المهم قبل كم يوم رجعت من زيارة عائلية وكنت -طبعا- حاطة ميك اب = مكيااااج ويوم جيت بشيله تكاااااسلت .. يعني باقي اشيل الظل ثم الكحل ثم احمر الخدود=عفوا اقصد البلاشر...و...و... وستمية شغله....
والصراحة كنت راجعة هلكاااانه من كثر الهذرة اللي هذرتها ...
ولاني كنت اصغر الضيوف "احم احم " فكان من الواجب والذرابة اني اتلحلح واصب انا القهوة والشاهي الاحمر والاخضر والازرق وكل الالوااان.. واباشر بالتمر ثم اقرررب لهم صحون العجم واسحب الطاولة عشان ام فلان تبغى تودي فلان2 الحمام الله يكرمكم ..
وام فلان3 تبغى تصلي العشاء علشان ماتنساه ويفوتها فلازم افرش لها السجادة على القبلة واجيب لها الشرشف.. بس يوم جيت بفرشة ماعرفت شلون القبلة قايلة.. ؟؟ فاضطريت اررررجع بسرررعة 180 ك/س قبل ينقض وضوءها عشان اسال معزبة البيت عن قبلتهم ثم اعود لام فلان3 وافرشلها السجادة ...
وهذيك فلانه تبغى كاس موية باردة لانها من يومين ماشربت ما .. وما افتكرت الا يوم صرت انا الجرسووون
وحوووووووووووووووووووووسة.... فلا تلوموني يوم رجعت البيت ماودي الا احط هالرااااس وانااااام بس يقولون مو زين النوم في الميك اب = ختير على السحة العامة...
والله اني بديت احتر من جد.... لذلك بدخل بالسالفة>>>>تكرر كلامها.. الحر مايررررحم
المهم ويوم ادخل الحمام واحاول اتماااسك .. واطالع الا انا اشوف شيء اصفر وله عصااار فطاحت براسي فكرة جهنمية ... هههههههاي>>>ضحكة شريرة
هالاصفراني المزيون هو شامبو جونسون حق بناتي الله لايحرمني منهم ...
وكان صراحة بطل هذيك الليلة لاني بللت وجهي بالماء واعصر من هالشامبو وافرك في هالوجه الحلو :) وافرك وافرك كل شيء على بعضه : كحل على ظل على روج على اساس على ماسكرا على لمعه ... كلش وطبعا ماخفت على عيوني لانه لا دمووووع بعد اليوووم وااااو ونااااسه
غسلت واطالع المراية الا وانا على الطبيعة :عيون وخشم وفم بدون ولا لووون ولا مكياج ولا تعب ولا مستحضرات
وبشرة كالحرير :مو مرة خخخخخخ
ومن جد ارتحت وحطيت شوي مرطب ورحت انااااااااااااااااااااااااااام
اصنحكم تجربون بس مو دايما يعني بس وقت الزنقات وطيحات النوم واذا كان عندكم شفتات مباشرة وقرسنه"ماخوذة من كلمة قرسون وهو النادل اي الشخص الذي ياتي ليقدم لك ماتريدين في المطعم عندما تفرقعين باصبعك>>>متاثرة "
ويالله تمسوا بخير لاني والله بديت اعررررق من الحر .. ياليت فيه جرسون يشغل لي المكيف ...... هع هع هع:42: