حبيت اقول شي
المواطنة في حال زواجها من وافد ( يعني من اي دولة عربية ) لازم تاخذ تصريح من ديوان الرئاسة في ابوظبي (وهذا كلام اكيد مليون في المئة لان وحدة من قريباتي تزوجت رجل من الجنسية اليمينة)
هذا الكلام كان في حياة المرحوم الشيخ زايد بن سلطان
وحاليا لا اعرف .. وفي حالة انه تم عقد القران بدون موافقة الديوان يسحب عنها الجواز والجنسية

أعتقد المحاكم ما تعقد قران المواطنة على غير مواطن إذا ما كانت ما خذه تصريح من لجنة في بوظبي وهذا لكل الامارات .... أبناء المواطنه في المستشفيات والمدارس يعاملون عادي مثل المواطنين بس أحفاد المواطنه يعتبرون وافدين .... بعدين يعني هم يحملون جنسية دولة ثانية ليش بلادهم ما تتحمل مصاريفهم ....
بالنسبة لزواج الاماراتي من غير اماراتية ما اعتقد في مشكلة بس اعتقد الداخلية والجيش لا ....بس ما اعرف اذا كانت خليجية.

يا أمي فديتج لا تعقين عمرج في المشاكل بإيديج

من عقب عيون زايد الله يرحمه الأمور استوت شديدة .. وةالقوانين كل ما إييها تستوي صارمة أكثر عن قبل

فكري في جدام عشرين سنة بالحياة إن شاء الله .. عيالج عقب بيواجهون صعوبة في إنهم يحصلون مكان يتوضفون فيه .. إذا ألحين المواطنين بالدز يحصلون الوضيفة .. فما بالج عقب عشرين سنة !!

واحتمال بعد ما بيقدرون ياخذون مواطنات فبيضطرون ياخذون من الجنسية اليمنية .. يعني أشياء وايدة بتحصل إذا فكرتي فيها

غير المستشفيات والمدارس .. يعني لازم تدفعون .. بيستوي حالج حال الوافدة ..

يعني تخيلي ألحين شلوا الشؤون الإجتماعية عن المواطنات إللي ماخذين وافدين .ز فما بالج عقب .. يمكن حتى ما بيعطونهم أراضي وتسهيلات ثانية

فكري فديتج ... ولد البلاد أخير لج ولعيالج إن شاء الله

والقرار راجع لج في النهاية

والله يوفقج إللي فيه الخير

هههههه عديل الروح خفي التحرقيص شوي... لا تاكلين قرصج ني... ترا مثل ما تفضلوا البنات... الاماراتي يقدر يرز له أي جنسية..بس بتصريح خصوصا للي في الجيش و الشرطة.. و انا سمعت.. بس انا ماعرف هالناس معرفة شخصية بس ريل اختي يعرفهم... انه واحد كان يحاول يحصل تصريح من الجيش انه يتزوج بنت خالته من دولة خليجية و الجيش رفض (و على فكرة انتي و حظج في الرفض و القبول) يعني لا أكيد الرفض و لا أكيد القبول... فهالشخص الاماراتي راح و ملج على بنت خالته على أساس انهم يوم بيشوفونه ملج خلاص ما بيقولوه طلق.. ويوم ودا أوراقه قالوله (طلق) طبعا رفض و حاول يدخل واسطات ما قدر.. لا و بزيدج من الشعر بيت.. حولوه تحقيق و فنشوه... انا ما اعمم على الكل و مثل ما قلت لج.. يا صابت.. يا خابت... شو نسوي.. البلاد تحاول تحفظ حقوق المواطنين قد ما تقدر.. بس المواطنين الله يهديهم بهدلونا.. تعرفين انه هناك حوالي 20 ألف روسية متزوجة مواطن و تطالب الجواز و الجنسية و البيت و الشؤوون و و و و ... مب هال 20 ألف بنات البلاد أولى بهم.. طبعا كرمكم الله عن هالجنسية و أهل الخليج أهلنا و نسايبنا... بس والله الدولة تعبت من المشاكل المتعلقة بالجواز و الجنسية.. و الحرمة مهمة حالها حال الرجل.. و يمكن أكثر أهمية بدليل الصعوبة بشكل ما تتصورين عند زواج المواطنة بغير المواطن...

الله يرزق كل عبد مسلم رزقه.. و يرزق بناتنا و شبابنا الخير..

هههههه عديل الروح خفي التحرقيص شوي... لا تاكلين قرصج ني... كح كح ترجمي يختي حمامه هههههههههههههههه

واحنى عندنا بسعوديه لازم موافقه وشغله طويله بنت عمي ماخذه واحد مو سعودي وراحت سوت العقد مع شيخ المهم سالفه طويله من قرادة حظها حملت على طول الحين مو عارفين كيف بتولد وكيف بتكتب اسم ولدها على ابوه والموافقه ما تطلع بسهوله غير كذا هي ما تعدت السن القانوي في الزواج يعني عندنا سن محدد اقل من 25 لازم موافقه ضروري وامكن تطلع او لا فوق هالسن يراعون شوي بس برضو متشددين
والله يبغاله ما يقارب 3 سنوات واكثر ومع الواسطات وامكن يوافقون او لا
والله ابوها ضيعها وهي ضيعت عمرها شذنبه الولد الي بيجي