الحين حاطنى فى مرحلة اختبار بس المشكله بزن اهلى على راسى كل ماشافونى اسألنى هااا شرالج شى هااا عطاج هديه هاااا دفعلج فاتورة التلفون ووووووو..... كل ماشافونى على نفس المثوبه ساعات احس من كلامهم انى بديت احقد على زوجى كل الرياييل يشترون حق حريمهم وقت الملجه ويهادونهم الا زوجى ماشفت منه شى

بس مع العشره بديت اعرف لان امه متوفيه وخواته كلهم متزوجات ماعنده احد بالبيت فا مايفهم بهالسوالف ولا يعرف هذا غير كلام ربعه حاشين راسه ان الزوجه اول الايام تبى تستغله وتسيطر عليه وتاخذ فلوسه بس انا الحين قاعده احاول شوى شوى اغير هالصوره اللى فى باله من غير ما احسسه انى فاهمه بتفكيره ...
واللى طمنى ان زوجة اخوه الكبير مره خذتنى على جنب وكانت قاعده تقولى عن اطباعه فقالتلى احسن شغله فيه وبخوانه ان اللى بايدهم مولهم يحبون يونسون زوجاتهم وعيالهم ومايقصرون عنهم .. وانشالله الله يتمم على معاه ويوفقنا يارب ويوفق جميع المسلمين

مــــــــــــلاك2004 وعليكم السلام والرحمه لالالالا عاد اعطيه معاشى لا ههههههههههههههه بس كلامج على راسى وصدقينى انا مسألة الفلوس ماتفرق معاى انا خوفى هذا سببه الناس اللى حوالى واللى اسمعه منهم هاذى مشكلتى