اشتكيته في الشرطه .. بس ضميري يانبني

السلام عليكم ورحمة الله
كيفكم اخواتي ..
هذا موضوعي السابق عشان الي ماقراه يعرف قصتي ..
http://forum.hawaaworld.com/showthread.php?t=938315&page=4
طبعا انا انفصلت مع خطيبي .. بس المشكله الجديده .. ان الاخ صار يتكلم علي في مكان
طبعا قال مغروره .. ومعقده .. وشكاكه .. وكلها مشيتها ماهمتني ..
بس المصيبة العظمى انه قال لكل الناس الي معنا بنفس المدينه انه .. دخل علي .. واني انا مو بنت :(
استغفر الله العظيم .. الله الشاهد علي هو حتى شعري ماشافه الا في الشوفة الشرعيه ..
المهم انا عرفت هذا الكلام من زوج صاحبتي .. زوجها قالها لانه يعرف اخلاقي زين ويعرف الولد مره مقهور مني
طبعا هو ماقال الكلام قدام زوج صاحبتي .. قالة قدام ضعاف النفوس الي مثله .. المهم انا عرفت وارسلت له ايميل
كل أيات القذف الي في القران .. المهم شافني في الجامعه وجاء سئلني اش الايميل هذا .. اش تقصدي منه
قلت له قصدي واضح ولو سمحت انا ابي امشي .. قام قال لي انا انا اتكلم عليك وسو وجه حزين بريء :35:
طبعا انا وصلت معي مليووووووووووون وصارخت في وجهه قلت له انت اييييييييييييييييش. اذا حق العشره نسيته على الاقل تذكر حق الدين .. ومشيت
المهم انا مره نفسيتي تازمت بشكل خيالي وكلمت امام المسجد وقلت له يقول خطبه عن القذف والكلام في شرف الناس طبعا ماحكيته اش صار .. وهو ماقصر قال خطبه تهز جبال .. تخيلو اش صار بعدها ب 3 ايام ..
انا كنت امشي في الجامعه ومريت على طاوله عليها الشباب السعوديين كلهم ومن بينهم هالانسان .. لما مريت انا قام هو قال .. آآآآآآآآآآآح بس ...
قام واحد من الشباب وقال له لاتتكلم على البنت .. قام هو مسوي فيها فحل .. يقول يعني ماودك تجرب .. الولد الثاني مره عصب ومسكه من حلقة وقال له اقسم بالله العظيم لو اسمعك تتكلم فيها ماتلوم الا نفسك طبعا هو خاف وصار يرتعد وقال له اش بك بس مزح شباب .. قاله الاولاد مو على بنات المسلمين ... المهم انا برضو عرفت من صاحبتي عن طريق زوجها ..
المهم وقتها كنت تعبانه واول يوم في الدوره وخلاص قافله فيني الدنيا .. في مكتب في الجامعه ممكن اروح له اشتكي اي حد يضايقني او يحسسني بعدم الارتياح مادري كيف جاء على بالي اروح .. المهم رحت وصرت اتكلم مع الحرمه الي هناك .. الحرمه مره تعاطفت معاي بالذات لما قلت لها ان عادتنا وعن ديننا ان لما البنت تسوي كذا هذا شي كبير .. وان ان هو لما يقول عني هالكلام هذا يعني انا مثل العاهرات او زي كذا .. المهم انا كنت مره متضايقة ومره صرت ابكي .. الحرمه مره عصبت وقالت لازم نكلم الشرطه قلت لها لا انا مابي اسبب له مشكله بس هي جابت السكيورتي حق الجامعه واقنعتني اننا نجيب الشرطه وهم مابيسووا له شي بس بيعطو له انذار ...المهم جو الشرطه وسئلوني وزوج صاحبتي عرف وجاني وصار يتكلم مع الشرطي بعد والولد الي تضارب مع خطيبي السابق جاء .. المهم هو اعطوه انذار عشان مايتعرض لي ولا يكلمني نهائي ولا يتكلم عني .. المهم وهو طالب من المكتب قام قال لي شكرا ماقصرتي يافلانه .. الشرطي سئلني اش قالك .. قمت انا سكت .. والشرطي مصر يعرف قام الولد الثاني قاله قالها شكر ا .. قام الشرطي قاله شكله الانذار مو كفايه وهزئه مره .. بصراحه وقتها انبسطت عليه وقلت خليه يعرف ان الله حق .. دامه ماحترم حق الدين ولا حق العشره هذا جزاه .. بس الحين مقهوره اقول مهما كان حنا مسلمين .. بس هو تكلم في شرفي وكلام كبير .. عن جد ضميري يأنبني بس مادري ..
المهم عطوني رايكم .. وياريت تدعو لصاحبتي وزوجها لانهم كانو لي اكثر من اخوان في هالغربه الله يوفقهم ويرزقهم من كل جهه ... ياااااااارب