سؤال محيرني كثير وان شاء الله القى اجبته عندك

الغسالة والمجفف يقولون تبي مكان واسع لأنه تطلع بخار حار للتجفيف !!!

يعني على هالحاله ما اقدر احطه في المطبخ او الحمام الصغير

وش رايك انت

وبعد وشلون تنظيفها للثياب البيض ثياب الرجال تمام ولا نص نص

وشي اخير ( نشبة )

وشلون ادري ان الملابس خمسة كيلو ولا كم كيلو يعني بقعد اوزن الثياب لاجيت ادخلهم

والله حاله قضينا من قياس الطحين جينا لقياس الثياب :)

والله يعطيك الف عافية ويتمم عليك بخير

أنا غسالتي نوعها غسالة مجففة 2*1 يعني تغسل وتعصر وتجفف (ممكن توقفين عند العصر وتكتفين إذا ما بغيتي التجفيف)
لكن ما تبغي مكان واسع ولاشي !! تبغي أرضية مستوية وبس

بالنسبة للثياب البيضاء لام تفصلين القطنية عن الحريرية أو المخلوطة
كل نوع قماش له برنامج خاص فيه وتعليمات خاصة
مثلاً الملابس القطنية البيضاء تختاريلها برنامج رقم 1 و تحطين في درج الغسالة الأول المبيض أو صابون
والدرج الثاني تحطين فيه صابون بعد
والدرج الثالث تحطين فيه المنعم

وتضبطين الحرارة على 90 أو 80

والتجفيف لو بغيتيه ممكن تختارينه 140 للحفظ في الكبت على طول وممكن تختارين 120 للكوي

وفيه جدول من 12 برنامج حسب لون ونوع القماش والإقتراحات مبين بالضبط مثل ما وضحتلج فوق


أما الوزن :) فهذا بسيط لا تحشين الغسالة لعينها أملي 3\4 واكتفي بالنص لأفضل نتائج التجفيف

الله يهنيك ويخليك لعيالك ولابوعيالك ويخليهم لك ويسخرلك والف شكر ياروحي ....
بس باقي سؤال صغير ..

الملابس الصوف والقطنية ماتتمطط مع الحرارة قصدي تتوسع يعني لان مرات يقولون من شد كرفها بالثياب احيانا تقطعهم او تقطع الازرار !!!!!

ونظام التجفيف اقدر استخدمه لحاله يعني لو غسلت بإيدي مثلا او غسالتي الثانية اقدر اجفف فيها بس بدون غسيل ؟؟

وشرايك من خلال تجربتك ...

معليش ياروحي ثقلت عليك بس انا لي فترة اسأل عنها وكل واحد يعطيني معلومات مختلفة لان الماركة يمكن تكون مختلفة لكذا حبيت اسألك عشان اشري نفس الماركة ونفس الموديل بإذن الله .....

والف شكر ياعيوني وآآآسفة على الاطالة.....

قلتلج يا حبيبتي كل نوع قماش له برنامج خاص فيه
أما القطنيات فشي طبيعي تنمط مع الاستخدام المتكرر حتى لو الغسالة عادية ولا غسلتي بإيدج

والصوف لو غسلتيه بالغسالة العادية يخترب لازم برنامج غسيل خاص يعني يتغسل برقة
وتخففين الدوران
ودرجة حرارة الماي وحتى التجفيف له مدة خاصة


وأهم شي في الغسالة الأوتوماتيكية انج تسكرين السحابات وتزرين الأزرار


والمجفف أكيد تقدرين تستخدمينه بروحه يعني تغسلين بإيدج وتضبطين الغسالة على دورة التجفيف النهائية

وكل هذا موضح بالتفصيل الممل في الكتيب

إذا تبين الراحة خذي الغسالة وانتي مغمضة
وصدقيني بتدعينلي :)

الله يوفقك يا عيوني
الله يجزاك الجنة وييسر امورك دنيا واخرة
الله يصلح لك ذريتك ويجعلهم قرة عين لك

الله يحسن اليك ويعطيك من واسع فضله

والف الف شكر لك