هلا والله أختي بيلسان.. وليش لا؟؟ بنشارك باللي نعرفه..

اللي أذكره ألحين بالنسبة للفطاير والمخبوزات بشكل عام مانكثر فيها الخميرة عشان ريحتها وضررها بعد..

وبعد الساعة من عجنها اما نستخدمها أو نحطيها بالفريزر عشان تتوقف عملية التخمير.. والا اختربت..

وبعد الصلصة الجاهزة مانكثر منها والصبغات بشكل عام.. عشان المواد الملونة اللي فيها وضررها على الجسم..

الكزبرة والبقدونس اذا بنحطه في أي طبخة نحطيه اخر شي.. عشان مايذبل وايد ويظل طري شوي..

اذا عصرنا ليمون في الشوربة.. عقب مانضيفة على طول نسكر النار عشان يعطي مروره بعدين..

أمممممممممم شو بعد.. اذا ذكرت شي برجع..

مراحب بنات..
اول شي العجينه لازم اول نحط المواد الدهنيه مع الجافه قبل السوائل ...
الصلصه حقت البيتزا نحط لها شوي سكر ..تكسر الحموضه..والذ جربوها ولو تحطون شوي زعتر الااااااااااه...
البرياني ...طبعا تعرفون ان فيه زبادي جربو تحمسون بصل وثوم وبهارات البرياني بعدين اخلطيم بالخلاط مع الزبادي ..
الايدامات اذا تبين المرقه خاثره لاتكثرين الما حطي كاس ونص وقصري النار لان الخضار تطلع مويته كذا وتطلع المرقه فظيعه..مو ماااااا...:27:
وبس اذا تذكرت شي ابكتبه ..
:26: لبيلسان على الموضوع الحلو ....
...............................................:24: تسلمين:24: ....................................................

مرحبا اخوات والله موضوع ممتاز وإن شاء الله نستفيد منه ، بأحاول أكتب اللي أذكره حاليا والباقي بعدين :

بالنسبة لعجينة المرقوق 0 للي يسوي مرقوق0 أحط شوية بايكنج باودر مع الدقيق وتطلع العجينة لينة وتنضج تمام

بالنسبة للطبخات اللي فيها طماطم ومعجون طماطم أحط المعجون أولا علشان ياخذ لون حلو مع الزيت وبعدين الطماطم وأهدي النار لحد ما يذوب بيكون لون المرق أو الحمسة جميل

خلطة بهارات الدجاج إذا بيدخل الفرن أخلط البهارات مع زيت وادهن به الدجاج بعد ما أكون دهنتها بعصير ليمون بيكون طعم وريحة البهارات لذيذة

ورق العنب نسيت شي اسمه فوق النار لأنه في الفرن راحة ما بعدها راحة

إذا تبغي لون الأرز الأبيض يكون ناصع البياض نحط عليه بضع قطرات من الليمون

البيض إذا بنستخدمه في أي عجينة كيك أو غيره الأفضل يكون بحرارة الغرفة يساعد على رفع العجين

إذا سلقتي دجاجة وما احتجتي المرق لا تكبيه في برطمان وبالفريزر لأنه أحيانا في أكلات تحتاج مرق دجاج وما تكوني سلقتيلها دجاجة

الكزبرة الخضراء : إذا عندك كمية كبيرة وحسيتي إنها راح تفسد وإنتي ما خلصتيها - غسليها وخليها تنشف وافرميها وفي علبة بلاستيك وبالفريزر وكذلك النعناع يقطف ورقات ويغسل ويجفف

هذا اللي اذكره الآن وربما لي رجعة

خواتي في طريقة اليوم شفتها في المجلة.. وعيبتني بصراحة..

وهي انكم تغرسون القرنفل بالبصلة… وطبعا تسهل عليكم شيله عند التقديم ويعطيكم نكهة..

وهي بهالصورة مع انها مش واضحة كثير لاكن تنفع.. شرااااااااايكم؟؟!!

للأخت عيون حزينة..



هذول عجبوني.. بجربهم انشالله



بس هذي




مرة قريت انه الأوراق الخضراء اذا بتفرزينها بس خرطيها لاكن بدوووووون تقطيع.. الأوراق بس.. وعند الاستخدام قطعيها عشان ماتفقد اللي فيها.. والله أعلم..