استخدام الحديد المشغول في الاسقف + الارضيات

السلام اول الكلام
اولاً انتي من اي منطقه علشان افيدك بالمحلات الديكور
ثانياً اناحاططه في السقف الي في الصاله حولين القبه حديد مشغول بحركه ناعمه ويفصل بين كل واحده قطعة خشب
في وسطها اناره
ثالثاً عملت الارضيه سيراميك خشبي وكل من شاف الصاله عجبته مع انها لم تكتمل ولم تصبغ بعد
والافضل في السراميك نص لمعه او ابو لمعه:26:

مشكوووووووووووووووورة اختي nanaah والله انك روعة..:32:

انا في جدة .. وعجبتني مررررررررة فكرة الحديد حولين القبة مع اني مو متخيلة الشكل
بس هووووووه هذا بالضبط اللي ادور عليه.. "استخدام الحديد المشغول في الاسقف"
بس للأسف مو لاقية صور.. ياريت تشرحيلي الصورة اكثر او تزوديني بصورة ان أمكن
وفين سويتيها
انا حاسة ان شكلها جنان بس مو متخيلة الشكل مو واضح بالنسبة لي وعجبتني حركة قطع الخشب اللي داخلة فيها كمان... الله يخليييييييك ردي عليا بسرعة عشان العمال بيشتغلو في الجبس ونفسي اسوي شي جديد وحلو زي كذا بس اللي عندنا تعرفي الرجال كيف ماعندهم صبر وكل شي عندهم خبص وسريع


وبالنسبة للسيراميك الخشبي انا شفته بالمحلات بس بصراحة ترددت فيه.. حسيت انه حلو بس عشان الفراغات اللي بين السيراميك احس شوي تخرب مظهره يسير لاهو خشب ولا هو سيراميك! مادري كيف بس بصراحة دام انها عاجبتك اكيد طالعة حلوة يعني:27:..
انا نفسي في السيراميك يكون بالضبط زي الخشب مافييييييييه اي فرق . فيه نوع كذا؟


سمرمر:21:

اهلاً
والله اتمنى اني اساعدك بس للاسف ماعندي اسكنر ولا اعرف انزل الصور حاولت اكثر من مره ولا ضبطة معي
وبنسبه لسراميك الي على شكل خشب انا معك الي يخرب شكلها الفراغات الي مابينهم لاكن عندك الانصاري الي في جده اساليه عن الجرانيت الخشبي ماراح تفرقينه عن الخشب لانوا جاي على شكل لوح طوالي وتشكليه على كيفك
ومقصوص باليزر يعني الفراغات الي بينهم تكون 2ملم
وسعره 120ريال للمتر المربع
وبنسبه للحديد المشغول اختاري اي نقشه تعجبك وتكون مثلاً منحنى وبعدين ورده وبعدين منحنى
وتكون حولين القبه النقشه وبعدها قطعة خشب مستطيله اطرافها مبرومه ومدرجه ويخرج منه في المنتصف اناره
وبعدها النقشه وبعدها قطعة الخشب وهكذا الى ان تنتهي الدائره
وللاسف انا في الشرقيه شوفي بنات جده انشاء الله بيفدونك:27:

:41:

ياحبيبتي يا نانا :32: تسلميلي والله عالرد والاهتمام..

وان شاء الله بروح الانصاري واشوف الجرانيت هذا وان شالله يطلع كويس ^_^
يعني عارفة هوه الواحد ممكن يحط خشب ويريح نفسه بس المشكلة انه جونا وبيئتنا بيهرو الخشب والمعروف انه يتخدش بسرعة وعاد تعرفي الدفاشة عندنا كيف.. :23:

بالنسبة للسقف اظن فهمت الشكل واتخيله طالع زخرفي مرة وحلو.. يعني في النص القبة وحوليها الحديد نقشة ناعمة وبعدين اطار خشبي مستطيل وفيه الاضاءة وبعدين النقشة حولين المستطيل وهكذا .. صح كذا؟


.. انا راح اسأل وانشالله البنات هنا بيساعدوني :( بس محد عبرني غيرك لين الحين...الف شكر يالغالية..


تحياتي لك :27:
سمرمر

لاه لاه لاه يابنات حواء :( وانا جاية ومتأكدة انه محد حيساعدني غيركم

يعني معقول فوق الـ350 وحدة تقرا الموضوع وماترد غير وحدة :44:
حطمتوووووووووني صراحة...

طيب بلاش الحديد والارضيات..

بسأل عن شي ثاني يمكن تحنو على حالي


انا شايفة مرة في التلفزيون في بيت الجدران فيها رسم وزخارف بارزة ومن نفس لون البوية
وشكلها مرة خطير بس للأسف قد مادورت مالقيت شي في النت ولا عرفت ايش اسمه


احد يعرف؟؟؟؟؟؟؟؟؟؟