كوبونات الراقية تسجيل الدخول

memsi
memsi •
السلام عليكم

عايزة اسال على المربى اللى بنلزق بيها البيتي فور بتبقى مربى عادية من العلبة على طول ولا بتضرب في الخلاتط عشان تبقى ناعمة يعنى ؟
don
don •
memsi memsi :
السلام عليكم عايزة اسال على المربى اللى بنلزق بيها البيتي فور بتبقى مربى عادية من العلبة على طول ولا بتضرب في الخلاتط عشان تبقى ناعمة يعنى ؟
السلام عليكم عايزة اسال على المربى اللى بنلزق بيها البيتي فور بتبقى مربى عادية من العلبة على...
يا حبايبى ربنا يخليكم ...... انا كنت حنزلكم دلوقتى حاجات بس الموقع معلق حجرب بعد شوية تانى :)






بصى يا حبيبتى لو كنتى لسة حتشنرى برطمان مربى يبقى اشترى مربى مشمش بس يكون مكتوب على العلبة او البرطمان .... مرملاد .... يعنى بتكون مربى بدون قطع فاكهه يعنى كأن صوص مربى علشان لما تيجى تلزقى البتيفور او الانكشير يلزقوا كويس ميبقاش فيه اى قطع تعوق اللزق او لو كان عندك مربى وعايزة تستخدميها يبقى حطيها فى مقلاية صغيرة على النار مع يادوب نقطتين مياة على نار هادية وقلبيها حتلاقيها تفك معاكى واذا كنتى عايزة تضربيها اضربيها يعنى هيا حتبقى كبيرة على الضرب يعنى :42:
امانى61
امانى61 •
تسلم ايدك يا احلى دندون على الاطباق الجميله دى والاهم من ده كله اننا اطمنا عليكى وانا برضه عايزه طريقة تسوية الكفته المشويه و ربنا يديكى الصحه يارب ويباركلك فى اولادك ويحفظهم من كل شر

نيفين ولوزه تسلم اييكم اطباقكم روعه ما شاء الله عليكم
مى جميله قوى البقلاوه اللى بالجبنه تحفه زى كل الحاجات اللى بتعمليها ان شاء الله ابقى اجربها
رانيا انا بسلق الرز المصرى نص سلق واطفى عليه وبعدين ابشر عليه بصله واحط البهارات بتاعتى وشوية زيت واحركهم مع الرز واكون منضفه الفرخه ونقعاها فى خل ولمون واحشى الفرخه بالحشوه اللى جهزتها وحاولى ما تمليش الفرخه بكميه كبيره من الحشو وبعدين اخيطها كويس وبالسكينه اعمل فيها فتحات صغيره فى ضهر الفرخه علشان اضمن ان الحشو يستوى وما بيبأش فيها دم ولا حاجه وبعد ما تتسلق باحطها فى الفرن تتحمر وبتبقى روعه جربيها وان شاء الله تعجبك
نورا ومى بالنسبه للبطاطس المبطن بتتعمل بطريقتين ياما شريحتين بطاطس وبينهم بتبقى اللحمه المفرومه( وعلى فكره مش بتقع يا مى علشان اللحمه فيها بيض وبقسماط بيمسكوها كويس ومش بتقع خالص) والطريقه التانيه انك تاخدى الشريحه الواحده وبتكون تخينه شويه وبالسكينه تقطعيها لشرحتين بس مش للاخر لغاية النص كأنك بتعملى جيب فيها ويا رب اكون عرفت اوضح ليكو الطريقه
memsi
memsi •
عسل والله يا ابلة دون

خلاص هاشتريها زى ما قلت ومش هاضربها:39:
ســــجى الليل
ســــجى الليل •
banora banora :
تسلم ايديك يا دون نذاكر الاطباق كويس و بعدين استعدي للاسئله :Dربنا يبارك لك في صحتك و اولادك:
تسلم ايديك يا دون نذاكر الاطباق كويس و بعدين استعدي للاسئله :Dربنا يبارك لك في صحتك و اولادك:
ازيك يا دوندن يا قمر تسلم ايديكي يا حبيبتي ويخليكي ربنا لينا ولولاد اختك ... انا مش بدخل خالص بس ما قدرتش امسك نفسي قدام الحاجات الحلوه دي والاهم من كده انا عمري ما انسى وقفتك معايا ساعة الموضوع اياه وبجد بجد وقفة كل البنات كمان ربنا يخليكوا ليا ...
ومتزعلوش مني لو مش بشارك بس انا معاكو والايدين مش قادره تكتب حاجه عندي سدة نفس مش طبيعيه ومتدايقه ... بالاضافه الى زحمة رمضان والولاد وابوهم ده بقا خلوه على جنب الواحد مش عاوز يقول حاجه احنا في شهر كريم ....:D
ومن يومين كمان ابن عمي عنده 58 سنه توفى الى رحمة الله جم يصحوه يفطر ما صحيش وللأبد ... كان راجل سكره وطيوب وما يحبش يزعل اي حد ...ربنا يرحمه يا رب برحمته ويجعله من عتقاء الشهر الفضيل ...ادعولوه يا بنات
سديت نفسكم قال جيت اكحلها عميتها ... وبسلامتي جايبالكم الاخبار الحلوه في ملف المطبخ شفتي الخفافه واللطافه ...
زمانكم دلوقتي بتقولوا يا ست احنا مش زعلانين وكتاب الله المجيد ولا في اي زعل بس ما تبقيش تفكي اديكي بالكلام عندنا ... يا ساتر ايه ده اتوبيس نكد على عكننه ... كانت مستخبيالنا فين في يومها اللي مش معدي ده ...:angry2:
المهم نرجع مرجوعنا ... ونقول بحبك يا دندون ووحشتيني ... :26::26::26:
وكل كل حابيبي المنورين في الصفحه هنا وفي المضيفه المصريه ( مصره على الاسم ) بحبكووووووووووووووووووو
في الله ..:26::26::26: