اساور كروشيه

*.. السلام عليكم ورحمة الله وبركاته ..*

♥ إزيكم يا فتوكات .. منورين الموضوع ♥

إن شاء الله النهاردة تعرفوا طريقة عمل خمس أساور يا رب تعجبكم

الشكل النهائي للأساور

الإسورة الأولى


الإسورة الثانية


الإسورة الثالثة


الإسورة الرابعة


الإسورة الخامسة

بسم الله نبتدي
✿◠‿◠✿

الإسورة الأولى
الغرز المستخدمة :
1. سلسلة { س }
2. عمود { ع }
3. هختصر كلمة غرزة بحرف ( غ ).
متطلباتها :
1. إبرة مقاس 3 ملم
2. خيطين صوف لونين مختلفين ( الروز هسميه أ - الأبيض هسميه ب ) . وبإمكانك طبعا استخدام مقاسات إبر وأنواع خيوط تانية .



مميزاتها :
الإسورة سهلة جدا ومبتخدش وقت أبدا وممكن تعمليها حتى لو مبتدئة وشكلها بيطلع حلو في اللبس وتقدري تبدلي غرزة العمود بالغرزة اللي تعجبك ومش هتضطري تخفي الخيوط الزايدة يعني مش محتاجة تقفيل .
عيوبها :
ملهاش عيوب]
فكرتها :
هتعملي صفين فوق بعض عواميد في كل جهة من السلسلة الأساسية

الطريقة :
1) باللون ( أ ) سيبي 10سم تقريبا عشان تربطي بيهم الإسورة واعقدي الخيط - اعملي أي عدد سلاسل بحيث يلف على إيدك إلا شوية بحيث لما نيجي نربط الإسورة نلاقي مكان نربط فيه . يعني لو مثلا 25 س تلف على إيدك خليها 20 وزودي س للتثبيت وسيبي 10سم واقطعي الخيط ( أنا عملت 26 س وفي الأساس 30 س تلف على إيدي بس نقصت عشان ألاقي مكان أربط فيه الإسورة .



2) باللون ( ب ) نسيب 10 سم من الخيط ونعقده عادي وهنعمل عمود أساسه في الهوا
يعني نلف الخيط على الإبرة وندخل الإبرة في الـ س ونكمل عمود عادي جدا
( لما نيجي ندخل في الـ س نخلي خيط واحد فوق الإبرة مش خيطين عشان في الأخير يبان خط اللون في نص الإسورة )







ونكمل باقي السطر عواميد وبعد آخر عمود نعمل س زيادة للتثبيت ونقطع الخيط بعد 10 سم .



3) باللون ( أ ) هنعمل سطر عواميد فوق السطر اللي عملناه في الخطوة الثانية .. هنعمل زي الخطوة الثانية بالضبط مع فرق اختلاف الألوان

أول حاجة عمود عادي هنلف الخيط على الإبرة وندخل في أول ع في السطر اللي قبله





ونكمل عادي ع على كل ع .. وتعملي بعد آخر ع سلسلة وتقطعي الخيط بعد 10 سم



4) هنعمل من الناحية التانية من السلسلة الأساسية نفس الخطوتين 2 - 3 وتعملي بعد آخر عمود س وتقطعي الخيط بعد 10 سم وبكدا تكوني خلصتِ الإسورة.

الصورة للتوضيح إنك هتعملي العواميد في الناحية التانية من السلسلة الأساسية ( عملت بس 3ع في كل جهة لأني نسيت أصور
الخطوة دي وأنا بشتغل )



♥ الشكل النهائي للإسورة ♥




~ يتبع ~

♥ الإسورة الثانية ♥
الغرز المستخدمة :
1. سلسلة { س }
2. عمود { ع }
3. عمود أمامي { ع أ }
4. عمود خلفي { ع خ }
5. هختصر كلمة غرزة بحرف ( غ ).

متطلباتها :
1. إبرة مقاس 4 ملم
2. وخيط صوف أي لون تحبيه . وتقدري تستخدمي مقاسات إبر وأنواع خيوط تانية .



مميزاتها :
الإسورة سهلة جدا ومبتخدش وقت وممكن تعمليها حتى لو مبتدئة وشكلها بيطلع حلو في اللبس وتقدري تبدلي غرزة العمود بالغرزة اللي تعجبك وممكن تضيفي عليها زينة
هتطلع شكلها أجمل .
عيوبها :
ممكن عشان هي مقفولة تبقى واسعة سِنة عشان هيكون وسعها على قد كفك .
فكرتها :
هتعملي سلسلة على قد إيدك وتقفليها وتبني عليها 3 سطور عواميد واحد أمامي واللي بعده خلفي وبنفس النمط
الطريقة :
1) هتعملي سلاسل على قد إيدك ويكون عددها زوجي وتقفليها بمنزلقة واتأكدي إنها تدخل في إيدك.





2) هتعملي 3س بدل ( أول ع ) وتكملي ع على كل غ لغاية ما تكملي السطر وحاولي تخفي خيط البداية وإنت بتشتغلي ( يعني تعملي العواميد عليه )



وفي نهاية السطر اقفلي بمنزلقة في ثالث سلسلة من السلاسل اللي عملناها في بداية السطر





3) هنرتفع 3س وهنشتغل في غ ( ع أ ) وفي الـ غ اللي بعدها هنعمل ( ع خ ) لغاية الأخير
وهنقفل بمنزلقة في ثالث سلسلة من السلاسل اللي عملناها في بداية السطر ( لو هتزودي سطور كرري الخطوة الرابعة )
و ( لو خلصتِ اعملي الخطوة الخامسة ) أنا عن نفسي عملت 3 سطور .









