اسرتك اكثر من خمسة ولا عمرك قدمتي شغالة،،،،،جاوبيني على الاسالة وفقك الله

السلام عليكم ورحمة الله وبركاته ً

ايش افضل وقت تشتغلين فيه
في الصباح " بورك لأمتي في بكورها " بشرط تنامي نوم كافي في الليل

هل تغسلين الحمامات يوميا او كم بالضبط؟
نعم غسل الحمامات يومياً .. ونظافة عميقة مرة في الأسبوع

المغاسل هل تغسليها يوميا؟
المغاسل امرها بسيط ماتاخذ منك خمس دقائق بالتنظيف واكيد يومياً
اما الضيوف لا يوم بعد يوم لو كان فية غبار او كل يومين

هل تمسحين الغبار يوميا؟
نعم يومياً

ايش هي الحاجات اللي حسيتي انها ياعدتك بالبقاء بدون خادمة؟
تنظيم الوقت .. الشغل اول بأول وعدم تأجل الشغل او تركة يتراكم عليك بكذا ماراح تحسي بالتعب

جدولك على السريع الاسبوعي ؟
لكل وحدة جدول محدد على حسب ظروفها بالنسبة لي
مافي عندي شيء اسمة غسيل ملابس كل اسبوع !!
الملابس اغسلها اول باول وبكذا ما احس أن عندي غسيل
اخصص كل يوم لشغلة عشان انظفها تنظيف وترتيب صح

السيراميك هل تمسحسه يوميا او كل كم ؟
مرة في الصباح

متى تفضين لنفسك ؟
لو نظمتي وقتك بيكون عندك وقت كافي لنفسك تحددية أنت
بالنسبة لي اخصص وقت بعد العشاء لنفسي بعد ما اعشي اولادي وزوجي

هل مقتنعة من عدم وجود خادمة في البيت ؟
نعم وأنا لو ماكان بيتي كبير فيلا دورين ماكان جبتها ابداً
هل تطبخين يوميا ؟
يومياً نعم
كم وجبة تطبخين ؟
احياناً وجبتين " اللي هو طبخ " اما الوجبات فهي 3 وجبات اكيد

يله حبيباتي واخواتي اجيبوني واحتسبو الاجر ....

انا حالتي حالة .... وابي استفيد منكن ...
واخذ من تجاربكن ....الله في عون العبد مادام العبد في عون اخيه

انسخي الاسالة والصقيها ثم اجيبي

أنا الآن عندي شغالة بس كتبت لك على نظامي لما كنت بدون شغالة
مع أن الوضع ماتغير كثير عندي لآن مستحيل اترك الشغالة تشتغل لوحدها !

