استفسااااار عن دراسه اللغه في امريكا

اهلين بنات
انا اول ماجيت امريكا على طول درست لغه في معهد لفل اي مده ثلاث شهور وطبعا ماعديت ورجعت عدته على طول وانا حامل في الشهور الاولى وعديت بس ماكملت بعدها وانشغلت في الحمل والولاده وانشغلت في ولدي الله يصلحه واللحين عنده سنه ونص وابغى اكمل بس لما راح زوجي الملحقيه الثقافيه يجهز اوراقي قالت له الموظفه لا ماتقدر تكمل لانه خلصت المده حقتها وانا مادرست الا ست شهور والمده المخصصه لدراسه اللغه سنتين ونقدر نمددها على كلام اللي اعرفهم هنا وبعد تقول ان المعهد اللي ادرس فيه مو كويس ولا ندفع له كأن احد طلب رايها والله شي يرفع الضغط كانا نشحذ منها والمشكله زوجي ماناقشها وراح طبعا خلال فتره جلستي بالبيت ادرس وتحسنت في الريدنق والرايتنق وتحسنت بشكل عام والحمد لله وزوجي اشترى لي كتب وسيديات عن التوفل يقول ادرسي التوفل واخذيه بعدين قدمي اي تخصص تبين بس بصراحه حسيته صعب وقلت لا ارجع للملحقيه وخلهم يوافقون اكمل في المعهد شي احسن من لا شي ووافق بس اخاف يرفضون وانا قدامي سنتين ونص حرام اضيعها ومااستفيد وصديقاتي ثنتين ماشاء الله خلصوا اللغه وتوهم تخصصوا الله يوفقهم بس مو معقوله اجلس مكاني كذا وارجع مااستفدت واندم واقول ضيعت فرصه العمر :( والله حرام ماكاني قلت قصه حياتي اعذروني بس مقهوره طيب اللحين بعد اللي قريتوه وش تنصحوني اسوي وكيف اقنع الملحقيه اني اكمل وياليت كل وحده درست لغه هنا تقول وش كثر درست على حساب الملحقيه وسلامتكم