4) هنرتفع 3س وهنشتغل في غ ( ع أ ) وفي الـ غ اللي بعدها هنعمل ( ع خ ) لغاية الأخير وهنقفل بمنزلقة في ثالث سلسلة من السلاسل اللي عملناها في بداية السطر



5) بعد ما تعملي عدد السطور اللي إنت عايزاها زودي س للتثبيت واقطعي الخيط واخفيه وبكدا تكوني خلصتِ الإسورة .







~ يتبع ~

♥ الإسورة الثالثة ♥
الغرز المستخدمة :
1. سلسلة { س }
2. منزلقة
3. حشو
4. نص عمود { نص ع }
5. عمود { ع }
6. وهختصر كلمة غرزة ب { غ }
متطلباتها :
1. إبرة مقاس 3 ملم
2.وخيط قطن أليز عشان يطلع معاكِ نفس مقاس إسورتي . وبإمكانك طبعا استخدام مقاسات إبر وأنواع خيوط تانية .
3. زرار
4. لازم تكوني عارفة أساسيات الكروشيه .



مميزاتها :
شكلها جميل جدا في اللبس ورقيقة وبتطلع حلوة أوي في كل أنواع الخيوط .
عيوبها :
ممكن في البداية تلخبطك وممكن متنفعش معاكِ من أول مرة وكل خطوة فيها مهمة يعني لو نسيتِ تلفي هتبقي بتشتغلي غلط ومش هتطلع معاكِ يعني محتاجة تركيز وإن شاء الله هتطلع سهلة .
فكرتها :
هنعمل أساس دايرة ونبني عليها الغرز ونكرر لغاية الطول المطلوب .

الطريقة:
1) 7س ونقفلهم بنزلقة





2) 1س - نلف الشغل ونعمل في فراغ الدايرة ( حشو - نص ع - 7ع - نص ع - حشو ) وحاولي تخفي الخيط الزائد وإنت بتشتغلي يعني تعملي الغرز عليه واعملي منزلقة في أول س من السلاسل اللي عملناها في البداية * كدا انتهت الدايرة الأولى *

هنا لفينا


هنا بعد ما عملنا الغرز في الدايرة وشوفي المكان اللي هنعمل فيه منزلقة زي متكون غرزة مفتوحة شوية


المكان اللي هنعمل فيه المنزلقة



3) 1س ونلف - نشتغل ( 1 حشو في كل غ من الغرزتين الجايين ) يعني 1 حشو في غ - 1 حشو في ال غ اللي بعدها - دلوقتي هنعمل أساس الدايرة التانية نعمل 7س ونلف ومنزلقة في السلسلة اللي عملناها في بداية الخطوة 3 ( يعني ال س اللي في بداية السطر لما تلفي ) * كدا عملنا أساس الدايرة التانية *

هنا لفينا


هنا عملنا الاتنين حشو


الــسبع السلاسل


لفينا


منزلقة في السلسلة اللي عملناها في بداية الخطوة 3



4) نشتغل زي السطر التاني : 1س - نلف الشغل ونعمل في فراغ الدايرة ( حشو - نص ع - 7ع - نص ع - حشو ) واعملي منزلقة في أول عمود قدامك يكون فاضي يعني مش عاملين عليه غرز وهو هيكون آخر عمود عملناه في الدايرة الأولى * كدا انتهت الدايرة التانية *

لفيت الشغل عشان نبني على السلاسل


هنا عملت البناء على سطر الأساس ( يعني عملت الغرز على الدايرة )


المنزلقة اللي في أول عمود مفيش عليه غرز



5) الخطوة دي شبه الخطوة الثالثة : 1س ونلف - نشتغل ( 1 حشو في كل غ من الغرزتين الجايين ) يعني 1 حشو في غ - 1 حشو في ال غ اللي بعدها - دلوقتي هنعمل أساس الدايرة الجديدة نعمل (5س) بدل الـ 7 ونلف ومنزلقة في أول عمود تلاقيه فاضي يعني مفيهوش غرز * كدا عملنا أساس الدايرة الجديدة *

الاتنين حشو والخمس سلاسل ولفينا


المنزلقة اللي في أول عمود فاضي مفيش عليه غرز


6) 1س ونلف نعمل في فراغ السلاسل ( حشو - نص ع - 5ع - نص ع - حشو ) ومنزلقة في أول عمود فاضي قدامنا من الدايرة اللي تحت اللي بنشتغل عليها ( هتفهمي الخطوة دي أكتر لما توصليلها في الشغل هتبقى واضحة أوي ) * كدا خلصنا الدايرة الجديدة *



هنا المنزلقة اللي في أول عمود فاضي بس صورتها بعد كام سطر


~ يتبع ~
( بقية الإسورة )

♥ تكملة الإسورة الثالثة ♥

دلوقتي هنعيد الخطوة الخامسة والسادسة لحد ما توصلي لطول الإسورة المطلوب .



7) في الأخير ممكن نحتاج دايرة أكبر شوية عشان الزرار هنغير في الخطوة الخامسة بدل ما نعمل 1 حشو
في كل غ من الغرزتين الجايين هنعمل 1 حشو على كل غ من ال 4 غرز اللي قدامنا ونكمل الخطوة السادسة
عادي وبعد المنزلقة نعمل س زيادة للتثبيت ونقطع الخيط ونخفيه .

8) هنجيب زرار ونخيطه في طرف الأسورة الأول اللي بدأنا منه ونثبت الزرار ونخفي الخيوط الزايدة .
وكدا نكون خلصنا الإسورة