أختي عديل الروح .. كان ودي اساعدج بس ما أدري اذا اخذ الجنسية شيء اختياري او لأ
لأني اللي اعرفه ان زوجة المواطن يحق لها الحصول على الجنسية اذا كملت معاه كم سنة .. وحتى بعد ما تتطلق منه الله لا قدر ما يسحبون الجواز منها ولا شيء بالعكس يظهرولها دفتر جنسية منفصل (بعد ماكانت مع الزوج) ويكون باسمها واسم ابوها الكامل .. بالاضافة للجواز والهوية .. يعني معززة مكرمة حتى بعد الطلاق وتعامل كمواطنه تماما..

انا ابغي اتاكد اكثر بخصوص الزواج الجواز بالنسبة للمواطنة اللي تتزوج من عربي أو خليجي.. لان المشكلة اني اعرف بنات وحدة متزوجة قطري واختها متزوجة سعودي وهم من اقرباءها ولازالت وحدة منهم تدرس بالجامعة يعني ماانسحب عنها الجواز .. فاعتقد سالفة سحب الجواز تكون عند الزواج من غير خليجي..

عديل الروح .. أعرف وايد ناس ماخذين من السعودية .. وحياتهم ما شاء الله تمام التمام .. و لو تبين الجنسية السعودية تم معاج .. محد بيقول لج شي .. يعني لج الحرية ..

انا اقول لج اهم شي الاستخارة .. و اللي بيخطب من الامارات يعرف إنه لازم بس ياخذ تصريح و بتمشي أموره ان شاء الله .. و يارب يكتب لج اللي فيه الخير

كل يوم نسمع هالمواطنات المتزوجات من و افدين بمن فيهم دول الخليج يتصلون الإذاعه يشتكون إنه لا محصلين دراسة حق عيالهم ولا علاج وكل شي بفلوس ومؤخرا قطعوا عنهم الإعانه ...أنصحج أختي لو شي بديل ثاني مواطن أفضل بدال الممرمطة لأنج بتترتاحين فتره بس بعد ما تيبين عيال حرام بيحسون بالتفرقه وإنهم غير عن أصدقائهم محرومين من جامعه وعمل وعلاج ببلاش و إقامات تتجدد كل فتره. يعني يعاملون معاملة الأجنبي..

بصراحة انا مع أخت ديباجة.. رغم اني قلت لج.. ان كان هالشخص بيقدر يعيشج بكل راحة بال و بدون أي تقصير منه و ما بتفكرين في يوم من الأيام تلجئين حق الدولة و تطالبين بالجرايد و الراديوات توكلي على الله.. بس تراه قرار مصيري.... فكري بمستقبل عيالج قبل راحتج... لأنه راحتج بتكون وقتية و بعدها بتبدأ المشاكل اللي ما بتنتهي...

و أرجع وأقول انا ما أحبطج بس عيشي واقع الدولة

حتى انا اسمع كثير بالمشاكل الي تصير من زواج المواطنه بغير المواطن
مشاء الله في الامارات عندكم اشياء غير عندنا بسعوديه احنى عادي متعودين ندفع للمدارس والجامعات مع ان عندنا حكومي لكن الي يبغى الافضل يدفع حتى مستشفياتنا بالموت تلقين موعد لذالك الي بفلوس اكثر من الي ببلاش
الله يرحم ابويه زايد ماخلى شي الا وريحكم فيه