اسامحها او ما اسامحها

بآخر يوم من رمضان و يوم فضيل يوم جمعة ابغى احسم هالموضوع الي مزعجني .. و انتم بنات حواء ماشاء الله سباقات للخير ..

المهم قبل سنوات تزوجت ابن عمي و اخوانه اثنين اتزوج بنات خالتهم .. الزبدة :

إنه يوم من ايام عشر من ذي الحجة احترقت شقتي علي انا و ابني و رحت اطق الباب شقة اخو زوجي ابغى اعلم زوجته ان الشقته محترقة و نشوف لنا صرفه و نطلع المهم ما رضيت تفتح الباب و لا رد سمعوني جيراني الي تحتي و نادو علي و نزلت لهم و الله بعز بالبرد لا لبست عبايتي و لا و الجزمة لإن النار صارت تمتد ما فيه وقت افكر بحاجة .. لما صار شوي سمعتها تنزل و طلعت برى البيت و يتصل ابو جيرانا على زوجي و يبلغه و يروح جارنا الله يشفيه و يعافيه و يخليه لأهله ادعو له و الله عميان و مريض سكري .. و اجا زوجي و اخذني لبيت أهلي لما صار المغرب اتصلوا على زوجي و قالوا انه زوجتك خلت بنت خالتك و لا علمتها و لا بلغتها ان فيه حريق و يشبون زوجي ما صدقو خبر يلاقون شيء و منذ ذلك اليوم صارت مشاكل و يهدون فيني بعيد الأضحى و بعد العيد تطلقت و الحمدلله خاب ظنهم و رجعت بس الحين و الله نفسي أنسى السالفة و مستحيل لإن الأخت إلى الآن حاطتني برأسها تجي و لا تسلم و لا كلام و لا علام و لا شيء .. و لا كأني موجودة ...........و الله أني نفسي اسامحها و اسامحهم و لا كأن فيه حاجة بس نارهم موقدة و الله موقده ما أدري وش يبون بهالدنيا ............ ابغى انسى او اتناسى كيف اتعامل معها و معهم ........... ربي يسعدكم و ويوفقكم و يتقبل منكم ......كيف انسى و اعيش حياتي .....