وعليكم السلام ورحمة الله وبركاته..
يا حي الله هنديتنا..
كيف حال انتا ابويا؟؟..كيف كلو نفر في بيت انتا؟؟..
ياكل كويس ؟ينام كويس؟؟..
هههههههه
هذا بيبي مال انتا مرد دم خفيف ماشاء الله..بس يسوي قرقر..كله يضحك هاهاها..
...
موضوعك ماشاء الله تبارك الله حلو ويستاهل...
لانه منفعه للدين والدنيا...واذا كان زوجك مرتاح انتي بالتالي راح تكوني مرتاحه..واذا كان متضايق انتي اللي راح تتضايقي..
يعني بالمختصر هذا الموضوع راح يفيدنا زي ما يفيد ازواجنا..ولا ايش رايكم؟؟
...
بهذي المناسبه حابه اروج لموضوعي حق الصيف الماضي ....فاكرينه؟؟
لانه يضم الكثير من الافكار اللي اضافوها البنات وكانت قمه في الروعه..
..
الاسبوع الثامن في النشاطات الصيفيه..نحو حياة اسريه سعيده..
..
اما عني انا ف اكثر شئ اسويه اني احيانا كنت اسوي حفلات بمناسبه وبدون مناسبه..هههه
واحيانا احكيه عن يومي بشكل مضحك..مع انه احس في بعض الاحيان ما يكون في كلام(اكره هذا الاحساس لمن ينقطع حبل التواصل كل شئ يصير ممل)
..
احيانا يجي زوجي البيت يلقاني عامله اثنين ولابسه تنوره قصيره وشكلي زي الاطفال هههه :icon28: ...من باب التغيير..
واحيانا نتناقر ونتضارب بس كذا عشاني طفشانه..يعني ادور اي شئ يعكنن مزاجي اعوذ بالله...وبعدها نتصالح.. :30:
..
وبس احيانا احس الملل يخنقني ..واكره حياتي..
والشيطان يتملكني وتكثر بيني وبين زوجي المشاكل..
حيانها اقوم بالبحث عن العله..واكتشف اني ابتعدت عن الله ..والشئ الغريب لمن انا ابتعد عن الله القا نفس الشئ زوجي يبتعد عن الله وتصيبنا حاله من الغفله..
واذا رجعت الى الله ووراجعت نفسي ..وعدت الى الاذكار وقراءة القران..
الاحظ ان زوجي سبحان الله هو ايضا تصيبه نفس الحاله والقرب من الله ..وكثرة الذكر والاستغفار!!
سبحان الله..(ان الله لا يغير ما بقوم حتى يغيروا ما بانفسهم)
...
طيب الافكار اللي في بالي بس ما طبقتها ونفسي اطبقها بس ما تناسب شخصية زوجي...
راح اقولكم هيا امكن وحده منكم تسويها..
مثلا بعد المغرب لمن تجتمعوا امسكي كتاب مثل رياض الصالحين..او حادي الارواح الى بلاد الافراح..او لا تحزن.. او اي كتاب جميل واقرأيه لزوجك وابنائك..
و اذا اتناوبتوا القراءه يكون اجمل..
..
وكمان مرررره نفسي اننا يوم في الويك اند اصحيه واقدمله الفطور ع السرير واسوي في الصينيه حركات زي معجنات وكرواسون وورده....الخ(متاثره بالافلام هههه) مع كرت خطير..بس زوجي ما يحب ياكل اول ما يقوم..
...
وكمان نفسي يوم نروح فندق ناخذلنا ليله وحده ونعيش ايام شهر العسل..
بس طبعا في لندن نو وي..ممكن اذا رجعنا السعوديه بعد انقضاء سنوات الغربه يرضى زوجي ..مافي شئ بعيد هههه..
..
وبس هذي افكاري..
وان شاء الله تفيدكم وتدخل السعاده الى قلوب ازواجكم ...
وتذكري انك مأجوره على كل بسمه يبتسمها زوجك بسببك.. ومأجوره على كل فرحه تدخليها الى قلب زوجك..وابنائك..ومأجوره على كل تعب ومشقه تبذلينها في سبيل الحفاظ على بيتك وجعله واحه من السعاده والحبور..
..
ولا تنسوني من دعوه صالحه بظهر الغيب..انه ربي يسهل عليا ولادتي ويسعدني بطفلي..ويكون صحيح وسليم يارب..ويسخرلي زوجي ويبعد عننا الشيطان الرجيم..ويجعلنا من اهل بيت صالحين..
..
اختكم المحبه............ :39: ............خوخه

