هلا والله بالهندية

ياختي موضوعك حلوووووو ونفسي اشارك بس خجلانة من نفسي وزوجي يابعدي
لافيه تخفيف ضغوط ولاشئ

يمكن اني احاول اكون مبسوطة ومرحة طول الوقت
طبعا لاننسى شعرة معاوية والله ياما تنشد بهالغربة شد بس الله يعين

افكاركم حلووووووووة جزاكم الله كل خير يابنات

ايه والله ذكرت وحدة خليني اقولها

اذا سويت سناك او ساندويتشات لزوجك بياخذها معه للجامعة حطي معها كرت (طبعا خفي ورشيه بعطرك)
واكتبي كلالالالالالام (مثلا ياليتني ساندويتش هههههههه :30: )لا امزح اكتبي اللي في بالك :D

صدقيني احيانا نحسبها صغيرة بس تاثيرها مررررررررررة حلو

ان خبرنا شئ عودنا والا المرية الغفلة

المكالمه التلفونيه المسجله
لكسر روتين المكالمه بينك وبين زوجك عندما يكون خارج البيت

ما عليك سوى ان تتقني الحركه>>>> والله ما قدرت كل ما بدات ضحكت ولسه ما تنفذت

السلام عليكم ورحمة الله وبركاته

حياك المولى زوجي الحبيب

* للحصول على معلومات عن زوجتك والأولاد..... اضغط رقم 1

* للحصول على معلومات عن الغداء..... اضغط رقم 3

* لتسجيل أي رسالة اضغط....... رقم 5

* لحجز لليله غير...... اضغط رقم10




ان شاء الله تعجبكم

ياي ياهنودة وحشتينا ياشيخة..

شكله السوق اليي شاغلك شوفي الولد مسكين يشتكي ..:) ..الله يحفظهم لك يارب..

انا طبعا ماعندي صغار لكن عندي شي فلتة اسمه معين ومولود في شهر يناير وقاعد في البيت الى اجل الين ينقبل في المدرسة.

المهم دا الولد كل يوم يطلع لي عبرة ..وابوه مرة ينبسط على كلامه وكل يوم احكيه ايش سوا معين ..

كمان جنبي محل يبيع الشغلات حقت الاعمال الفنية واكتشفت فيه كلاس للصغار صرت اودي معين كل اسبوع وهات ياتخبيص في الاعمال اليي يسويها ولما يرجعو ابوه واخوانه يشوفو انتاجه يضحكو عليه.

كمان عندي حركات قرعة شوية رحت رسمت قلوب حمر على غرفة نومي كلها واشتريت لها شراشف حمر ..وعلاقات قلوب لونتهم احمر..

ومرة رحت خربطت في غرفة الاولاد ومرة في الحمام ..وكل مرة يجي الدور على غرفة.

اخبص شي سويناه لما غيرنا ترتيب الصالة ..كان معاذ يبغى يسويها مفاجأة لابوه وطفا الانوار ولما جا ابوه صرخ له مفاجأة ونسي يولع النور وميس نسيت تطلع من ورا الكنبة اصلا..وانا رحت اصور بالفديو..صراحة كانت قمة التخبيص ايوة كمان معين كان في الحمام.
وبعد كل اللخبطة دي ابوهم ماشاف شي لانه كان ظلام دامس..

الله يقدرنا على تغيير الروتين لانه الروتين شي قاتل .

حرم الدكتور
حياك الله ..
يا شيخه لا تقللين من نفسك .. ترى الابتسامه بحد ذاته مع ها الضغوط لها مفعول رهيب .. و لا تحسبين ان الي تكلمك مقطعه نفسه بالحركات .. لا .. و هذا سبب طرح الموضوع .. لاننا نبي نتشجع و بنفس الوقت ما تكون الافكار متعبه و مرهقه ..
اما موضوع الكرت .. رهيب لكن بس تدرين وش المشكله .. ان زوجي صاير هذه الايام ما يروح للجامعه كثير .. يعني ما يخذ معه بس ياخذ معه حلى قهوه اذا راح يتقهوى عند ستار بكس .. و لو حطيت الكرت .. مع الحلى .. الي غالبا ما يكون بسبوسه لان زوجي يحبها .. لك ان تتخيلي شكل الكرت مع الشيره .. يا سلام ... بس انا صراحه تحمست لسافة الكرت ... شكلي ابي اسوي فطاير ,, و اخليها ياخذها بقوه .. علشان الكرت .. و اكتب على الكرت .. شفت ليش انا خليتك تاخذ فطاير .. الا على فكره لا تاكلها تراي من العجله ما حشيتها كله علشان الكرت :D

اما اني اقول ياليتني سندويشه .. اخاف يقول ليته .. علشان كل يوم اشتري لي وحده جديده .. :icon33:

مشكوره اختي على مرورك .. و بانتظار المزيد ..


اذكري الله
... روعه بس انا مثلك اضحك قبل لا اقول شي .. اصلا اذا انا موسيه حركه بالبيت و اتصل زوجي قبل لا يجي اقعد اضحك من دون سبب مع انه مو شي ينقال يعني اذا جا شافه .. و هو دايم يكشفني يقول ما تفاجاة لاني يوم اكلم و انت فيك ضحكه .. (ما اعرف امسك نفسي )
بس هو دايم يسويها معي يعني اذا اتصلت رد و سوى نفسه مسج .. و انا اصدق احيانا انتظر الاشاره علشان احط المسج .. ما ادري الا و هو يضحك .. فشيله .. :16:

بس تعرفين لو ضبطتها و ضغط رقم .. وشلون

ادري اي رقم ضغط علشان اعطيه معلومات عنه .. :D
مشكوره اختي على الفكره الحلوه .. بانتظار المزيد



حمرة الورد ..
حياك الله اختي ..
حلوه ما شاء الله الحركه .. اما موضوع الاعمال اليدويه .. فا انا بعد عندي محل جبني .. بس ما صار فيه وقت اروحه .. اما الحفله الي بظلام ... رووووعه .. الله يخلي لك اطفالك و ابوهم .. مشكوره اختي على مرورك .. و بالنتظار المزيد

أشكرك عزيزتي الهندية على موضوعك الجميل الذي أدخل البهجة على قلبي ....

فقد توفرت لي ساعة ممن الوقت قرأت فيها موضوعك وراجعت فيها موضوع العزيزة خوخاية

بالفعل أشياء مفيدة ومهمة ومضحكة ومسلية بنفس الوقت

اعذريني لم ادلي بشيء جديد أو تجربة ظريفة لكن قلت من الواجب علي ان أشكرك أنت وكل الاخوات اللاتي كتبن وشاركن بالموضوع .......


ونسأل الله عز وجل ان يلهمنا الحكمة ويوفقنا مع أزواجنا وأهلنا وجميع المسلمين لما فيه رضاه ويبارك لنا في أعمارنا وأعمالنا