كنزى

لزيك يا قمر

انا عارفة انه كحك ويتيفور بس انا عايزة حاجة تانية حاجة جديدة

يا جماعة انا جربت فتة الكفتة النهاردة طلعت تحفة جميلة اوي فعلا
و عملت البيتيفور بتاع ام ياسين طلع روعة و سهل جدا ما اخدش مني وقت كتير

كل سنة وانتم بالف خير يا رب

سؤال انا عملت طريقة بسكوت جوز الهند من ملف العيد اللي حطته آية وطلع ناشف حبتين (كوب سمنة و3 كوب دقيق وربع كوب نشا وكوب ونصف سكر وكوب جوز هند و3 بيضة) كمان جوز الهند طعمه مش باين فيه قوي تفتكروا ايه السبب ولا هو المفروض يبقى كده ؟ اصل اول مرة اجربه بس هو طعمه حلو ومش ناشف حجر يعني هو بس مش بيدوب كده زي بسكو مصر مثلا

انا عندى يونيفرسال بقاله شهر تقريبا بس الأيدين كويسة مش بتسخن
بس بصراحة الفرن مش حلو اوى بس عشان انا مش عندى غاز طبيعى يعنى مع الغاز بيبقى شغال كويس اصله عند حماتى ز ممتاز بصراحة
و عموما اسالى تانى و البنات يفيدوكى ان شاء الله


بالهنا و الشفا يا جميل

و انا كمان كنت بفكر اعمل البيتى فور بتاع أم ياسين إن شاء الله هجربه بس سؤال بتسويه فى ايه و فى انهى رف من الفرن

د/ ميكى يوههههههههه كل شويه انسى قصدى مى عاملة ايه ايه الحركات الجامدة ديه انا مش كنت عارفة انك دكتورة ما شاء الله ربنا يوفقك و ينجحك بامتياز يارب

و على فكرة نرمين دكتوره فى حتى :kissa::hahaha: :hahaha: معلش يا نرمين يا جميل القافية حكمت

قصدى دكتوره فى القانون الدولى ربنا يصلح حالها و يوفقها و على فكرة هى فلسطينية الموطن و لكن مصرية الهوى خالصصصصصصصصصصصصصص :39:

فطومة بصراحة مش عندى فكرة عمرى ما عملت البسكويت اصلا

و على فكرة انا جبت كحك و بيتى فور من عند تسيباس جنينة مول و اليكم الأسعار :

حكم ملبن و عجوة 32
كحك عجمية 34
سادة اعتقد يا اما 34 او 36
بسكويت برتقال و شيكولاتة 32
بسكويت مشكل فانيليا + شيكولاتة = 34
بيتى فور عادى 38
بيتى فور لوكس 48
بصراحة هو ده الى انا فاكراه و بالهنا و الشفا مقدما

بنات كل سنه و انتوا طيبين رمضان السنه دي عدي بسرعه قوي ربنا يجعلنا من عتقائه يا رب و يارب تستجاب دعواتنا كلنا و يفرج هم كل مهموم

كنت قريت قبل كده تتبيله فراخ بتتعمل و تتخلط مع بعض و بتتعان و لما احتاج منها اخد حد فاكرها؟