السلام عليكم ورحمة الله
كيفكم بنوتات اليوم جايبتلكم وصفة من اختراعي
وان شاء الله تعجبكم بما اني اموت على
الكسكسي المغربي واكيد زيي كثير وهوه بصراحه
شغلانه يبيله تفرغ وشغل كثير
فبديت افكر بطريقة سهله والنتيجة طلعت
رووووووووعه
واليوم راح اشارككم فيهابس بلاول نشوف اول صوره لتشويق
شرايكم
مو عذاب ........المقادير :
( طبعا لاربعه اشخاص الي عيلتها كبير تضاعف المقادير )
نص كيلو لحمه بعظم مقطعه
2 بصل وسط شرائح
2فص ثوم مفروم
1 م ص زنجبيل طازج مفروم
1 طماطم وسط مربعات صغيره
2م ك كزبره
1 م ك بقدونس
(1 جزره - 1 كوسه - 1 باذنجان مقطعه كبيره شوي
الصور راح توضح )
1 م ص كمون
نص م ص كزبره ناشفه
ربع م ص فلفل اسود
1 م ص كركم
ربع م ص قرفه
ربع م ص زعفران شعرات
ملح حسب الذوق
3 م ك زيت زيتون
1 م ك سمنه
1 ونص ك كسكس سريع التحضير
الطريقة :
بلاول راح نقلي البصل بزيت والسمنه بقلايه عاديه الين يصير
لونه ذهبي ونشيله ونحطه بصينيه او طاجن عميق
نحط اللحمه بنفس القلاية ونحمرها تحمير بسيط
لو سمحتوا لااحد يرد
نضيفلها البهارات كلها والكزبرة والبقدونس والثوم
والزنجبيل
نقلبهم دقيقة كفايه ونضيف تقريبا 3 ك ماء لانه نبي
المرق كثير ونسكبهم بصينيه او نشيل كل الخلطه
ونحطها بصينيه وبعدين نضيف الماء والطماطم
ونقلبهم بهلمرحله لاتحطي الملح
نحطه بلفرن ونغطيه ساعه يكون الفرن مسخن
من قبل .....
بعد مرور الساعه نبدء نضيف الخضار وتقدرون
تضيفون الي يعجبكم انا حطيت الموجود عندي
تحاولون ترتبون و تضغطون الخضار داخل المرق
اظن الصوره واضحه ماتنسون الملح بهلمرحله نضيفه
وهنا بعد ماخرجته من الفرن علشان تشوفون
نوع الطاجن الي استخدمته
وبنهايه جاهزين تشوفون النتيجة
الصوره من داخل الطاجن بعد مارشيت عليها كزبره
شايفين الخضار كيف محتفضه بترتيبها
ومشهيه ماشاءالله ........
طبعا انا قدمتها مع الكسكسي وهذا الصحن
للجميع ...........
بانتظار ارائكم وماتحرموني من دعواتكم
.
.