ازيك يا حنون التردد اهو يا جميل 10853- افقى- 27500 -3/4 وياريت حد يقولنا امتى بيتعرض برنامج حلويات هل نفس التوقيت اللى قبل كده ولا فى توقيت جديد لانه فعلا برنامج اكتر من ممتاز والواحد استفاد منه جامد

ربنا يخليكى ليا يا دينا ياااااااااااارب
مستنية المنظف يا جميل
امانى ازيك انتى والله انتى كمان وحشانى قوى ووحشانى البت هايا كمان قوى قوى
كيكة الشيكولاتة عادية مفيهاش صور لانى مزوقتهاش بس طعمها بجد حلو قوى جربوها يا بنات زى الجاتو المقادير 3ملاعق زبده مع كوب سكر وتقعدى تضربيهم بايدك مش بالمضرب اليدوى حتى لغاية ما تبقى ناعمة خالص ولونها فاتح قوى
وبعدين تضربى 5 بيضات وفانيليا بالمضرب الكهربا لغاية ما تلاقى لون البيض بقى فاتح خالص وحجمه اضاعف وبطل يطلع رغاوى ولما تطلعى المضرب منه بتلاقى اللى عالق فى المضرب ماسك فيه مش بيسيل يعنى
تضيفى البيض على السكر والزيده وتضربيهم شويه بالخلاط عشان يتجانسو سوا وبعدين تضيفى كوبايتين ونص دقيق منخولين مع 3 ملاعق كبار كاكاو ومعلقة بيكنج بودر ومعلقتين صغيرين قرفة كل ده يكون منخول مع بعضه تضيفيهم على الخليط البيض والسكر وكوباية لبن حليب وقلبى بايدك فى اتجاه واحد وانتى بتفتفتى اى كلكيعة دقيق ممكن تحسيها بايدك لغاية ما الكل الخليط يتجانس
حطيها فى صينية مدهونة زبدة ومرشوشة نشا وفى فرن سابق التسخين متوسط الحرارة لمدة من 25 ل30 دقيقة
لما تطلعيها سيبيها تبرد عشان تعرفى تقلبيها ومتتقطعش هتلاقى الناحية اللى بقت على الوش مسامية اسقيها شربات وبس كده
لما تيجى تاكليها بتتقطع مثلثات زى التورتة وممكن تزينيها لو عايزة بس انا بحبها كده عشان احس بطعم القرفة

ابلة دون
حمدالله على سلامتك نورتينا يا قمر بصى ومين ما تضربونى انا اصلا محطيتش على الشربات ليمون خالص ملقيتش عندى ساعتها واكيد هو ده السبب اللى خلاه يعمل كده


نورا
شكل الكيك كده من الطريقة تحفة ما شاء الله بالنسبة للسكر استخدم عادى ولا بودرة؟ وعاوزة مقدار الشربات اللى اسقيه بها وان شاء الله اعملها واقولك الاخبار

بيجى يوميا الساعه 4 عصرا بالضبط واللى بيعمل فيه مدام ومساعد الشيف حسن اللى هو محمد حامد ومقاديرهم مظبوطة جدا لحد دلوقتى



لأ يا حنونة ما احنا اتفقنا اخر مرة انك استاذة ورئيسه قسم صح ؟؟؟؟؟ المهم ازى حبيبة ؟؟ اظن كبرت وبقيت عروسة وبتساعدك فى المطبخ صح ؟؟؟ ربنا يخليهالك وعقبال ماتخاويها يارب



حطتهالك يا نورا هناك ومتقلقيش خااااااااااالص انا وراكى لحد يا تنضفى النجفه يا تبيعيها :hahaha:


المهم انك كأنك ولا عملتى حاجة :hahaha: جايه تتهمى فى الشربات اخص عليه ان هو اللى باظ وسكر وانتى بريئة ماشى يا كتكونة ........ بس لعلمك ممكن الشربات بيتعمل من غير ليمون وميسكرش بس مش بالعافيه

السكر عادى يا كتكوتة والشربات انا عملت كوباية سكر وربع على كوباية مية ونص ليمونة
جربيها هتعجبك قوى