.::. اساس طبيعي وممتاز للي ماعندها وقت.::.

السلام عليكم

شلونكم بنات

حبيت افيدكم بتجربتي مع الاساسات الطبيعيه والسريعه

يعني حق شغل بسرعه بسرعه للجامعه او الدوام او اذا طبوا عليج الضيوف فجاه

(1)

مـــاكــ





اساس كريمي وعملي جدا

تحطين منه على الوجه وتوزيعنه باسفنجه او بيدج ويعطيج تغطيه حلوووووه جدا وطبيعيه وتحسين ملمسه بعد ماتوزعينه صار مثل البودره والحلو فيه انه ثابت

الدرجه اللي انا ماخذتها nc30
لكن عيبها شوي غامقه

(2)

شـــانــيــلــ





لوز باودر رائع جدا وطبيعي
تحطينه بعد الفاونديشن الستيك او ممكن ما تحطينه
يعني ينفع مع اغلب الاساسات مو بس الفاونديشن ستيك
وحلو لما توزعينه على الجسم لمناسبه او شي

(3)

جيــرلانـ

Guerlain Terracotta Tinted Day Creme.


طبيعي جدا ورطب جدا
تقريبا لونه قريب جدا جدا من لون البشره وبعض الاحيان لو خذتي درجه فاتحه ماتشوفين له لون بس تحسين ان البشره صارت صافيه
انا اخذته في الاساس للبرونزاج بس بعدين لاحظت انه طبيعي جدا قمت استخدمه لحاله او اخلطه مع اساس ثاني
الدرجه اللي انا ماخذتها رقمها(0)

(3)

ديور

Diorskin Ultra Mat MakeUp



ختامها مسك
هذا اساس ديور بس عكس الباقي لانه ثقيل جدا
يعني ينفع للمناسبات
تغطيته حلوه جدا
والحلو فيه انه mat
يعني ينفع جدا لذوات البشره الدهنيه او المخلوطه مثلي :27:
استخدمته مع بودره شانيل اللوز اللي صورتها فوق
وطلع الاساس طبيعي وحلو
الدرجه اللي انا ماخذتها 200

ان شاء الله يعجبكم موضوعي

فمان الله