استفسار ضروري وعاجل وخصوصاً للي في جدة .....

يا حياتي ربي يفرجها عليكم ويرزقكم بالذريه الصالحه عاجلا غير اجل ويغنيكم عن العمليات والعلاج

مدري والله بس انا كم مره سويت تحاليل هرمونات وشملها التامين على ما اظن

وقد سويت سونار للرحم والمبايض وبرضو كان تبع التامين

ولو تبغين نصيحتي ياقلبي استخيري الله وروحي سيدا لمستشفى خالد ادريس عند دكتوره هنديه اسمها دريه

كلمه ممتازه قليله بحقها ماشاء الله

طبعا بفضل الله

ربي يسعدك حبيبتي

لا يا اختي ما يشمل اي شي ، لا تحاليل و لا تبويض ، انا مسوية في احسن شركة تأمين و هي شركة اليكو امريكية و معاية الكرت الذهبي و رحت ابغى اراجع لتأخر الحمل ، قالو لا ما يشمل اي شي ، لا يشمل تأخر الحمل ولا يشمل تنظيم يعني تركيب لولب وغيره ، وقلت للدكتورة طيب التحاليل قالت لا ، بس ممكن اسوي لك التحاليل على اساس عندك نزيف او لخبطة هرمونات كمان مو كل التحاليل ،، و ممكن اقولهم انو عندك مشكلة في الرحم و اشوفلك التبويض بس مرة وحدة بس اكثر من كده ما اقدر اسويلك ،، فأخذتها من قصيرها و رحت اتابع عند عيادة قريبة من بيتي و كلفتني التحاليل تقريبا 1500 ريال ، و غير المتابعات ، الله يعين و انا كنت حاطة املي كله في التأمين اللي معاية ،، و رحت لمستشفى سليمان فقيه والطبي الدولي و الجدعاني و بخش و بقشان رحتها كلها قلت يمكن احد يقبل كلهم قالو لي نفس الكلام ، بس امراض الباقية زي النزيف و البكتريات و الالتهابات و الحرقان عادي يقبلو بس التأخر مرة ما يرضو ، حتى الادوية ما يصرفوها ،، الله يعينك ، و يرزقنا عن قريب

بس لو تعرفي اي دكتور او تدخلي على دكتورة و تشرحي لها حالتك انها تسوي لك تحاليل و سونار بس ما تكتب في التقرير لتأخر الحمل و تكتب انو عندك لخبطة هرمونات او شي ثاني و تكملي لين قبل موعد العملية ،، كثير يسو كده عشان المستشفى تستفيد من التأمين و اغلبهم المصريين يسو كده ، لان دكتور الذكورة مرة سواها لزوجي و قلو ما تشمل التأمين بس انا اكتبها في التقرير انو عندك الم في الخصية بس عشان يكشف على الدوالي و الدكتور كان في مستشفى عرفان ،،

و كمان انتي اسألي يمكن شركات التأمين تختلف او فيها مزايا مختلفة عن بعض ، بس انا اكتبلك عن تجربتي ،، و ربك كريم

ياقلبي ربي يرزقك من واسع فضله ويعطيكي كل ماتتمني انا انصحك تروحي لفقيه للدكتور مجدي الشيخ ممتاز ممتاز وربي يرزقك على يده لكن للاسف ماايتعامل بالتامين لكن باذن الله تحملي وتحللي ابو التامين :)
لو تسمعي كلامي وتروحي صدقيني حتدعيلي بعد التوكل على الله عز وجل

ضعي استفسارك هنا

http://forum.hawaaworld.com/showthread.php?t=3158390