اشعة الصبغه بجدة

توكلي علی الله وسويها في مستشفی خالد ادريس واطلبي دكتوره ابدا لاترضي رجال حتی لو جات وكلمتك الدكتوره وقالت الاستشاري احسن قولي ابغی دكتوره وتكلفة الصبغه عندهم 500 ريال ويمكن يسوها لك 450 موفقه اختي الله يرزقني واياك وكل المتاخرات عن الحمل

الله يرزقك يااختي وباذن الله اسويها

انا سويتها في الجدعاني اللي بالصفا ، رحت لدكتور نساء اسمه ابراهيم ابو سكين و قلت له ابغى اسوي اشعة صبغة و هو لازم يكتب لك ورقة بالاسم الاشعة و بعدها استنيت دورتي خلصت و رحت للاستقبال و دفعت الفلوس 500 ريال حولوني لدكتورة اسمها حنان سعودية دخلت عندها كشفت من تحت دخلت شي و لما طلعته قالت لسه في دم الافضل تجي كمان يومين و يكوم ما في جماع مع انه كنت ناشفة من برة ما في دم قالت عشان لا يصير انسداد وقت الاشعة ، المهم رجعت البيت و رجععت بعد يومين و كشفت شافت ما في دم ، كتبت لي ابرة مسكنة قالت خذيها و روحي لاشعة ، انا اول شي رحت للاشعة اعطيتهم الورقة حقت الاشعة و بعدين رحت سويت الابرة و رجعت لهم و دخلوني الغرفة فسخت اللعباية و الملابس و اعطوني ملابس من عندهم ،، و سدحوني على سرير و جاتك الدكتورة و سوت حركات من تحت انا ما طليت بس جلست استغفر و حاولت اساعدها و افتح رجولي و ما اتحرك و شوية تقول خلاص ،، يعني و لا عشر دقايق ، قلت خلاص قالت ايوه ، الانابيب الحمدلله مفتوحة و تعالي خذي نتيجتها بكرة ،،، و ما حسيت بالم لانه مأخذة ابره مسكنة و الدكتورة يدها خفيفة ،،،

و نسيت اقولك روحي وقت الظهر بعد وحدة او الصباح لانه ما يكون في زحمة ، المساء مرة زحمة و تروح مفعول الابرة و انتي لسه ما دخلتي الاشعة

golden eye
كلامك شجعني اعملها انا مطلوبة مني بس محتارة اي مستشفي اروح
يعطيك العافية