السلام عليكم ورحمة الله وبركاته
بنات ابي اعطيكم المختصر المفيد
ياطويلات العمر وقصيرات الذيل
انا الصيفيه الي راحت كنت اسوي رجيم و ريحة فمي كانت باختصار :06:ريحة المعده خاليه والفم تصير مو حلوه
وانا مشكلتي اذا سويت رجيم لازم اسوي رجيم قاسي علشان اخس زين:D
المهم زوجي كان دايم يقولي ريحة فمك لاتطاق:o
كنت اتضايق واقول بكيفه المهم النحف ورحت الصيدليه واخذت اشياء مفيده للريحه ومشى الحال
نزل وزني 20 كيلو وصرت شي خيالي
راح تقولون ليش تقص قصتها وشدخلنا
اصبروا وراح تعرفون ليش
المهم حظرت عرس اخته وانا متغيره على الناس وشكلي تغير بعد شهرين ماشافوني ونازله 20 كيلو وكاني وحده ثانيه
من عقب مارجعت من العرس وانا مالقيت العافيه كل يوم بمرض يوم غده درقيه يوم حساسيه يوم طلعت لي برقبتي من الخلف انتفاخ وقالو المستشفى غدد لمفاويه وصارت تتنقل يوم بحلقي ووووو ا
المهم اسفه طولت عليكم بس والله الموضوع مهم
يوم من الايام حلمت حلم واستغربته واتصلت على شيخ وفسر لي الحلم وقالي انتي محتاجه قراءه وطب نبوي وبسرعه
انتي فيكي حسد وعين واذا ماقريتي على نفسك بيصير فيكي شي بعد اذن الله
على طول زوجي وداني للشيخ وتعالجت معه والحمد لله ومن ضمن العلاج وهنا مربط الفرس
ماء ورد طايفي اصلي مقري عليه طبعا
وقالي الشيخ لازم تحطين موية الورد مع كل شي تشربينه وتاكلينه
وانا الحين رجعت اسوي رجيم من جديد لان جسمي رجع من وزنه تقريبا 7 كيلو وهذا من الغده الدرقيه
وسويت لي خلطه مره حلوه والي احلى منها ان زوجي قبل يومين يقولي ريحة فمك وجسمك حلوه :p
وطبعا انا فرحت وانا حاسه اصلا بهذا الشي لان كل ماشربتي من موية الورد كثير كل ماصار جسمك تطلع منه ريحه حلوه
والخلطه وهي
خلطة روح الورد
ماء ورد طائفي اصلي لان طعمه مركز واقوى طبعا
زعفران ايراني اصلي لان طعمه وريحته مره مركزه وغير
زنجبيل اخضر طازج
وهذا السر في الرجيم والنحف
تغلين مويه وبعدها تحطين الزنجبيل يغلى معها
وتطفين النار وبعدها تحطين زعفران وموية ورد على حسب مزاجك والكمية الي تحبين
انا اكثر موية ورد واقلل الزعفران
والله يابنات انا اسفه على المشوار الطويل هذا لاكن انا ودي تستفيدون من قصتي لاني ماحصنت نفسي بعد النحف وتعبت
والخلطه ***** الله راح تعجبكم
امانه الي تعجبها تدعي لي اني انحف بصحه وعافيه
والي ماتعجبها تدعي لي بالهدايه وبس
احبكم في الله
روح- الورد @roh_alord_14
عضوة فعالة
يلزم عليك تسجيل الدخول أولًا لكتابة تعليق.
wasf
•
هههههههة *****الله انك تنحفين وهدى لك :26:
الصفحة الأخيرة