ملكة الحسن ..

الف الف مبروك والله يتمم لكم على خير ان شاء الله ..

انا بصراحه احس التصميم والتفكير فيه يعور الرأس لكن انتي بصراحه تستااااااااااهلين من يفكر عشانك :27: ..

..

شوفي عيوني ..

اول ملاحظه ( موقف السيارات ) طوله خمس امتار !! وهذا غلط لان اقصر سياره ولو

كانت هوندى على الاقل 5 ونصف .. لازم تطولين الموقف وترى المقاول ممكن ما ينبهك لهذي الشغله

وينفذ المخطط الي عنده وبس ..

وثاني ملاحظه ( المدخل الرئيسي ) الباب راجع على ورى كثير وصاير فيه زوايتين على الاجناب مالها داعي

غير ان بتعذبك بالتشطيب لان شكلها غير جميل وفي النظافه بعدين لانها بتلم الوسخ والغبار ..

انصحك قدمي الباب شوي وخلي الزوايا تكون على الداخل وصدقيني بيصير شكلها في المدخل من جوا جميل جداااا ..

وثالث ملاحظه (غرفة المصلى ) ما ادري وش الداعي لها لانها بصراحه اكلت الصاله وموقعها استراتيجي مره

يعني ممكن تصلين في اي مكان مو شرط في غرفه خاصه الا اذا تبغينها لاستخدم ثاني ..

وبعدين ابسألك انتي ما عندك شغاله ؟؟ شكلك انتي الي تطبخين لان المطبخ كبييييييير مره مره ماشاء الله

ومأخذ جزء اكبر من الجلسه العائليه هذا غير المطبخ التحضيري والمخزن ( شكلك لاعبه على ابو الشباب

ومدلعه نفسك في ذا التصميم ) .....هههههههههه

شوفي ياقلبي نصيحتي لك الغي غرفة المصلى اوكيه والغي الممر الي بين المخزن والمطبخ التحضيري

لانه مره واااسع تقريبا مترين وشوي وماله استخدام كثييير .. واعملي باب داخل المطبخ مفتوح على المطبخ

التحضيري واعملي باب في المطبخ التحضيري على المخزن .. وبكذا وفرتي مترين وشوي ضايعين من غير فايده ..

والمغاسل وحمام المصلى خليهم بين غرفة الضيوف والمكتب .. علشان تتوسع الصاله + اوفر لكم في السباكه

لان السباك راح يمدد المواسير للحمامين ( حمام غرفة الضيوف وحمام ومغاسل الحريم ) ..

بعدين وخلي الدرج مكان غرفة المصلى والمغاسل .. يعني خليه وسط الصاله ااااااااااجمل بكثيييير ..

لان موقعه غلط تخيلي اذا طلعتي من مجلس الرجال بيكون في وجهك الدرج على طول وبعدين الصاله فصاير

المكان مو شرح وضيق بيصير كله دواعيس .. فنصيحتي مثل ما قلت لك خليه في الوسط ..

وخلي ابواب غرفة الضيوف وغرفة المكتب مقابلين بعض بعد ما تخلين المغاسل في الوسط .. لان الابواب صايره

في الوجه وشكلها مو حلو اذا شطبتي البيت بتحسين الصاله مثل البيوت القديمه لكثرة الابواب من الناحيتين ..

احس واجهة البيت بتصير روعه ما شاء الله تبارك الله .. لكن صاير التصميم الهندسي للواجهه على حساب المجالس

لان صدقيني مجلس الرجال والسفره مساحاتهم ضايعه مره ووقت التأثيث بتتعبين لان الزاوايا مقسمه المجلس

فياليت لو تسألين المصمم اذا ممكن تعدلون في منحنيات الواجهه بحيث ان شكل المجالس يكون اوسع ..

وعلى فكره ترى واجهة بيتك تذكرني ببيت على نفس الشارع حقنا .. اذا انزنقتي بتشطيب الواجهه او في الشبابيك

علميني علشان ادلك على البيت وتشوفينه يمكن تأخذين منه افكار ..

..