ماشاء الله عليك جدولك مرة حلو

وعليكم السلام موضوعك شيق تشكرين عليه
ايش افضل وقت تشتغلين فيه؟احيانا بالصباح واحيانا بعد الغدى واحيانا بعد صلاة العصر بس الاغلب طول يومي كل مامريت بشي ملخبط سويته مانتظر لوقت محدد
هل تغسلين الحمامات يوميا او كم بالضبط؟تغسيل عادي يوميا وتنظيف عميق اسبوعيا والمغاسل حق الضيوف كل ماشوفها تحتاج اوقات يوميا واوقات اسبوعيا
المغاسل هل تغسليها يوميا؟ومغاسل المعيشه يوميا خلي لك سلك نحاس في الحمام مخصص للمغسله كل ماتشوفيها وسخه غسليها حتى وانتي بتتوضين للصلاه غسليها على طريقك
هل تمسحين الغبار يوميا؟لا اذا فيه غبار امسح واذا مافي ماامسح لاني اعمل احتياطاتي ان الغبار مايدخل
ايش هي الحاجات اللي حسيتي انها ساعدتك بالبقاء بدون خادمة؟احس لما يكون عندي شغاله اغراضي كلها تضيع وكل شي اقعد اسالها عنه غير كذى ريحة البيت تسير موحلوه حتى لو بخرت وكذلك اسير كسوله واتكاليه وبرضه اشيل همها يعني لازم اطبخ حتى لو مابغى عشان ماتقعد جيعانه وغير كذى مااقر اخذراحتي مع زوجي وعيالي احسها تراقبني في كل تصرفاتي واسير اتصرف بتصنع لا اقدر اضحك براحتي ولا اتسدح ولا اصارخ ولاشي كاني ضيفه وكمان خلي نظامك انك تنظفين جهة الضيوف وتقفليها وغرفة النوم اول ماتصحي نضفيها وقفليها والمطبخ كل ماتستخدمي شي اغسليه اول باول
جدولك الأسبوعي على السريع ؟اقسم البيت نصفين في التنيف بشكل يومي ويوم الاربعاء والخميس تنظيف شاامل كانه بيجي العيد وكل جمعه اخص مكان للتنظيف العميق
السيراميك هل تمسحسه يوميا او كل كم ؟قسم المعيشه يوميا اغسله مو امسحه لاني ماقتنع بالتمسيح بالمناشف وقسم الضيوف لمايحتاج اغسله
متى تفضين لنفسك ؟على حسب مااحس نفسي رايقه ونفيتي مرتاحه اطالع بالمرايه واروح ادور بالمطيخ واشوف اي شي طبيعي وسهل واستخدمه لجمسي او لوجهي اما شعري ما استخدم له اي شي الحمدلله
هل مقتنعة من عدم وجود خادمة في البيت ؟اكييييد
هل تطبخين يوميا ؟اكيد يوميا وحتى لو مافيني حيل واخذ جاهز مانرتاح لان اكل البيت لايعلى عليه
كم وجبة تطبخين ؟الاساسي الغدى اما الفطور والعشا اوقات اشياء خفيفه اوجاهز ه ولكن عالاغلب اسوي بالبيت
يله حبيباتي واخواتي اجيبوني واحتسبو الاجر ....
انا حالتي حالة .... وابي استفيد منكن ...
واخذ من تجاربكن ....الله في عون العبد مادام العبد في عون اخيه
انسخي الاسالة والصقيها ثم اجيبي ....
جزاك الله الف خير ملاحظه انا في البدايه كنت حايسه لكن مع الايام تتعودي وتحبي شغلك وتحسي بالمتعه اهم شي لاتحسسي نفسك انك مجبوره اولازم تخلصي كل شي اليو م بالعكس في البدايه سوي اللي تحسيه الاسهل ومع الايام تتعودي
ملاحظه ثانيه اتبعها في غسل الملابس كل مادخل الحمام وانتي بكرامه امر عالغساله مره اعبيها ومره احط الملابس وياكثر ماادخل الحمام في اليوم الواحد لان عندي اطفال يكذى مااتعب ولا اخلي الملابس تتراكم

بالنسبه لي ما عندي شغاله واحسن وقت اشتغل فيه اذا نامو العيال ارتب وانظف البيت من الى واذا قمت الى اني مرتاحه نفسيا لان كلش نظيف ومرتب

ايش افضل وقت تشتغلين فيه

افضل وقت ...إذا نامو الأطفال وإذا راحو المدرسة ,,,

هل تغسلين الحمامات يوميا او كم بالضبط؟

لا ما أغسلها يوميا أحيانا يوم ورا يوم واحيانا تقعد يومين وانا متضايقة لكن

الشكوى لله ..

المغاسل هل تغسليها يوميا؟

انا حاطه بالمغسلة تحت سلك السوافة واسفنجة وإذا طرت لي أرص صابون

الأيدي على المغسلة وافرك بالإسفنجة وعلى طول ارجعها ...

هل تمسحين الغبار يوميا؟

لا والله بالأسبوع مرة وحدة ... وجود الغبار اتحمله لكن ما اتحمل الشغالة في بيتي ..

ايش هي الحاجات اللي حسيتي انها ساعدتك بالبقاء بدون خادمة؟

طبعا التسبيح اول شئ

ثانيا الدعاء بأن يعينني ويشرح صدري للشغل في بيتي

ثالثا ولله الحمد الأجهزة الحديثة غسالة توماتك للملابس والأواني

ونشاف حراري وكواية كبس ,,

رابعا : اجيب عامل يوم بالأسبوع يغسل السور والملحق وحمام الملحق ..

جدولك الأسبوعي على السريع ؟

الدور العلوي ترتيب شامل يوم الأربعاء لأن زوجي يطلع طويل ..


السيراميك هل تمسحسه يوميا او كل كم ؟

السيراميك مرة بالأسبوع

متى تفضين لنفسك ؟

مافيه وقت معين .. احيانا على قهوة المغرب واحيانا بالليل واحيانا

ما افضي إلا إذا طلعنا طلعة عائلية للحديقة ...

هل مقتنعة من عدم وجود خادمة في البيت ؟

مية بالمية ..... وأرحم اللي عندهم شغالات ,,,يحسبون إنهم سعداء وهم بسعادة مزيفة ..

طعم البيت مايحلا إلا بوجود اهله فقط بدون وجود أحد غريب..

هل تطبخين يوميا ؟

نعم إلا إذا صارو أولادي معزومين

كم وجبة تطبخين ؟

وجبة وحدة وهي الغداء أما الفطور والعشاء حاجات سريعة..




الله في عون العبد مادام العبد في عون اخيه

انسخي الاسالة والصقيها ثم اجيبي ....

انا بالانتظار ....