افكاركم مره حلوه الله يعطيكم العافيه
الهنديه ما شاء الله عليك انتي وولدك تجننون اتخيل زوجك ميت من الضحك عليكم
انا عني مو شي محدد احب اني امازحه كل فتره واتهبل عليه واتريق ومن هالكلام يعني مو شي محدد
افكاري مو مره مفيده بس صراحه اهم شي اسلوب الالقاء يعني والمرح وانك دايم تخففين دمك
(مع انه لازم يكزن فيه ايام اعوذ بالله من الشيطان ماني اطيق اسمع صوته)الله يهون علينا

اختي خوخايه ياحبي لك حتى انت تبين تسوين حركه الفطور تصدقين احس اني اذا سويتها بيقولي اصبري اغسل(ما الومه)واصحصح وبعدين لا اخاف يتوسخ السرير المهم نقلبها عادي
وحركه الاوتيل ان زيك انتظر نروح السعوديه بفارغ الصبر عشان احجز في المملكه غرفه يمدحون غرفها يقولون تجنن خصوصا التوب فلور
الله يعينا ويرجعنا بالسلامه

وعليكم السلام ورحمة الله وبركاته

الله يجزاك خير يا هنديتنا على الموضوع المفيد والحلو
وربي يجعل ايامك كلها وناسة وفرح مثل ما ونستينا بسواليفك انتي والبيبي
ربي يخليه لك ويسلمه ويرزقك بره

بالنسبة لي.. لما يجي زوجي من الجامعة نحاول انا وحبايب قلبي اننا نفاجئه
مثلا تشوفينا نتخبى في غرفة ونطفي الانوار ولما يدخل بابا البيت ..... يطالع يمين شمال وما يلقانا :confused:....شويه تشوفينا طالعين وااااااااااااااو
طبعا الحركة هذي عشان الاطفال ينبسطوا فيها مع انها صارت ممله ونكررها دايما
بس تدخل جو من البهجه على البيت :)

وكمان أحيانا لما يكون :arb: تعبان نعمل له تدليك جماعي :D تشوفيني
انا و :04: :04: وهات يا تدليك( انا ادلك وهم يتنططوا) طبعا الاطفال ينبسطوا والاب كمان ومع ان بنتي :baby2: صغيرة بس تشوفيها
مبسوطه لما اجلسها على ظهر ابوها وتضحك :laugh2: ....اما ولدي :7_5_131:

هذا اللي اتذكره.. وان شاء الله لو تذكرت شي ثاني لي عوده

اهلن كوكايه
كيف الهال
الهمد لله كله ناس في بيت مال انا تمام .. نوم كويس بس اكل شوي كتير ملح .. بس كله زين .. بي بي مال انا في قرقر كتير زين اسان ماما مال هو قرقر واجد زين .. بي بي سيم سيم ماما ..

اقول خواخايه .. ابي فلوس الدعايه الي عرضتيها في موضوعي .. الاعلان عندي بقروش .. امزح معك

بس فعلا موضوعك رائع و انا ما دريت انه موجود و لا كان موضوعي ماله داعي .. بس فعلا موضوع السعاده الاسريه مهمه خصوصا بالغربه .. زوج زعلان بعدين فيه جنجان كتير مع هرمه مال هو ..

اما الافكار الي انت حاطتها فهي روعه و ان كان التنفيذ شوي صعب .. يعني الفطور .. زوجي دئما يصحى بدري يعني 7 او 8 و ما فيه امل اصحى قبله و ان صحيت قبله يعني في الويك اند اكون انشغل بعيالي يقوم و يسغل و يلبس و انا ما خلصت .. بس احسها مثل ما قلتي شي يضايق ان الاكل على السرير لا و ياسلام ... مع اطفال يعني بنتي تنطق على السرير الى فيه بيضه يمين و المربى على المخده و الشاهي على المفرش .. اما الجبن فا مازال البحث مستمر ..
و موضوع الفندق .. برضه صعبه بوجود الاطفال .. وين اوديهم .. و احس حتى لو رحنا السعوديه .. استحي اقول لاهلي امسكو عيالي الليع ابي اروح فندق مع زوجي .. !!

بس فعلا احسن شي هو العوده لله .. لانه سبحان الله ذكر الله يطمن و القلب و اذا القلب مطمن يكون الواحد عنده استعداد يقدم .. مشكوره على النصائح الحلوه ..
و الله يسهل عليك ولادتك و يقوم بالسلامه و يتمم حملك على خير

شيبس ليز
حياك الله اختي
تسلمين من ذوقك .. فعلا اسلوب اللقاء مهم يعني ابتسامه .. هي ابسط و اهم شي .. مشكوره اختي على مرورك

حيا الله الحلا كله ..
مشكوره على الدعوه .. الله يجزاك خير و يخلي لك ما عطاك ..
فكره المفاجئه .. على قولتك سويتها مره .. و صارت سالفه .. لازم تنعاد كل يوم فا بطلتها لاني مليت .. بس صارت هي تتخبى و اذا جا ابوها يدورها .. ههههههههههههههههههه اما سالفه التدليك الجماعي .. رهيبه .. ياليت زوجي يوافق نسويها .. راح اجرب .. بس اخاف اذا سويناها ما قدر يروح للجامعه ثاني يوم من ظهره ..
و اذا تذكرتي شي من الافكار الحلوه لا تنسينا ..
مشكوره مره ثانيه

سالفة الفطور اللي على السرير جربتها...

و مررررررررررة كانت حلوة...

مع غن زوجي كا يحب يفطر أول ما يصحى...بس أفطر هذاك اليوم...

كان يوم سبت...و يوم صحى أخذ له دش...و كنت حاطه على باب الدش ورود...معلقتها بلزاق <<< يا ويل اللي يضحك !!!!

و يوم خلص من الدش حطيت الفطور في الصينية اللي توقف <<< يمديكم على الوصف !!!

و كنت مجهزة له كروسان..و توست عليه زبدة..و مفرغة التوست من النص و قليت فيه بيضه...و حطيت له ابريق فيه مويه حاره..و ورق شاهي عادي و شاهي أخضر و هوت شوكولات..و شوية فواكه..و وردة !!!
و أهم شي ءالكرت..و مرررررة انبسط صراحة...

و الفندق جربته في عيد الفطر اللي راح...و كان حلو كمان...

و لا تستحين يالهندية...وش دعوى هذول أهلك...

أنا أعرف بنت هنا معانا ما عندها إلا بنت وحدة..و مرة راحوا للسعودية..و قال زوجها نبي نروح نعتمر..و خلت بنتها عند أهلها...على أساس رايحين يوم وليلة..قعدوا 5 أيام !!! و امها كل شوي تكلم تهزئها..تقول إنتِ جاية من كندا تشوفينا و إلا تشوفين رجلك !

و يا شبس ليز...لا تتحمسين للمملكة...أنا أول ليلتين في زواجي كانت هناك و ما حسيت فيه ذاك الزود..و خذينا في الدور 77...و جناح كمان..و أبوي قال لهم إننا عرايس..تدرين وش سووا؟
صحن فواكه..و مو سلة !!! ما فيها إلا كم حبة..
و كيكة..أصغر منها ما فيه..
و موية !

و لا ورد و لا شيء...و خدمتهم جدااااااااااااا سيئة...نطلب الطلب..يجينا بعد ساعة !!! و ترانا ما خذيناه و هو موسم...كان الأوتيل مررررررررة فاضي...