ملكة الحسن والجمال والدلال والبيوت الحلوه الجميله ..
هذا رأيي في التصميم فكري في الملاحظات الي قلت لك يمكن تطلعين بشي ..
لكن صدقيني انتي ادرى با احتياجاتك والي يريحك في الحياة اليوميه ..

وسلامت قلبك ..

..

هلا أختي
هل هذا المخطط يتناسب مع الميزانية اللي في بالكم لبناء البيت. لأني أنا لما صممت بيتي وأخذته للمقاول طلع السعر أعلى من ميزانيتي، وبعدها بديت أقص وأصغر في البيت ... فيفضل أن تسألين عن قيمة التصميم هذا في السوق حتى لا تنصدمين بعدين. المفروض أي مقاول ممكن يعطيج السعر خلال خمس دقايق من خلال معرفة مساحة البناء.

السلام عليكم
مرحبا اخت ملكة الحسن
تبين الصدق ولا ولد عمه
بصراحه اقولها لج التصميم مش عملي ابدا والمهندس اللي سوالج اياه ابد ما تعب فيه لانه عيوب الدنيا كلها فيه
انا ما باج تزعلين بس اقولها لج وابالج الخير
انا مهندسه معماريه وفاهمه ها الشغلات واعرف افرق بين التصميم المتعوب عليه والتصميم الحشو
راجعيه مراه ثانيه وخليه يشتغل فيه مره ثانيه

قبل كل شي

رومي

مفعوصة

الله يجزاكم الجنة و يجعل سقف بيوتكم فيها عرش الرحمن قولوا آمين

والله ما ادري شقولكم بس ريحتوني الله يريحكم ..

دنيا و آخره ..

ملاحظاتكم مره ريحتني سبحان الله يوم جت على بيتي ما عرفت أسويه لووووول

رومي و مفعوصة

دمجت بين افكاركم .. بطريقه من جد خلت البيت حلو .. و عجبني و قاعده أشتغل على الدور الأرضي

بعدين رومي .... بتلقين دولاب العبايات الحين هههههههههههههه

مفعوصة مدري ليه مستقله بعمرك ...... سنعه و حرمه بعد و تقولين عن عمرك مفعوصة ..

الحين ..

التعديلات الي سويتها بكتبها كتابة .. بعدين بوريكم الرسم .. لأني تحمست و قاعده أصلحه ..

