هلا والله بكل المغتربات الله يكون في العون
صراحه انا الحين لي شهر ونص بأمريكا
بس قرادة حظي حطتني في سان انتونيو
ذا الديره اللي مافيها ملح
وأهلها همهم كله الاكل
اذا طلعنا مانشوف الا الزحممممممه على المطاعم والسوبر ماركت
كرهوني في الطلعه
والله اني طفشاااااااانه مره هالايام
انا كذا مزاجي متقلب صايره ايام اتقبل الوضع وانبسط
وايام اطففففففففش
وزياده اني حامل بالشهر الاول ومن القراده دريت اني حامل بالصدفه وانا بأول اسبوع
يعني حملي بيصير اطول حمل بالعالم
وخايفه لا اتوحم على زوجي اللي مالي الا هو هنا
وش بسوي بنفسي .. تهقون اخليه يستأجر لي شقه الحالي :)
يالله انا مريت جنب استراحتكم لقيت انواركم شاعقه ماشاء الله عليكم قلت امر واسلم..
وكان تبون اقط معكم بالاجار انا جاهزه << متعوده على قطات الرياض
.. والا شارينها ملك :)
سلام ..
.
يالله سلام
هلا والله بكل المغتربات الله يكون في العون
صراحه انا الحين لي شهر ونص بأمريكا
بس قرادة حظي...
الله يحييك معنا
عادي شعورك لانك توك لك شهر ونص بعدين يجيك تبلد احساس مثلي .
الله يهون عليك