السلام عليكم
يشهد الله اني اشتقتلكم واشتقت لصحبتكم
بس النت يعاندني
ادخل عالمجلس اشوف المواضيع بس ما اقدر ادخلعلى أي موضوع
وممكن الحين انزل موضوعي ويفصل
اللي يفتقدني اقوله السموحه واعذروني يالحبايب
بسولف معكم هالسالفه
اول يوم رمضان قرروا العيال انهم يصومون البنوته 9 والولد 8
وصاموا , جاء ابوهم من الدوام ولما صحى عالخمسه وثلث شاف العيال
قال صايمين قالوا ايوه قال والله عرفت من وجيهم صايره صفراء لاعاد
يصومون قلت برغبتهم صامواما غصبتهم قال حرام شوفي كيف صفر
وذبلانين انا صرت كذا:32: كيف تقول لهم هالكلام قدامهم بدل ماتشجعهم :42:
المهم
وقت الفطور جهزت الطاوله وحطيت الفطور وحطيت الفانوس على طرف الطاوله
لقيته بمحل وشريته خخخ
كل واحد جلس بمكانه .. قال ابوهم والله الجو عالفطور معكم حلو اذا تبون تصومون كل يوم صوموا >> شكله بيصلح الغلط ههههه
اول يوم في الليل اقول للبنوته طيب صوموا يوم وافطروا يوم اذا تتعبون
قالت لأ ابي اخذ اجر اكثر
الله يحفظهم صاموا اول اربع متواصله وتعبوا واليوم الخامس
فطروا قرروا انهم يصومون صيام داوود برمضان
انا حبيت اخليهم على راحتهم حبيت انهم هم يحبون الطاعه مابغيت اغصبهم
عليها يستثقلونها
حبيت انهم يشتاقون للصيام ويتعودون شوي شوي
لين ماتصيرواجبه عليهم
وطبعا سبحان الله الصيام يتوجب بالبلوغ مو مثل الصلاة
اؤمروهم لسبع واضربوهم لعشر
هذي سالفتي عاد مشتاقه لكم قلت بسولف هالسولافه معكم
واللي جاب هالسالفه قصه صغيره قريتها يعني ! الهمه عند الصغار
الله يرحم حالنا وحال عيالنا
مر احد العلماء في احد الشوارع بالكوفه فرأى اطفالا يلعبون
وبالقرب منهم .. جلس طفل لوحده
فحسبه يتيما او فقيرا .. فمد اليه درهما ,
فقال الطفل : اني لست بحاجه اليها
فرد العالم : اذا لما لا تلعب مع الاولاد ؟
فأجاب :
فقال العالم : ولكنك مازلت صغيرا
فأجاب الطفل : اعلم ولكني رأيت امي وهي توقدالنار
وقد بدات بصغار الحطب فاخشى ان اكون من صغار جهنم
ما اعظم صغارهم
وما اصغر الكثير من كبارنا
**
والله يتقبل طاعتكم يارب
واقول لكم
عندما تسألون الله الجنه ضموا اسمي لأسمكم
فأني أود مرافقتكم فيها
لا اله الا الله
نفس مطمئنه @nfs_mtmynh
كبيرة محررات
يلزم عليك تسجيل الدخول أولًا لكتابة تعليق.
سان جدة
•
الله يجزاك خير ويحفظ لك الحلوين اللي صاموا ويرزقك برهم يارب مشكورة حبيبتي
جزاك الله خير والله يحفظ ذريتك ويصلحهم انا عيالي اول صاموا ماعندهم مشكله الا ابو تسع سنين لما صارت الساعه خمس قام يهاوش انا ابموووت خلاص ماني صايم ويحلف انه مايصوم ثاني يوم وفعلا ماصام يقول لي انتي بتموتيني هههههه
هلا وغلا ياقمرنا عندي وعندك خير بالنت الي معذبني ومجنني الله يصلحه بس
ماشاء الله عليكي روووعه انك تعودينهم على الصيام انا خليتهم بشعبان صاموا كم يوم عشان يتعودون على رمضان
والحين الحمدلله كلهم عيالي يصومون بس العطش الي يشتكون منه والله يتقبل منا ومنكم يارب
ماشاء الله عليكي روووعه انك تعودينهم على الصيام انا خليتهم بشعبان صاموا كم يوم عشان يتعودون على رمضان
والحين الحمدلله كلهم عيالي يصومون بس العطش الي يشتكون منه والله يتقبل منا ومنكم يارب
الصفحة الأخيرة