بنات ترا انا يوم كنت حامل كنت على طول اقرأ وما كان عندي انترنت وكانوا اهلي بعيدين عني لذلك اختي الحامل عليك بالقراءة والكتب والمجلات المتخصصه فهي خير معين لك في هذه المرحلة الحرجه من حياتك .....


الجزء الثالث ...................,,,,

31. أكثري من تناول الفواكه والخضروات في وجباتك وبينها وخلي وجباتك اتصير 5 بدل 3.
32. شبعي روحج من النوم وعلى طول أخذي قيلولة لان بعدين راح تتحسرين على النوم بس لاتصيرين كسوله .
33. اذا كنتي اتعانين من ترجيع الاكل خلي على طول معاكي في الشنطه أكياس نايلون وخليها بكل درج في كل أنحاء البيت للطوارئ .
34. أخذي لك ثياب مفتوحه من الامام عشان الرضاعه وجهزيها قبل الولاده .
35. اذا كنتي اتعانين من الارق فحلك الوحيد حمام دافئ قبل النوم والقراءة وكوب حليب دافئ كفيل ان يجلب لك النعاس.
36. في موسوعه جدا استفدت منها فيها كل الاجوبه والمعلومات اللي تبينها اسمها موسوعة للأباء والامهات من كتب الفراشة وهي مختصة بأمور الحمل حتى تربية الطفل لسن المراهقة وفي مجلة أسمها الام والطفل جدا ممتعة ومفيدة تصدر شهريا .
37. لا تخافين من الجماع مع زوجك فما يسبب أي خطر للجنين الا اذا كان في ألم شديد أو نزيف فلابد من استشارة الطبيب وفي الاشهر الاخير لابد من اتخاذ وضعيات ما تسبب الضغط على البطن .
38. جهزي ثيابك وأغراضك وأغراض البيبي ونقليها لبيت أهلك أستعداد لفترة الاربعين وخليهم يرتبون لك مكان تنامين فيه بروحك .
39. لازم اتخبرين مسوؤلك بالعمل أو الدراسه عشان يراعون لظروف حملك ويعطونك إجازه للوضع .
40. راح تتقلب حالتك النفسيه ومزاجك فلازم يتفهم زوجك واللي حولك هالشئ ويراعونك وهذا بسبب تغير هرموناتك .
41. لا ترهقين نفسك بأعمال البيت ولا تخجلين من طلب المساعده من خواتك أو اذا أحد قريب منك عنده خدامه تأخذينها ولو مره في الاسبوع تنظفلك .
42. حافظي على مواعيدك لعيادة الحوامل وخلي علاقتك حميمه مع الدكتورة والقابله وكل الموجودين وهاذي فرصه حلوه تتعرفين على سيدات حوامل وتتبادلون خبراتكم وأحاسيسكم .
43. لما تصيدك ألام في رجلك رفعيها على وساده وانتي راقده أو خليها في ماء دافئ فيه ملح واذا عانيتي من ألام الظهر لا تشيلين أشياء ثقيلة و على طول سندي ظهرك وعلى العموم التدليك ينفع واااااايد في كلا الحالتين .
44. تجنبي الامساك بأكل الخبز الاسمر والفواكه والخضروات لان الامساك ممكن يسبب لك مشكلة البواسير .
45. هاذي فرصة حلوه انك تزورين الصالون وتحصلين على مساج يريح أعصابك وجسمك .
46. خذي لك حمالات صدر قويه ومريحه وقطنية وراح يكبر صدرك ويطلع منه مادة اللباء وهاذي الماده اللي يشرب منها الطفل خلال 3 أيام بعد الولاده وعليج انج تدلكين صدرك والحلمات بزيت الزيتون وعلى طول تغسلينه بماء دافئ مبتعده عن المواد الكيماويه .
47. اذا كنتي تبين اتعرفين جنس المولود لا تسوين أشعه فوق صوتيه قبل لا تدخلين شهرك السادس لان ما راح ايعرفون قبل ما يبين عندهم عدل بس من الممكن انك تسوين في 2 و 4 عشان تتطمنين على الجنين .
48. لا تكثرين من أكل السكريات لان ممكن يظهر لك سكر الحمل وهذا خطير عليك وعلى البيبي .
49. على طول شربي ماء وسوائل عشان ما يصيدك جفاف .
50. دائما ثقفي نفسك عن أمور الاطفال وتربيتهم وكيفية العناية بهم ولا تعتمدين على امج في السالفه اعتمدي على روحج .

تابعوا الجزء الأخير راح انزله ان شاء الله بعد ما اشوف البنات المتابعه مع الموضوع ....؟؟

واذا كنتوا تبغون التكمله لو لا ؟؟؟؟؟؟؟؟؟

يه يه وهذا كلام

اكيييييد نبغى التكمله موضوعك جدا ً رائع ومفيد

بسالك بخصوص التدليك خاصة تدليك الظهر بسبب الالم فيه خاصه من الخامس والسادس
ماهي خطره ؟؟؟

ماتغير مكان الجنين او تاثر بالرحم ؟؟

لان مثل منتي عارفه التمريخ يدلكون الظهر والرحم ويتغير مكانه :11:

ولا فيه طريقه معينه ولا كييييييف ؟

وربي يجزيك خير ويوفقك دوووم ياقمر :26:

..

.

غلاالروح :26:
وجزاك الله خير على هالموضوع القيم
الله يرزقنا جميعاً بالذرية الصالحة يارب
:26:

الله يجزاك الف خير

معلومات مهممممممممممممه

جزاك الله الف خير وجعلها الله في موازين حسناتك