السلام عليكم ورحمة الله وبركاته

أولاً : معليش اعذريني مشغولة مع رمضان ما أفتح النت إلا ناااااااااادراً واتصفح سريعاً واطلع وماشفت موضوعك إلا الحين .

ثانياً: الف مبروك ماشاء الله على الأرض وعقبال ماتبنين البيت وأجي أزورك فيه لمن أجي عند أهلي بالرياض << وحدة نشبة :23:

ثالثاً : أول ما شفت التصميم بصراحة ما أعجبني وكنت متحمسة أبي أكتب لك كل اللي في بالي لحد ما قريت رد الأخت مفعوصة بردت قلبي ونبهتك على أشياء كنت شايفتها وأشياء ما كنت شايفتها ويوم شفت التصميم الثاني المعدل بصراحة :32: قلت في بالي إيه هذا تصميم يليق بملكتنا وخصوصاً المطبخ هو نفس المطبخ اللي أفكر أسويه بمطبخي اللي تحت بس بقى عندي شوية ملاحظات :.

الدور الأرضي :
1 ) كأني شايفة باب دولاب العبايات يفتح على الصالة ؟ إذا كان كذا فأنا أقترح عليك إنه يفتح على غرفة المصلى قولي ليه ؟ أقول لك عشان بنفس الدولاب وقت تفصيله تحسبين حساب للسجادات وشراشف الصلاة وبنفس الوقت تكسبين منطقو جدار في الصالة تقدرين تحطين عنده كونسول أو أي شيء يعطي منظر للصالة حتى لو زرع

2 ) مدري اتجاه القبلة في بيتك وين ؟ يعني لو كانت على يمين أو يسار الرسمة فأنا أقترح عليك إنك تكبرين غرفة الصلاة تخلينها 2 × 3 على ناحية الصالة محل الكنبة هذي اللي لحالها ومالها داعي لأن المترين تكفي ثلاث حريم أربع بالكثير وعادة اللي يصلون أكثر من كذا.

3 ) على طاري القبلة أنت اخذت بالاعتبار مواقع كراسي الحمام بالنسبة للقبلة ؟ أكيد أنت عارفة إنه مكروه إن الواحد يجلس مستقبل أو مستدبر القبلة وقت قضاء الحاجة فسوي حسابك من الحين أحسن .

4 ) فيه غرفة داخل حمام الضيوف محيرتني أنا اللي أعرفه إنه مرات كرسي الحمام ينحط داخل غرفة في الحمام لكني شايفة الكراسي مرسومة عادي على يسار باب الحمام قلت يمكن هذي بانيو مو غرفة ؟

5 ) كنت أبي أنبهك إن باب الخدمة مرررررة بعيد ومحتاجة عربية أو إنك تضطرين تختصرين المساقة وتفتحين باب من المطبخ الصغير بس أنت خلاص قلت تبين تجيبين عربية .

6 ) يجونك ضيوف رجال أجانب عنك ؟ من أهل زوجك مثلاً ؟ إذا إيه أقترح عليك تسوين باب على غرفة الضيوف ، بس عارفة كيف عشان مايشوه منظر الغرفة ؟ شايفة الشباك اللي أنت راسمته ؟ وقت التنفيذ خليه طويل زي شبابيك البلكونات والأبواب اللي يفتح على المسابح عادة وبس منها شباك ومنها مدخل .

7 ) إذا كان عندك ضيوف حريم وجاء زوجك يدخل البيت كيف بيطلع فوق ؟ طيب بتقولين لي لو حريم بس بيجلسون بالمجلس اللي عند المدخل الرئيسي طيب بذي الحالة مو غرفة العبايات بعيدة مرة عنهم ؟ إيش رأيك لو تاخذين من ساحة الجلسة اللي بوجه غرفة السفرة وتسوين دولاب داخل الجدر يصير حتى تحطين فيه سجاجيد الرجال اللي ماشية مع مجلسهم لو حبوا يصلون في البيت . أو إنك تسوين لك درج خدمة ويكون بين المطبخ وغرفة السفرة وتصغر وقتها غرفة السفرة وبكذا يصير الدور الأرضي كله تحت تصرفكم حتى لو كان فيه زوجك ، أو احد عيالك في المستقبل إن شاء الله .

8 ) أقترح عليك بين المجلس الرئيسي والصالة تحطين باب عريض مترين مثلاً من الأبواب السحابة اللي تدخل داخل الجدار مدري عرفتيه ولا لآ ؟ هذا أفخم في الشكل ويحفظ لك المساحة ويصير لو كانت عنك مناسبة كبيرة تفتحينه ويختفي داخل الجدار ويعطي إيحاء إن المنطقة كلها مفتوحة .

9 ) بالنسبة للحوش حاسة إن المستودع بعد ماينبني البيت حيصير ماخذ مساحة مو حلوة إيش رايك لو تلصقينه بالجاراج أو بغرفة الحارس مثلاً ؟

10 ) ركن الشوي أنت حاطته على اليمين مع إنه المنطقي يكون جهة المطبخ ولا إيش رأيك ؟ خصوصاً إن هذيك الجهة ما راح يمر فيها ضيوف .

