اشعر بالاهانه مع زوجي وطلبت الطلاق ( نفذ صبري) ابي رايكم

السلام عليكم ورحمة الله
بنات انا ببداية ااثلاثين منزوجه من 5 سنوات
عرفت من بداية زواجي ان زوجي عنده ضعف وفوق ضعفه اناني لنفسه في العلاقه
تكلمت معه بينت له بكيت انفجرت صرخت
( فتره قصيره ويرجع كما كان )
الان حامل داخله الشهر السابع اول حمل لي
ومن حملت لي 7 شهور مالمسني
مرتين فقط قضى حاجته لنفسه بس
( كل يوم اموت قهر وحسره )
كم يوم اكشفه على التلفزيون يطالع المذيعات ومنشد معهم
ويسوي حركات
عمره 42
هاوشت زعلت خربت التلفزيون .
يتاسمح مني ويرجع بكره لنفس الحركات .
تعبببت😓
خوانه وزوجاتهم يسافرون الخارج والداخل
وهو لا وعود واماني فقط
حتى زيارات لاقاربه مانروح . عليه ديووون وماديته ضعيفه . وكل ذا صبرت عليه
البيت تخرب مكيفاته ولمباته ومهمل في كل شي
لنا سنتين غرفة النوم مكيفها خربان ولا ننام فيها !!!
كل حاجه اطلبها من السوق تجي باللغو وطلعت الروح
وانتي مسرفه ومن هالكلام

عنده مشكله في شخصيته
اهله يحتقرونه
وهو همه كيف يثبت لهم ويقوى قدامهم
وهم يستغلون جريه لرضاهم ويستخدمونه لصالحهم يكدونه وياكلون ماوراه وقدامه
ويهزئونه ( دايم مرتبك حده )
تعبت افهمه اشرح له شلت همه وهم نفسي
رحمت ودست حياتي
اجابياته ( هو طيب معي ولطيف ويحرص على صحتي )
ويحترم اهلي جدا ويحبهم ويحترمني قدام اهله .




اليوم ضاقت فيني الوسيعه
طلبت منه نروح المول وداني بعد مشكله بحجه انه مشغول ومو فاضي
وتغدينا وكل منا على الصامت
راح عني ينام بالمصلى
وراسلته قلت له باروح مع خواني واللي بينا انتهى
لاتدق ولا تسال عني


واللحين يرسل رسايل ويتراجاني مايبي الفاضيح
وكالعاده يعطيني وعود واللي تبين .....
بس ادري بكره ينسى ويرجع لطبعه