اشتريت غسالة Whirlpool فل أتوماتيك مع مجفف 100%

مواصفاتها الكامله :
SPECIFICATION

1000rpm
5kg wash capacity
2.5kg drying capacity
Variable temperature control
12 programmes
Rapid quickwash
Auto half load
Rinse hold
Intensive rinse
Prewash
4 special options; half load, rinse hold, intensive rinse, spin speed reduction
0-120 minute drying timer
Vent free condenser drying
Hot and cold fill
Wash performance A
Energy efficiency D
Spin drying C
Water consumption 160 litres/cycle
Energy consumption 1.15Kwh/cycle
Noise level washing/spinning dBA 61/75
Extra wide door opening
Easy access front filter
Imbalance correction system
Dimensions: H850mm x W600mm x D595mm

مبروك عليك الغساله حبيبتي والله يعطيك خيرها ويكفيك شرها ترى لو كانت امريكيه اكيد ممتازه لا تخافين
انا عندي ميتاج امريكيه وما شاء الله عليها حلوه بس المشكله تجفيفها بس 70 با الميه
ان شاء تطلع غسالتك زينه
اختك ام زياد

الله يعطيكي خيرها ويكفيكي شرها

انشاء الله تستفيدين منها وتكون زي ما بغيتي واكثر بعد

ريحانه الجنه
الله يبارك فيج يارب ... أنا على الله وعلى هالمجفف اللي فيها ولو ما جففت الثياب 100% بضطر أخذ مجفف منفصل شو أسوي ما أقدر أنشر برع لأني حامل وبيتي دورين وطلعة ونزلة الدري تذبحني وعيالي ما شالله عليهم لاصقين فيني وين ما أسير :(
بس المصيبة ان الحمامات عندي ضيقة ما تسمح أحط فيها غسالة ومجفف منفصل :( لذلك اخترت اللي فيها تجفيف ذاتي
وريلي طبعاً مب واثق في اختياري ولا عمره وثق فاضطريت أشتريها على حسابي والله بس عشان أثبت له اني أعرف أختار وأن الفلوس أصرفها في شي يستاهل ....
أختي عندج مجفف منفصل؟؟ وكم كيلو كل من الغسالة والمجفف إن وجد؟؟؟
وهل فعلاً المجفف يجفف الكفرات ؟؟؟
مشكلة كفراتي ثقيلة وكبيرة كينج سايز ما تدخل إلا في غسالة 15 كيلو أو أكثر بعد
بس أنا أغسلها في البانيوم (الحوض) ومب متأزمة منها مرة كل أسبوعين

يارب ما أتفشل وتطلع الغسالة مثل ما قالوا لي عنها يارب :(


مالي مثيل
الله يسمع منج يا حبيبتي ومن بؤك لباب السما :) وألف شكر لج عالمشاركة والدعوة الحلوة ...

أنا عندي نفس النوع من زواجي (لها 4 سنين)
ما شاء الله
مريحة و المواصفات مضبوطة
و تجفف عدل
بس لا تجففي على الآخر عشان الملابس ما تتكرمش
و لا تحمليها فوق طاقتها
و على فكرة نصحت صديقتي فيها من سنتين و هي مرتاحة منها (زوجها ما إقتنع فيها بس لما جربوها شاف كيف هي مريحة)
أنا أستعمل حاليا مسحوق غسيل أومو لكوي أسهل و منعم كمفورت الوردي و كل شيء تمام و لله الحمد
و لو حبيتي تبيضين البياضات إستعملي مسحوق فانش(علبته وردي) مناسب للغسالة و ما يتلفها مثل كلوركس