11) غرفة السائق بابها على برة صح ؟

الدور الأول :.
أنت طبعاً بتضطرين تغيرين فيه عشان محل الدرج تغير بس عندي لك هالملاحظات قبل لا تسوين تعديلك

1 ) بالنسبة لغرفتك أقترح عليك إن باب الحمام يفتح على غرفة الملابس مو مباشرة على الغرفة منها عشان الواحد أول مايطلع متروش يلاقي ملابسه قدامه ( أحس هذا هو المنطقي ) ومنها عشان مو حلوة إن الباب يفتح مباشرة على غرفة النوم .

2 ) غرفة الرضيع مرررررررة صغيرة أنت لا تقيسين غرفته على حجمه صدقينه أكثر عيالك أغراض بيكون الرضيع لازم له سرير وطاولة تغيير ودولاب ملابس ووأنا عن نفسي أحط لعيالي منطقة اللعب هذي اللي مثل السجن عشان إذا كنت مشغولة حطيت لهم ألعابهم فيها وكمان لاتنسين المشاية والكرسي وين بتحطين كل هذول ؟ حتى المستودع اللي عندك بهذا الدور صغير إلا إذا كان قصدك بتحطين هنا بس سريره وإذا قام عليك بنص الليل موسخ على نفسه تروحين لحد الغرفة تغيرين له وترجعين احس حل مو عملي بالمرررررررة وألعابه كمان لازم تكون قريبه منه أنت أبدعت ما شاء الله عليك بكل شيء إلا بهذي لأنك بس مابعد جربت البزران إسألي أم مثلي .

3 ) برضه بالنسبة لغرفة الرضيع يكون أفضل لو كان لها مدخلين واحد من جوة الغرفة وواحد من برة تقولين ليه أقول لك لعدة أسباب
أولاً عشان لمن تجي الشغالة ترتب غرفته أو تاخذه الصباح بدري وأنت نايمة ماتدخل عليكم .
ثانياً عشان مستقبلاً تقدرين تقفلين الباب اللي بينك وبينه وتصير غرفة مستقلة خلاص شوفي تصميم بيتي الأخير اللي عندك شايفة الغرفة اللي على اليمين هذي ناوية بإذن الله إن احتجت غرفة لرضيع أفتح باب من جلستنا لها وتصير غرفة لرضيع وحالياً ما في باب ومدخلها عادي من برة الجناح حقنا زي ما أنت شايفة .

4 ) بالنسبة للحمامات أنا عارفة إنك مقتنعة إنها تكون داخلية لأني أنا كنت مثلك مقتنعة بهذي الفكرة بس احب أنبهك إني لمن سألت المهندس يوم وريته تصميمك اللي سويتيه لي قال لي حمام ضيوف من غير دش ممكن لكن حمام استخدام فيه دش أو بانيو مايصلح راح يصير مكتوم من الرطوبة وعشان أسوي مثل التهوية اللي بالفنادق لازم قوة دفع عااااااالية جداً فراح أتكلف كثيييييير على شيء ممكن الواحد يتفاداه .

5 ) بالنسبة لحمامك أنا أحس إنه صغير مساحة الغرفة ماشاء الله كبيرة خذي منها شوي وكبري حمامك عشان تقدرين تسوين فيه حركات حلوة وشاعرية وكمان تقدرين تخبين الكرسي بغرفة مستقلة أجمل بكثير وعملي كمان عشان يقدر يغسل زوجك بالمغسلة أو يتروش وأنت تسخدمين الكرسي عادي:01:

6 ) غرف الأطفال أنا مع اقتراح رومي إنك تأجلين تبنينهم أربع من الآن بس خلي في بالك تصميم ممكن يصير أربعة من غير مشاكل مثلاً حماميم كبار وفي المستقبل كل واحد ينقسم لأثنين وهكذا .. أدري صعبة شوية بس ما تصعب عليك إن شاء الله .

7 ) برضه بالنسبة لغرف الأطفال أنا أقترح عليك إن الأبواب ما تكون كلها على الصالة صح كذة أوفر بالمساحة لكن أجمل بكثير لو كان فيه مدخل يؤدي للغرف أو على الأقل كل غرفتين يكون لهم مدخل واحد على شكل قوس والأجمل من كذا إنه يكون فيه مدخل واحد يؤدي للغرف كلها بما فيهم جناحك أنا بتصميم بيتي كان نفسي أسوي الحركة هذي بس طلعت وحدة من غرف العيال برة شوي بس مو كثير .

هذي ملاحظاتي عاد أنت خذي اللي تبين منها وطنشي اللي مو مقتعة فيه ولا تشيلين في بالك
ولاتنسين تحطين في بالك إنك جالسة تبنين في الدنيا يعني مهما سويتي وخططت وتكلفت راح تطلع فيه عيوب ياما شيء بيظهر وهو على الورق وشيء بيظهر وقت البناء وشيء ماراح يبان إلا بعد ما تسكنون فوسعي صدرك مشوارك طويل وصعب .:06:

وأسأل الله أن يكتمل بيتي وبيتك ونعزم بعض بس لا تنسين تقولين لي إذا جيتي جدة <<< مصرة على العزيمة

بس أهم شيء أسأل الله إنه يسكننا أجمل وأفخم بيوت الجنة قولي آمين:26:

أم سعود

إنتي إنسانه رهيبة

:24:

والله عسل

أفكارك بتكمل البيت بتخليه روعه ..

زين اتفقنا على المطبخ

هههههههههههههههههههههههه

تدرين ايش المصيبة .. إني في بيت اهلي غرفتي أصغر غرفة و أنقهر ..

ليه كل اخواني غرفهم أكبر .. و أنا لأ ..

فعلشان كذا ودي أسوي الغرف متساوية لكل العيال ..

دولاب عبايات و سجاجيد مره رائعة الفكرة بره ..

الباب السحب الجداري مره أعجبتني الفكرة أعرف الباب

بس أبي أخلي الباب معتق .. يطلع انتيك .. أو فكره ايش رايك نسويها في بيوتنا

الأبواب القديمة مرة تتركب على باب و يتعتق بمسامير محروقه .. مدري .. أتوقع بتطلع حلوه و نفس الشي سحب ..

الحمام ههههههههههههههههههههههههههههههههههههههههههههههههههه

يجيب الله مطر .. يطلع بره يغسل .. مو ضروري يدخل :17:

الكنبة مالها داعي الي فالوسط صادقة بس كنت بسوي fire place معلق عرفتيه والا لأ شفته مره ببرنامج ديكور

انهبلت .. من كثر ماهو حلو ..

بعدين مسحته .. أصلا لا جا التأثيث .. بيطلع أشياء كثيرة .. و الموضة بتتغير ..

غرفة الرضيع بحاول أكبرها مع التعديل .. فالتصميم ..

وش بعد ممكن اكبر المصلى أحسن 2في 3 ودولاب العبايات من جوه برضو أحسن .. عشان يخدم الجهتين ..

الشي الثاني الي انتبهت له أبفتح باب سحب من غرفة الطعام على الصالة .. علشان ..

اذا بغوا السيدات يدخلون شينه أمشورهم وأخليهم يلفون من الجهة الثانية ..

وش بعد مكان المستودع بغيره جنب السواق ..

في شي ثاني بعد ..

ودي أغير الواجهة إيش رايك مع انها حلوة بس من عند المجلس و أكبره ..

العريشة اذا مالها مكان بشيلها ..

تعبت من الكتابة

انتظر ردك يا قمر ..
:26:

هلا حبيبيتي زين اللي أعجبتك ملاحظاتي
وفكرة الباب السحاب من الصالة إلى غرفة الطعام فعلاً مهمة مدري شلون راحت عن بالنا من البداية
وبالنسبة للباب السحاب الداخلي أظن بيطلع مررررة حلو معتق وشكله أنتيك
بالنسبة لأبواب بقية الغرف أنا شفت مرة فيلا عندنا بجدة كانت للبيع وكان مسوي الأبواب مرررررررة حلوة .. عارفة كيف ؟ ماخذ قطع سيراميك من الفخم جداً اللي تجي منقوش عليها نقش معتق بارز وبألوان معتقة وباهتة ومقاسها تقريباً 20 × 20 .. حاط هذي القطع محل ماعادة يكون الشباك في الزنزانات ( امحق تشبيه :17: ) وحاط له كم مسمار في الأبواب بشكل رووووووووعة وغريييييييييييييب مررررررررررة أنا بسوي إن شاء الله هذا لأبواب البيت كلها لكن تحت بحط من الزجاج الشبيه باللي أنت حاطته ( كنت ناوية أسوي بيته كله كذا بس أهل زوجي سووه ومو حلوة نكون كلنا نفس الشيء ) كمان ذكرت نعومة الأولاد وخصوصاً في سن المراهقة وقلت بلاش من الزجاج في دورنا لكن يمكن أحطه في مدخل جناحنا لأني ناوية أخلي باب جناحنا غير .

وبالنسبة للواجهة مدري بصراحة مافهمت عليك كيف بتغيرينها يعني قصدك بس من جهة المجلس ولا قصدك تستغنين عن فكرة الزاوية الداخلة ؟ أنا أقول لك عن نفسي مررررة عاجبني هذا الشكل لكن ماسويته عندي في بيتي لأن
أولاً أهلي مسوينه ( طالع روعة على فكرة )
ثانياً قررت إن المساحات من الداخل أهم من الشكل الخارجي ، لأني بعيش جوة البيت مو برة لكن شوفي ضيوفك وعددهم هل أنت فعلاً محتاجة تخربين الواجهة عشان المجلس يكبر ولا كفاية عليك المساحة الحالية ؟ بتصميم بيتي بتلاحظين المجلس مرررة كبير لأن أهلي ماشاء الله عليهم عددهم لو عزمتهم بين الثلاثين والأربعين نفر وأهل زوجي نفس الشيء .. فشوفي احتياحاتك وعلى أساسها قرري :26: