استكمالا لمواضيع استعدادات السفر في الصيف :اسئلة حول طيران الخليج !!!

اهلين شام ان شاء الله توصل بالسلامه
بالنسبه لمطار البحرين وسط و فيه سوق جيد اما عن الفنادق ما عندي خبره عن الفنادق عند المطار بس اعرف فنادق البحرين جيده و اذا كان عندهم وقت تقدر تروح لمول مثل السيف هذا الي اعرفه..من زمان عن البحرين
اما عن مصلى في الطائره لا اعتقد ان موجود و معامله المضيفين جيده هذا من تجربتي في ديسمبر لما رحت السعوديه عن طريق البحرين
:26: :26: :26:

للرفع

انا صراحه جربته مرة وما عجبني ابد الطيارة صغيرة والكراسي ضيقه.
اذا فيها تغير الطيران يكون احسن خصوصا ان المسافه طويله .

يا هلا بالغاليه شام توصل صاحبتك بالسلامه ان شالله الله يهون عليها مشقت الطريق

عن نفسي جربت المطار هو مطار جدا صغير، والسوق داخله غير جيد ولا يقارن

بسوق مطار دبي او بسوق مطار هيرثرو، وبالنسبة للفندق لا علم لدي بهذا

مع تمنياتي لها برحلة سعيده وموفقه

مطار البحرين صغير نسبيا

هناك مجال للتسوق بالطبع
ففيه تباع العطور العالميه
الى جانب العربيه (محلات أجمل للعطور العربيه ومحل أصغر علي للعطور العربيه)
مكياج ومستحضرات تجميل
اكسسوارات ونظارات
ألعاب أطفال
الكترونيات
شوكولا ومنتجات التبغ وطبعا كتب ومجلات
والحلوى البحرينيه الشهيره أكيد


هذا موقع السوق الحره بالمطار
http://www.bdutyfree.com/

وهذا موقع المطار نفسه
http://www.bahrainairport.com/bia/index.htm

وفيه تلقين روابط مفيده للفنادق وغيرها

ما عندي فكره اذا المطار نفسه فيه فندق تابع له
لكن اللي أعرفه ان ركاب طيران الخليج يتحولون لفندق الخليج وهو 5 نجوم وفيه الكثير من المطاعم

بالقرب من المطار فيه فندق موفينبيك وهو جديد وجميل


بالنسبه لطيران الخليج
ما فيه مصلى في الطياره
والمضيفين خلوقين
لكن الطيران عنده مشكله كبيره في التقيد بالمواعيد