مشكورة اختي مريم ويزاج الله الف خير:26:

شوفي قبل سنتين رحت مع عيالي للندن وكنت محتاره وين اوديهم سويت بحث على النت لندن+ اجازه او لندن + اطفال على الياهو وطلع لي اشياء كثيره وجلست هناك عشرة ايام كل يوم اوديهم لشي بناء على هالمعلومات الدقيقه وبقولك امثله لندن اكويريم اسماك بانواعها كبيره وحلوه -لندن zoo - ليقو لاند مدينة ملاهي خارج لندن خاصه بالاطفال -منطقه حوالين لندن فيه حديقة فراشات وطيور يعرفونها التكاسي نسيت اسمها - السينما imax ثلاثية الابعاد تجربه مره حلوه للصغار والكباروطبعا محل الالعاب هامليز يكفي فيه التفرج على العاب الاطفال وممكن تشترين العاب بسيطه منهموتاخذين سندويشات من سلفرج هول بقاله توسع الصدر على اكسفورد ستريت وتروحين تفرشين بساط في الهايد بارك تاكلين عيالك وتلعبينهم ولا اروع من كذا بس شوري عليك خوذي مكان بعيد عن خلق الله علشان تستريحين من عيون العرب اللي مايستانسون الابالقز ...بالنسبه للاسواق ماعرف غير اكسفورد ستريت وبردج نايتس فيه الغالي والمعقول ....اما اقتراح اختي الورده الجوريه باخذ كتيبات باللغه الانجليزيه فنعم النصيحه حتى يبارك لك ربي برحلتك وبقولكم على موقف حصل لي قبل كم يوم كنت راكبه الطياره مع عائلتي ومن شين الصدف كان مقعدي جنب رجال يبدو من لكنته انه انجليزي وماقدرت اغير المقعد وكان طول الرحله يقرا كتاب ...المهم حطيت بيني وبينه وساده وانشغلت ببنتي وكان يناظرني على جنب واعتقد عشان عباتي ونقابي وكان معي كتب بالانجيزي وودي اعطيه اياه لكن هايبه ..المهم بدون قصد انكب كاس مويه علي وعليه طبعا انا اللي كبيته فقلت له انا اسفه قال لا معليش وبادب.... اختكم بالله ماصدقت قمت وطلعت الكتب وقلت هذي هديه علشان تعرف على ديني قام شكرني بعنف وفرحت فرحه سبحان الله اسال الله العظيم ان يهديه بسبب هذه الكتب ... الظاهر اني طولتها وهي قصيره