استغفر الله شوي وبستخف تعبت تعالوا

السلام عليكم ورحمة الله وبركاته


حبايبي مشكلتي عيالي عندي بنوتين وحده برجب كملت سنتين والثانيه تو برمضان كملت اربع والله مجننيني شوي حيل تعبوا نفسيتي دايم عصبيه صرت مع ان طبيعتي بارده وهادئه الحين احس راسي يصدع من الصراخ عليهم كله خوسه مايجلسون ياريت يوسخون المكان كان معليه لكن تنطر وازعاج وصياح وهوشه لاتقولون حطي لهم العاب بغرفتهم ماضل شيء دايم وراي احيانا من التعب والعصبيه ادخل غرفتي واقفل علي الباب وهم يطقوا ويصيحون شالسوات قبل كنت ملتزمه شحلاتي الحين استغفر الله صرت اسب والعن لساني تغير الفاظي شسوي ماودي اصير كذا بس حاسه بضغط اكتئاب تعب ولفتحت الاستغرام اشوف حياة الناس وحروب ازيد واكتئب واعصب ولا لي خلقهم وخلق نفسي معورين قلبي بس تعبت كل مالي وانحف زود واحس بخمول دايما لصحيت قبلهم شحلاتي ومن يصحون احس بخمول ودوخه وغصب ابي انيمهم طقت كبدهم مني