اللى بيدور على طريقة جديدة للحمة المفرومة شوفوا دى
http://forum.hawaaworld.com/showthread.php?p=26657717&posted=1#post26657717

شيمو لو صاحبة الموضوع سمعتك هتزعل منك وبعدين طلع فى ناس بتغسل اللحمة المفرومة اهو يعنى طلعت مش لوحدها
كتكوتة حلوة قوى بس كده اللحمة المفرومة اللى طالعة من البطاطس مبتتحرقش حتى لو اتغطت ببيض وبقسماط؟

up

صباح الخير يا بنات
كتكوته وايه متشكره خالص على زوقكم
لوزه جميله اوى الحاجات اللى بتعمليها تسلم ايدك وشجعتينى النهارده هاعمل باذن الله الكيكه الالمانيه وهاقولكم النتيجه معايا كانت ازاى ولو طلعت حلوه هانزل صورتها
بت يا شيمو هو انتى بتعملى البسبوسه اللى فى العلب افتكرتك عملتى بسبوسة دندون جربيها يا شيمو دى زى الجاهزه حلوه اوى اوى احلى بكتير من بتاعة العلب يالا جربيها واديها تانى مره بسبوسه اكشن
بنات عايزه وصفات للبركولى ياريت حد يفيدنى فى الموضوع ده ؟؟؟
النهارده عندى يوم حافل جوزى طالب منى شوية حبتكشات اقصدى حلويات ياخدها معاه الشغل اصل عندهم شغل كتير وبيتأخرو لبلليل وكل واحد منهم عايز يورى شطارة مراته وربنا يستر يالا ادونى شوية افكار

ايه الشغل الجامد ده


حلو جدا و هجربها ان شاء الله




ن شاء الله تعجبك الكيكة الالمانية

و قوليلي الصوص بتاعها عمل معاكي ايه


بصي يا ستي بالنسبة للحلويات

هقولك تجربتي

اليومين اللي فاتو كان عندنا اجتماع عائلي و قلت اعمل حلويات

بصي يا ستي جربت ميني تشيز كيك كريكره

http://forum.hawaaworld.com/showthread.php?t=760788
بصي طلعت خرافة و شيك موت

بصي انا عملت ايه

الجبن جبت جبن مليكانا الي هي كريمي 250 جرام ب 8 جنيه تقريبا بدل جبن فلادلفيا

و عملت نفس الطريقة بس الليمون كان كتير اوي و بشر الليمون كتير و ظاهر فيها اوي فالافضل تقلليه


قصدي لازم تقللي الليمون و بشره

و عملتها في الكب كيك الكبير العادي لان الصغير مش عندي و طلعت كويسة الكمية طلعت 14 واحدة

بس لو عندك الكب كيك الاصغر هتكون اشيك جدا في الشغل هتطلع زي الصورة


لكن عندي طلع نصف الورق البليسيه فاضي من فوق لانه برضو عملتها نفس الحجم اللي العضوة عملته


و مكنش عندي باي فيلنج

فاستعملت عليها مربي فراولة و كنت سيحتها علي النار شوية و لما بردت زينت بيها و للتزين شرائح فراولة عاديه

و طلعت شيك و خرافة و زي ما انتي شايفة تكليفها قليله جدا

و جربت كيك مافينز

علي الرابط ده


http://forum.hawaaworld.com/showthread.php?t=1437245


طلعت حلوة جدا برضو

و اضافاتي اني خفقت البيض الاول و الفانيليا و بعدين حطيت السكر بالتدريج اثناء الخفق و خفقت شوية بتاع 5 دقائق علي اعلي سرعه

و بعدين اضفت الزيت و اللبن الساخن ( انا خليت اللبن يغلي و حطيته علي البيض و هو ساخن )

هتفرق معاكي في الحصول علي كيك هش عن تجربة

عشان سخونة اللبن مش تسوي البيض بحط اللبن بالراحة

شوية لبن و شوي زيت و هكذا لحد من يخلصو

و كنت خالطة الدقيق المنخول ب البيكنج باودر ( استعملت كيس كامل ال 16 جرام ) و ذرة الملح


و قللت سرعه المضرب علي اول سرعه و بقيت احط خليط الدقيق ملعقة ملعقة ( زي الكيك الاسفنجي كده عشان نحافظ علي الهواء)

و اضرب في اتجاه واحد

و بعد ما انخلط الدقيق و اختفي وقفت ضرب

و صبيت الخليط في قوالب الكب كيك و كنت حاطه الورق البيليسيه

و جملت الوجه بتاعتها بحبات الشيكولاته ( تشوكلت تشبس ) و دخلتها فرن سابق الستخين و قعدت تقريبا 25 دقيقة

و كانت خرافة طعم و شكل و طريه من جوه

بالنسبة للبروكلي انا عملت مرة مكرونة بتاعت منال العالم بالبركولي ممكن ادور لك علي الطريقة لو عايزة

في اغلب الاحيان انا بستعمله جارنش