1- مدخل الرجال الزوايا راحت ..
2- يسار صارت مغاسل و حمام و جلسة يعني أول شي بالوجه الجلسة بعدين عن يمينها المغاسل و الحمام و السفرة
عن اليسارصارت 5 في 8 بالطول .. ما راح أقفلها بباب ولا شي لأنه مستور طلع بحيث ان الي بالصالون ما يشوف شي ..
2- الصالون مثل ما هو للحين مافي أفكار خوف تخرب الواجهة ..
3- الحين الصالة .. أبتدي من المطبخ المطبخ صار طولي بدال عرضي 6 في 4 علطول على المطبخ التحضيري لغيت الممر صار 3في 2,5 و منه على المخزن صغرته قلت هو للمواد الغذائية مني فاتحه بقاله فالبيت لووووول مراح أحتاجه كبير مره 1,5 في 2,5 و جزء سويته لأدوات التنظيف المكنسه و خرابيطهم ..
4- المكتب علطول لاصق بالمطبخ التحضيري و بين المكتب و نوم الضيوف حمام الصالة .. و المغسلة
5- الدرج مكان المغاسل و المصلى .. و الممر انلغى تماما .. حتى حمام الرجال راح للمنطقه أخرى
6- أول ما نفتح الباب من الصالون بالوجه جلسة دائرية نازلة عتبتين بين الصالة و باب الصالون و بين الدرج و مدخل النساء .. أنا أعشق شي اسمه fire place بخليها بالنص من النوع المعلق و داير ما يدور أرمي مخدات على الأرض و شموع تطلع ره حلوه و في الشتاء اذا بردت نولعها و مره رومانسية تصير .. والا مالها داعي وان حصل وين ممكن أحط fire place هل من ضمن متبة الصالة الفاير بالنص و يمين تلفزيون و يسار مكتب عطوني رايكم ..؟؟؟؟
مدري اذا متخيلين معي الفكره برضو ما اقول لأ لأفكار جديدة إلين اوصل لأفضل صوره للتصميم ..
7- مدخل الحريم صار أكبر.. جنبه علطول دولاب عبايات و مصلى
8- الموزع حق المكتب و غرفة النوم و الباب المقوس حق المصلى صاير كأنه اثنين بينهم نص متر بس و كأنه فتحه جدارية على الجهتين و سبوت لايت موجه و تعتيقه .. ايش رايكم حركه حلوه و الا مالها داعي ..
9- فوق للحين ما جيته .. بس رومي أنا ما احب عقب ما اسكن أدخل عمال لبيتي و أكره ما علي ..
ودي بكل شي يكون خالص و جاهز و ما اضطر اني أقسم .. وان بقا غرف نوم زيادة أقدر أستخدمها ألعاب و رياضة
و أشغال لي لأني أحب أحوس .. عموما قعدتي كلها بتكون فوق تحت ما راح أقعد الا ان جاني أحد ..
لو بيدي أسكن في بيت أصغر ما أقول لأ بعد لأني اكره البيوت الكبيره .. الواحد يضيع فيها و كل واحد بحاله ممل الوضع جدا و ابي شقه اخ لو في شقق تمليك بالرياض .. بس الشكوى لله ..
مم
وش بعد
البيت ما راح أسويه كله رخام .. لأن الرخام ينعدم و يبغاله جلي و مالي خلق بس السفرة و مجالس الرجال
والحمامات ودي كل الي فالبيت تكون رخام لأن موضتها ما تروح .. أما السيراميك يبان بأي حقبة تركب لووووووووووووول ..
أرضية الصالات ودي تكون بورسلان و تقسيماته مثل الرخام يعني ماحد داري .. و عندي المدخل ودي احط فسيفساء على الأرض من الرخام.. بدال السجاد .. مدري ليه أتكلم فالتشطيب .. خلوني فالتصميم الحين بعدين يجبيب الله مطر الله من جد أحلام يقظه ..

نسيت شي مهم ... يا مفعوصتي :26:
الجراج عدلته بعد .. زين الي نبهتيني يا قلبي ..

ليالي الإمارات والله تعبتك معي حبيبتي .. بس البنات ما قصروا و فهمت فكرتك ..
لما أثث انشالله .. الله ييسر ..

وردة حلوة ..
مشكوره حبيبتي على التنبيه ..
بس و لله الحمد حنا واضعين ميزانيه كويسه للبيت انشالله تكفي .. وان ما كفت أثاث أهم شي التشطيب و الديكور
الأثاث عندي أخر شي مهم لأن ممكن براتب كل شهر اجيبلي شي :17:
و بعدها قضينا و كذا احسن علشان اقدر ادور برواااااق و انقي على كيفي و بأسعار حلوه :26:

mznah
مشكوره يا قلبي على ردك بس الي سوى التصميم أنا .. مو مهندس حرام ظلمتي المهندسين ..
و كان ودي بتعليقك .. ايش ممكن يتغير علشان استفيد من خبرتك خصوصا انك مهندسة ..
علشان كذا انا نزلت التصميم ودي أشارك فيه و منه منه ينتهي التصميم بأبهى حلة بجميع الملاحظات
علميني وين الأخطاء الي تشوفينها اذا ما في تعب عليك ..
و أدري انك تبين الخير لي يا قلبي :26:

و مشكورين بانتظار بقية التعليقات .. خلونا نستفيد .. و مفعوصة و رومي .. انتم بالنسبة لي الحين مصدر معلومات محلات و أسعار مهم :26: فأررجو انكم ما تنزعجون مني إذا سألتكم كثيير :17:

انتظروا تعديل التصميم

:26:

انا مع الاخت مفعوصه بكل كلمه ماشالله عليهااااا كفت ووفت
لان صراحه بتصميمك السابق الصاله مأكول منها كثيييييير
ياريت تنزلين التصميم بعد التعديل