بنات و حوائيات (جنه ماشي فرق اصلا؟)
المهم اليوم الموضوع بغيته افيد فيه واستفيد بعد نقول كيف؟
طبعا اذا كنتوا من المهووسات بالعنايه بالبشره مثلي بتكونون جربتوا اغلب الكريمات اللي في السوق فيه شي فادكم وشي ما فادكم وشي شفتوا منه نتيجه وشي حسيتوا نتيجته عاديه
خلنا نسوي هالموضوع عشان يكون مرجع للجميع يشوفون فيه شو الاشياء اللي تفيدهم وشو الاشياء اللي لا يخسرون فلوسهم عليها اوكيك
يالله ببدا بكم منتج بقولكم اشتروا هذا لانه يفيد ولا تشترون هذاك لانه ما شفت منه نتيجه
وعشان الحبوبات اللي يحبن يتفلسفن اقولهن انا وياكن كل وحده بشرتها تختلف انا برمس عن نفسي شو فادني وشو ماحسيت منه فايده
اول شي ببدا بكريمات اليد
من بودي شوب استخدمت كل كريماتهم فهذا اللي حسيته
اشتري زبدة اليد والقدم بالعسل الافريقي و شمع العسل ،،، جدا مرطب ومافيه ريحة عطر وهذا شي اساسي بالنسبه حقي لانه اللي فيه ريحة عطر ممكن يتفاعل مع الشمس ويسمر اليد
لا تشترين هالمنتجين لانه اللي بفيتامين اي ما حسيت ترطيبه ذاك الزود واللي بزيت اللوز عطر على الفاضي ما حسيت انه سوى شي حق ايدي
الحين كريمات الجسم ببدالكم من كلارنس هالماركه احبها للجسم كريماتهم التنحيف وغيره وايد زينه للجسم ما حالفني الحظ في منتجاتهم للويه ابدا ما ناسبتني بس للجسم ما استغني عن كريماتهم
هالمنتج اشتريه وهو عباره عن كريم ترطيب عالي صراحه ترطيبه خيااااال وايد يعجبني
Moisture-Rich Body Lotion
هالمنتج هو كريم تفتيح اشتريته عقب الولاده عشان تفتيح الخطوط الحمرا ولا فاد مافادني غير زبدة الشيا
brightening body veil
الحين اني حق كريمات فازلين
الفازلين العادي ما استغني عنه لاني احطه على جسمي وهو رطب هو احسن مرطب للبشره وبعدين الكريم الثاني خفيف ومافيه ريحه قويه بكتفي بصورة الكريم لانه الفازلين الجامد انتوا عارفينه
هالكريم ما انصح فيه انا ادمنته فتره بس بعدين حسيته يدبق في الجسم واييبلي حساسيه يمكن لانه فيه ريحه قويه
الحين حق علاج مشاكل الجسم
انصحكم وبقوه تستخدمون زبدة الشيا (الخام) يا بنات الخام لا تقولولي بودي شوب وغيره هذيلاك كريمات فيهن نسبه بسيطه من زبدة الشياء ما يسون شي زبدة الشيا الخام تستخدمينها للشعر للجسم للويه للاكزيما والصدفيه وغيرها من مشاكل الجسم ،،، زبدة الشيا الخام رخيصه جدا انا اخذها من مواقع اجنبيه
ممكن تذوبينها مع زبدة الكاكاو الخام او ممكن تستخدمينها بروحها انا جربت الاثنين وفضلتها بروحها
الحين اللي ما انصحج تخسرين فلوسج عليه هو البايو اويل خلصت 3 غراش ما حسيت خطوط الولاده صار فيهم اختلاف ويوم حولت على زبدة الشيا حسيت الاختلاف كله بس طبعا ياخذله وقت
الحين اني حق المنتج اللي ما انصح فيه وهو حبيب الخليجيات لابيلو يعني هذا تحطينه صار مثل الغلوس 5 دقايق وراح لا ترطيب ولا شي صراحه استغرب من اللي يستخدمه بس عقب اقول يمكن ما جربوا المنتجات اللي ا حسن منه على العموم ما احسه مرطب معالج للشفايف
الحين اني حق دور السكراب
انا وايد عيبني هالسكراب لانه اساسه السكر مش الملح وهو احسن للجسم واخف من الملح اللي ممكن يجرح ويجفف الجسم وايد هالسكراب اخذه من بوتس
اللي ما حبيته ولا بشتريه مره ثانيه هو ملح الحليب احسه يجفف الجسم وايد وما شفت منه فايده
لي عوده باذن الله مع منتجات ثانيه