استشاره بموضوع طلاقي ورجعتي لبيتي

السلام عليكم ورحمة الله وبركاته

كيف احوالكم ان شاء الله تمام

بدخل بالموضوووع وهو ان زوجي طلقني طلقه واحده من المحكمه وجاب الورقه لا ابوي قبل شهر

والسبب غير معروف لانه سافر لدبي 3ايام ومن عقب ماجاء متغير ومنقلب علي وما ادري وش السبب والحين هو ندمان على الي سواه ويدق ويرسل يبي يرجعني وقلت تعال كلم ابوي قال خلاص بس بقوله انه تفاهمنا انا وانتي بالجوال واني بستئذن ابوك وتروحين معي قلت لا لازم تجيبلي رضوووه قال انا بسفرك وبشريلك ذهب ب5000 بس بيني وبينك قلت لا تقول هالكلام قدام ابوي وتجيبلي عشر الالف رضوه قدام اهلي ورفض يقول لا بيني وبينك والحين يرسل ولارديت عليه
وهو ندمان وميت على رجعتي
وانا ماودي ارجع بها السهوله واخواني مب مخليني ارجع بها السهوله وكلهم يقولون ماتدرجعين الا برضوه وشروط عشان مايصير على كيفه متى مابغى يطلق ومتى مابغى يرجعك بكل سهوله


وانا محتاره ودي ارجع حنيتله وحنيت لبيتي ووحلف لي انه تغير وبيرضيني

وما ادري شسووووي محتاااااره ماودي ازعل اهلي واخاف يعاند


واخاف ارجع واندم وماينفذ الي قالي محتتتتتتتتتتتاره

اشتقت لبيتي انا احب الهدو واخذ راحتي ببيتي اكثر وكل وحده متزوجه بتفهم كلامي اكثر


شورو علي بكل شي وياليت من تجاربكم

وجزاكم الله خير

ونسيت اقولكم ان عندي ولد وابوه جاء اخذه اليوم وراح لجدانه من الساعه 11الضهر الى صلاة العشاء والله طول هالوقت افكر بولدي ووضايق صدري وجاني هبوط بالضغط لاني خفت انه مايرجعه بس الحمدالله جابه ً


سامحوني كلامي ملخبط ما ادري شقول ً ودي اقول لا امي تقول لا ابوي ودي ارجع وان زوجي بيجي يتفاهم مع ابوي بس خايفه من ردت فعلهم ًً

يارب دبرني على احسن دبره يارب وكلتك امري فكن لي خير وكيل ًً