استخرت في عملية البطن بس شوفو وش صار

انا من فتره نفسي اسوي عمليه شد بطن وبموت عليها
انا بنفس الوقت خوااافه موت بس ودي فيها
مع انو جسمي حلو ومرتب والكثير يحسدني عليه بس ابغا المثاليه الزايده
ماخليت موقع ولا خليت منتدى الا وماقريت عنه
المهم ابغاها بس خايفه
اقول لو جاني شي لو صار لي مضاعفات
احد يضمنلي انو مايجيني مضاعفات؟؟؟؟؟؟ لقيت الاجابه لا
لانه كله بعلم الغيب وبس
ياما سمعنا عن عمليات صغيره لوز وغيره وصار فيها مضاعفات غير متوقعه
يعني الدكتور بيقولي مافي مضاعفات بس لو جاني شي ومت لاسمح الله اول كلمه بيقولها لزوجي مضاعفات

المهم استخرت كم مره ربي عن هالموضوع
شوفو وش حلمت
اني بغرفة العمليات ومبنجيني نصفي على اسا س ان العمليات هذي يصير فيها البنج نصفي
المهم الدكتور كان شغال بالعمليه وفجأه اسمع صوت صفارة الخطر اكيد تعرفونها وفجأه اشوف حركه غير طبيعيه بغرفه العمليات 
الممرضات رايحين جايين وعرفت وقتها انو انا بخطر
تخيلو ودي اقول للدكتور انت قلتلي انو مافي خطر وودي اسبه وودي وودي بس ماجا ببالي وقتها الا



عيالي الاربع


قلت بنفسي وانا بالعمليه كيف كنت غبيه وضحيت بعيالي عشان حلم سخيف وتقليد اعمى
الحين عيالي بيجون من المدارس وماراح يلاقوني وش بيقولهم ابوهم
ليش يتمتهم ليش كسرت قلبهم
شفت عيونهم قدامي تعاتبني

والله يابنات كل هذا جا براسي بلحظه
والله والله حسيت بالموت وسكراته والخوف

قلت ابغا الزمن يرجع والله ماسويها

فجأه قمت مخروعه
قلت ياربي شكل مافي امل اسويها
يابنت رياضه ورجيم واشياء طبيعيه
لأن الانسان ماعندو الا روح وحياة وحده مافي مجال للمخاطره لو واحد بالميه