قصة ..
حبيت اقول قصتي مع الدعاء والإلحاح وسورة البقره
أنا عندي أخ مريض ووقتها كنت اصلي ركعتين يعني صلاة الحاجه وكنت ادعي ربي بيقين تام والحاح وكنت مداومه على سورة البقره بوقت الفجر والمغرب والله العظيم يابنات ثلاث ايام وجو يبشروني اهلي بشفائه ماعلى الله بعسير بس توكلو عليه وأجزمو ب أن لايدفع الضرر غيره ولايعطي غيييره سبحانه وتعالى جل في علاه .
.

الثقه والتوكل على الله اهم شيء
وحده من جماعتنا فيها مرض خطير ولها شهور تراجع المستشفيات والمرض هذا خطير جدا وكانت تدعي وموكله ربي كل شيء وترقي نفسها وتبكي لله بتذلل انه يشفيها سبحان الله بعد سنه ونص من هذا المعاناه مع المرض حددو موعد للعمليه
وهي مستمره بالدعاء والاستغفار و الرقيه
فراحت المستشفى تاخذ تحليل وعينه اخيره من الفحص تبين انها شفيت تماما من المرض ولا فيه اي اثر ولا حطو عملية ولا شيء ثقت بالله ودعت والحمدلله ربي استجاب لها وبقدرته تشافت .
.

مساء الخير ياحبيبات بحكي لكم قصتي والله كنت اتمنى احج وازور بيت الله الحرام الحمدلله انا بعتمر كل سنه لكن وصل عمري 30 سنه وانا لسى ماحجيت وهذا همي الوحيد وكل سنه اقول ان شاء الله احج وادعوا ربي وكل شوي ﻷهلي ابي الحج وطبعا مافي امكانيه خاصه الماديه والله ماملك قيمة حملة الحج وكذلك المحرم مافي الا ابوي وكبير بالسن وتعبان مايقدر يحججني وكنت ادعوا ربي وعندي يقين ان الله بيكتب لي الحج مهما ظهري لي من الضروف الصعبه فالله لايعجزه شي في الارض ولا في السماء وتمضي الشهور ويقرب شهر الحج وانا في دعاء واستغفار والله اني استغفر وانا جالسه واصحى من النوم واستغفر مادري كم عدد الاستغفار حتى ان حملات الحج بدات توقف التسجيل فيها والله مالقيت الا امي تناديني وتخبرني ان اخوي حجزلنا في احدى الحملات وتقول جهزي نفسك بنحج يالله لك الحمد والحمدلله حجيت مع ابوي وامي وهذي كانت امنيتي اني احج مع والدي وكانت أجمل رحله في حياتي والحمدلله هذا من فضل الله عزوجل ولابد للعبد ان يدعوا مع حسن الظن بالله وكثرة الاستغفار و آسفه على الاطاله .
.
.